Genesis 7:4 - Chahta Holisso Holitopa 1886

⁴ Nitak untuklo momakma, nitak pokoli ushta, micha ninak pokoli ushta ho̱ yakni paknaka ya̱ on umbʋche la chi̱ hoke; micha nan okcha̱ya puta ikbi li tuk ʋt yakni paknaka ya̱ a mosholichi la chi̱ hoke, im achi tok.

Genesis 7:4 Iomraidhean Croise

Genesis 2:5

Chihowah Chitokaka yʋt yakni, micha ʋba moma ikbi tok nitak a̱, haiaka itʋpushi moma kʋt yakni ya̱ ik ai iksho ma, haiaka haiyu̱kpulo moma kʋt ik ai offo ki̱sha tok: Chihowah Chitokaka yʋt yakni paknaka ik on umbacho hatuk o̱, mihma yakni toksʋla hi ʋt hatak nana kia iksho tok.

Genesis 6:13

Mihmʋt Chitokaka yʋt Noah ya̱ Nana nipi moyuma kʋt sa tikba ya̱ ant aiʋhli hoke; Ilʋppa pulla hatuk mak o̱ yakni paknaka ya̱ nan ik ʋlhpeso bano kak osh alotowa hoka: yohmi hoka yakeh! yʋmmak atukma mosholichit yakni ya̱ ai okpʋne la he akinli hoke.

Genesis 6:17

Atuk o̱ yakeh! ʋno, ʋno fehna kʋt nipi puta ilhfiopak okcha̱ya a foyuka ka̱ mominchit shutik nutaka ya̱ a mosholichi la chi̱ kʋt oka falama yo̱ yakni paknaka ya̱ isht a̱ya la chi̱ hoke: mikma nana puta yakni paknaka aiasha kʋt illa chi̱ hoke.

Genesis 6:3

Mihma Chihowah yʋt, (Hatak ʋt nanashʋchit ahanta ka,) Ʋmi Shilombish ʋt hatak takla ahanta na, bilia he keyu hoke, hatak ʋt nipi akinli hoka: yohmi kia i̱ nitak ʋt afʋmmi tahlepa achʋfa cha, pokoli tuklashke, achi tok.

Genesis 6:7

Micha Chihowah yʋt, Hatak a̱ ikbi le tuk ʋt yakni paknaka ya̱ a mosholechit, hatak, micha nampoa, micha nana aka balʋlli, micha hushi ʋba itʋnowa aiena ka̱ yʋmihchi lashke; ikbi le tuk ʋt sa nukha̱klo hokʋt, achi tok.

Genesis 7:10

Atuk o̱ yakohmi tok, nitak untuklo ha ya̱, oka falama yʋt yakni paknaka ya̱ onʋtoyula tok.

Genesis 7:12

Mihma nitak pokoli ushta, micha ninak pokoli ushta ho̱ yakni paknaka ya̱ ai on umba tok.

Genesis 7:17

Mihma oka falama yʋt nitak pokoli ushta ho̱ yakni paknaka ya̱ onʋtoyula tok: mihma oka yʋt i̱ shahlit ma̱ha̱ya mʋt, peni chito yash shalit wakeli na yakni ya̱ ai ʋba takali tok.

Genesis 7:3

Micha hushi ʋba itʋnowa nakni, micha tek itichapa hosh untuklo bieka ho̱ ish ishi cha, ish okchalinchi na, ishtai unchuloli ʋt yakni paknaka moma ka̱ aiashashke.

Genesis 8:10

Atuk osh anta na nitak untuklo akinli ma, anonti pʋchi yoshuba yash peni chito ya̱ kohchechi tok.

Genesis 8:12

Atuk osh anonti nitak untuklo ho̱ anta tuk osh, pʋchi yoshuba yash a kohchechi tok: mihma yʋmmak osh himakma falamʋt ik im alo tok.

Genesis 8:2

Mihma oka hofobi chito oka akohcha puta, micha shutik okhissushi puta aiena kʋt ʋlhkʋma ma, umba chito ʋba minti kʋt oktʋpa tok.

Atʋloa 69:28

Ai okcha̱ya hulisso ha̱ a kʋshofashke; micha ai ʋlhpiesa ʋhleha ha̱ ai ibafo̱kkʋt ik hulisso kashke.

Nan Otʋni 3:5

Kʋna hosh nana ka imaiyachit a hlopulli hokʋto, mihi yosh nafohka tohbi a fohka he; yohmikma yʋmma hohchifo hʋt ai okcha̱ya holisso a takali tuk a̱ kashofi la he keyu, amba hohchifo ha̱ A̱ki, micha im enchil ʋhleha aiena itikba ya̱ ai anohonli la he mak oke.