Genesis 7:21 - Chahta Holisso Holitopa 1886

²¹ Mihma nana nipi moma yakni paknaka ya̱ ai itʋnowa tuk, hushi, micha nanʋlhpoa, micha nampoa, micha nana balʋlli puta yakni paknaka om balʋlli tuk, mikmʋt hatak puta aiena kʋt illi tok:

Genesis 7:21 Iomraidhean Croise

Genesis 1:25

Micha Chitokaka yʋt nampoa puta ilap aiachʋfa aiyukali, micha nan ʋlhpoa puta ilap aiachʋfa aiyukali, micha nana hosh yakni paknaka om balʋlli puta ilap aiachʋfa aiyukali ka̱ ikbi tok: mihma yʋmmʋt achukma ho̱ Chitokaka yʋt pisa tok.

Genesis 6:13

Mihmʋt Chitokaka yʋt Noah ya̱ Nana nipi moyuma kʋt sa tikba ya̱ ant aiʋhli hoke; Ilʋppa pulla hatuk mak o̱ yakni paknaka ya̱ nan ik ʋlhpeso bano kak osh alotowa hoka: yohmi hoka yakeh! yʋmmak atukma mosholichit yakni ya̱ ai okpʋne la he akinli hoke.

Genesis 6:17

Atuk o̱ yakeh! ʋno, ʋno fehna kʋt nipi puta ilhfiopak okcha̱ya a foyuka ka̱ mominchit shutik nutaka ya̱ a mosholichi la chi̱ kʋt oka falama yo̱ yakni paknaka ya̱ isht a̱ya la chi̱ hoke: mikma nana puta yakni paknaka aiasha kʋt illa chi̱ hoke.

Genesis 7:4

Nitak untuklo momakma, nitak pokoli ushta, micha ninak pokoli ushta ho̱ yakni paknaka ya̱ on umbʋche la chi̱ hoke; micha nan okcha̱ya puta ikbi li tuk ʋt yakni paknaka ya̱ a mosholichi la chi̱ hoke, im achi tok.

Mahlu 24:39

Yohmi ma ik ithano hosh okla aiasha na oka falama yʋt ʋla cha, mominchit ishit kaiyanchi tok a̱, Hatak Ushi ʋt mihinti kak kia yʋmmak inli ho̱ chiyuhma hi oke.

ʋBanumpa Luk Ʋt Holissochi Tok 17:27

Okla impʋt, okla nan ishkot, ohoyo okla itauwayʋt, okla itauwaya hi ʋt im ʋlhpowʋchit aiasha tuk o̱, Noah ʋt peni chito a̱ pit chukowa nitak fehna ma, oka falama ʋt a̱ya cha, mominchit ʋbit taiyahli tok.

Loman 8:20

Nana toba tok puta hokʋto ʋlhpesa ik ahno kia, isht ai illa hi ʋt im ʋlhpisa tok: yohmi kia isht ai illa he im apesa kʋt, isht a hlakofa he ahna hi a̱ nukfo̱kit yʋmihchi tok.

Loman 8:22

Yohmi ka nana toba tok puta moyuma kʋt it ibai hi̱hi̱hʋt, it ibai ilbaha̱sha na himak a̱ hoka, il ithaiyanʋshke.

2 Pita 2:5

Micha yakni ʋmmona ka ila tomba tok keyu, Chihowa holitobla he keyu ʋhleha yakni paknaka ai asha tuk ash oka falama yo̱ isht onochi tok: yohmi kia Noah hatak isht untuchina nan ai ʋlhpiesa isht anumpohonli yano okchalinchi tok.