Genesis 7:13 - Chahta Holisso Holitopa 1886

¹³ Nitak yʋmma fehna akinli ho̱ Noah, micha Shem, micha Ham, micha Chafelh Noah ushi ʋhleha hash, micha Noah tekchi, micha ushi ʋhleha tekchi tuchina aiena kʋt api̱ha ho̱, peni chito yash chukowa tok.

Genesis 7:13 Iomraidhean Croise

Genesis 10:21

Mihma Ebe im ʋlla ʋhleha moma ka̱ i̱ki, akni Chafelh a̱ itibapishi Shem ak kia ʋlla ʋt im aiasha tok.

Genesis 10:6

Mikma Ham ushi ʋhleha hʋt Kush, micha Mislaim, micha Fut, micha Kenan ak atok.

Genesis 5:32

Mihma Noah hʋt afʋmmi tahlepa tahlapi tok: mihmʋt Noah hʋt Shem, Ham, micha Chafelh a̱ tobachi tok.

Genesis 6:10

Micha Noah hʋt ushi tuchina Shem, Ham, micha Chafelh a̱ tobachi tok.

Genesis 6:18

Amba chishno yano kʋllochit na chitim apesa la chi̱ hoke: mikma chishno ʋt, micha chiso ʋhleha, micha chi tekchi, micha chiso ʋhleha tekchi aiena kʋt chi api̱ha ho̱ peni chito ya̱ ish chukowa hi oke.

Genesis 7:1

Mihma Chihowah ʋt Noah ya̱, Chishno, micha chin chuka achʋfa moma aienʋt peni chito ya̱ ant hʋsh chukowashke: aiitishali achʋfa ilʋppa chishno ak osh aiʋlhpiesa kʋt sa tikba ya̱ ish ahanta na chi pi̱hi̱sa li hoke.

Genesis 7:14

Yʋmma, micha nampoa puta ilap ai achʋfa aiyukali, micha nan ʋlhpoa moma ilap ai achʋfa aiyukali, micha nana balʋlli puta yakni paknaka om balʋlli ilap ai achʋfa aiyukali, micha hushi puta ilap ai achʋfa aiyukali, hushi chipinta ai il aiyukali puta aiena tok.

Genesis 8:14

Atuk osh hʋshi atukla, hʋshi yʋmmʋt nitak ont ishit pokoli tuklo akucha untuklo ma, yakni ʋt shilʋt taha tok.

Heblu 11:7

Noah yoka Chihowa hʋt nana im anohonli ma, nana ka ik peso ki̱sha ak inli kia, nʋkshopʋt holitobli hokʋt, i̱ yimmi pulla hosh in chuka‐chʋfa yʋt isht ai okchaya hi a̱ peni chito ya̱ ikbi tok; micha yʋmma yʋmohmi kak osh okla puta ai asha tok ash na palʋmmi ʋlhpisa hʋt onʋtula he ʋlhpesa ka isht otʋninchi tok; micha na yimmi isht ai ʋlhpiesa iesha hi ʋlhpesa hosh toba tok.

1 Pita 3:20

Yʋmmak okʋt nitak tikba ma peni yokʋt toba itin ta̱kla Noah okʋt ahanta nitak yʋmmak ash fehna kʋno, Chihowa hʋt i̱ nukha̱klot isht i̱ nukkilli onochi sʋlaha hosh ahanta ma, im antia he keyu ki tok; peni yʋmmak ash o̱ kanimosi yʋmmʋt shilombish untuchina hosh oka ya̱ isht a hlakofi tok.

2 Pita 2:5

Micha yakni ʋmmona ka ila tomba tok keyu, Chihowa holitobla he keyu ʋhleha yakni paknaka ai asha tuk ash oka falama yo̱ isht onochi tok: yohmi kia Noah hatak isht untuchina nan ai ʋlhpiesa isht anumpohonli yano okchalinchi tok.

Nan Apesa 21:22

Atuk o̱ yakohmikma i̱ki ʋhleha, keyukmʋt, itibapishi ʋhleha hʋt nana achit pim ʋlakma, Pishno ak atuk mak o̱ hʋsh i̱ kanaske: il it in tanampi ka hatak tekchi aiyukali ka kil im il atombo tuk oka; himak a̱ hʋsh ashʋcha chi̱ hosh hʋsh ima tuk keyu hokʋt, il im acha hi oke, achi tok.