Genesis 7:12 - Chahta Holisso Holitopa 1886

¹² Mihma nitak pokoli ushta, micha ninak pokoli ushta ho̱ yakni paknaka ya̱ ai on umba tok.

Genesis 7:12 Iomraidhean Croise

Genesis 7:17

Mihma oka falama yʋt nitak pokoli ushta ho̱ yakni paknaka ya̱ onʋtoyula tok: mihma oka yʋt i̱ shahlit ma̱ha̱ya mʋt, peni chito yash shalit wakeli na yakni ya̱ ai ʋba takali tok.

Genesis 7:4

Nitak untuklo momakma, nitak pokoli ushta, micha ninak pokoli ushta ho̱ yakni paknaka ya̱ on umbʋche la chi̱ hoke; micha nan okcha̱ya puta ikbi li tuk ʋt yakni paknaka ya̱ a mosholichi la chi̱ hoke, im achi tok.

Genesis 8:2

Mihma oka hofobi chito oka akohcha puta, micha shutik okhissushi puta aiena kʋt ʋlhkʋma ma, umba chito ʋba minti kʋt oktʋpa tok.

1 Mi̱ko 19:8

Mihma wakayʋt impa cha ishko mʋt, il impa yʋmma ishit hlampko cha ia mʋt, nitak pokoli ushta micha ninak pokoli ushta ho̱ a̱yʋt, Holeb Chitokaka i̱ nʋnih ha̱ ona tok.

Eksotʋs 24:18

Mihma Moses ʋt iʋt hoshonti iklʋnna ka̱ ibachukowʋt nʋnih ha̱ oiya tok; micha Moses ʋt nʋnih ha̱ ahanta na, nitak pokoli ushta micha ninak pokoli ushta tok.

Mahlu 4:2

Atuk o̱ yʋmmak ash osh ik impo hosh nitak pokoli ushta cha ninak pokoli ushta aiena ho̱ anta tuk osh, misha pila mʋno hohchʋfo tok.

Tutelonomi 10:10

Mihma nʋnih ha̱ ʋmmona tok a̱ chohmit, nitak pokoli ushta, micha ninak pokoli ushta ho̱ ahanta li tok; mihma Chihowah yʋt nitak yʋmmak kia a̱ haponaklo cha, Chihowah yʋt isht ik chi kancho tok.

Tutelonomi 9:18

Micha ʋmmona tuk a̱ chohmit Chihowah itikba ya̱ nitak pokoli ushta micha ninak pokoli ushta ho̱ aka itoyula li tok: hʋchi yoshoba momá ishit a hʋchi yoshobʋt Chihowah itikba ya̱ hʋchi haksi fehnʋshke; im ai i̱ nukkilli ya̱ hʋsh nokowʋchi ha tuk oka, pʋska ya̱ ak po, micha oka ya̱ ak ishko tok.

Tutelonomi 9:9

Tʋli patʋssa tuklo nan itim apesa tʋli patʋssa tuklo Chihowah yʋt chitim apesa tuk fehna ka̱ ishe la chi̱ hosh, nʋnih ha̱ oiya li mʋt; yohmi cha, nʋnih ha̱ nitak pokoli ushta, micha ninak pokoli ushta ho̱ anta li tok; pʋska ya̱ ak po, micha oka ya̱ ak ishko tok.

2 Pita 3:6

Yʋmmak o̱ yakni yʋmmak atuk ʋt oka yosh isht ompoholmot kʋnia ho̱, isht ai okpulot kʋnia tok.