Genesis 7:11 - Chahta Holisso Holitopa 1886

¹¹ Noah hʋt ʋtta tok a̱ afʋmmi tahlepa ishit hannali hosh hʋshi atukla, hʋshi yash nitak ont isht auah untuklo, mih nitak fehna ho̱ oka hofobi chito oka akohcha puta kʋt momʋt mitahli tok, mikma ʋba shutik okhissushi puta kʋt tiwa tok.

Genesis 7:11 Iomraidhean Croise

Genesis 1:7

Mihma Chitokaka yʋt shutik a̱ ikbi cha, shutik nutaka oka aiasha ka̱, micha shutik paknaka oka aiasha ka̱ iti̱ filʋmmichi tok: mihma yʋmohmi tok.

Genesis 6:17

Atuk o̱ yakeh! ʋno, ʋno fehna kʋt nipi puta ilhfiopak okcha̱ya a foyuka ka̱ mominchit shutik nutaka ya̱ a mosholichi la chi̱ kʋt oka falama yo̱ yakni paknaka ya̱ isht a̱ya la chi̱ hoke: mikma nana puta yakni paknaka aiasha kʋt illa chi̱ hoke.

Genesis 7:6

Mihma Noah hʋt afʋmmi tahlepa hannali ho̱ oka falama ʋt yakni paknaka ya̱ onʋtola tok.

Genesis 8:14

Atuk osh hʋshi atukla, hʋshi yʋmmʋt nitak ont ishit pokoli tuklo akucha untuklo ma, yakni ʋt shilʋt taha tok.

Genesis 8:2

Mihma oka hofobi chito oka akohcha puta, micha shutik okhissushi puta aiena kʋt ʋlhkʋma ma, umba chito ʋba minti kʋt oktʋpa tok.

2 Mi̱ko 7:19

Mikma itichanʋlli kʋpitʋni yash osh afalamichit, Chitokaka immi hatak ash, Yakeh! Chihowa yʋt ʋba shutik a̱ okhissushi puta ka ai ikbi hoh kia, yohma hinla cho? achi tok. Mihma, Yakeh! chi nishkin a̱ isht ish pisa kia, ish pa chi̱ keyu hoke, achi tok.

2 Mi̱ko 7:2

Yohmi ma mi̱ko ʋt ibbak a̱ ʋtaya tuk itichanʋlli kʋpitʋni ʋt afalamichit, Chitokaka immi hatak ash, Chihowa yʋt ʋba shutik a̱ okhissushi puta ai ikbi hoh kia, yohma hinla cho? im achi tok. Mihma, Yakeh! chi nishkin a̱ isht ish pisa kia; ish pa chi̱ keyu hoke, achi tok.

Atʋloa 33:7

Okhʋtah oka ya̱ ittʋnahahchi omihchit ittʋhobbit, oka hufobi putta ka̱ ʋlhpoyak aiasha yo̱ chomihchit ʋshachi yoke.

Atʋloa 74:15

Chishno ak osh tʋli ish mitʋffíh ma̱, kʋlih, oka yʋnʋlli aiena kʋt kohcha tok oke; chishno ak osh okhina yʋnʋllih billia yatukma̱ ish shileli tok oke.

Mahlu 24:38

Oka falama yʋt ik aiyo ki̱sha nitak foka ma, impa micha nan ishko, itauwaya mikmʋt itauwaya he im ʋlhpisa aiena hosh aiasha na Noah hʋt peni chukowa he nitak ʋt ona tok,

1 Hlessalonian 5:3

Achukma bieka, tʋnʋp ʋt iksho, okla ahanchikma, yohmikmak o̱ yohma chi̱ ik ahno ta̱kla ho̱ na palʋmmi kʋt onʋtula kʋt, ohoyo ʋlla esha chi̱ kʋt nukhʋmi ka chiyuhma hi oka; mikma hlakofa he keyu hoke.

2 Pita 3:6

Yʋmmak o̱ yakni yʋmmak atuk ʋt oka yosh isht ompoholmot kʋnia ho̱, isht ai okpulot kʋnia tok.