Genesis 6:9 - Chahta Holisso Holitopa 1886

⁹ Ilʋppak osh Noah ya̱ anoli holisso hoke: Noah hʋt hatak aiʋlhpiesa, micha ai itishali yʋmma aia̱hli hosh ahanta tok; micha Noah hʋt Chitokaka ya̱ iba no̱ho̱wa tok.

Genesis 6:9 Iomraidhean Croise

Genesis 10:1

Ilʋppak osh Noah ushi ʋhleha, Shem, Ham, micha Chafelh aiena ka̱ isht annoa holisso hoke: yohmi ka̱ yʋmmak okʋt oka falama ʋt a̱ya ha yak o̱ ushi ʋt im aiasha tok.

Genesis 17:1

Atuk o̱ Eblam ʋt afʋmmi pokoli chakkali akucha chakkali ma, Chihowah yʋt Eblam a̱ i̱ haiaka cha, Chitokaka Nan isht im aia̱hli ataha iksho sia hoke: sa tikba ya ish anoho̱wa cha, ish aia̱hlashke.

Genesis 2:4

Ilʋppa puta kak osh Chihowah Chitokaka yʋt yakni, micha ʋba moma aiena ikbi tok, nitak a̱ ʋba moma, micha yakni aiena kʋt toba tok a̱ isht annoa hoke;

Genesis 48:15

Mihmʋt Chosef a̱ yukpalit, Chitokaka yʋmmak o̱ a̱ki ʋhleha Eblaham, micha Aisak ʋt itikba a noho̱wa tok, Chitokaka yʋmmak osh si okcha̱ya takla ka̱ sʋpihinta na, himak nitak a̱ ant ʋhli chatuk ʋt,

Genesis 5:1

Ilʋppak osh Alam isht‐atiaka isht annoa holisso hoke. Chitokaka yʋt hatak a̱ ikbi tuk nitak fehna ka̱ Chitokaka hak o̱ holba ho̱ ikbi tok.

Genesis 5:22

Atuk osh Enok ʋt Mehluselah ya̱ tobachi hayʋt Chitokaka ya̱ ibanowʋt ahanta na afʋmmi tahlepa tuchina cha, ushi ʋhleha, micha ushetik ʋhleha ha̱ tobachi tok.

Genesis 5:24

Micha Enok ʋt Chitokaka ya̱ ibano̱ho̱wa tok, atuk osh iksho tok: Chitokaka yʋt ishi tuk oka.

Genesis 6:10

Micha Noah hʋt ushi tuchina Shem, Ham, micha Chafelh a̱ tobachi tok.

Genesis 7:1

Mihma Chihowah ʋt Noah ya̱, Chishno, micha chin chuka achʋfa moma aienʋt peni chito ya̱ ant hʋsh chukowashke: aiitishali achʋfa ilʋppa chishno ak osh aiʋlhpiesa kʋt sa tikba ya̱ ish ahanta na chi pi̱hi̱sa li hoke.

2 Samuel 22:24

Micha itikba ya̱ ai a̱hli bieka hosh a̱ya lish, nana ai ashʋchi li ya̱ ak il ahalaiacho chatuk oke.

1 Mi̱ko 3:6

Mihma Solomon ʋt, Chin tishu Lewi a̱ki ya̱ chi tikba ya̱ aia̱hlit, micha ai ʋlhpiesʋt, micha chu̱kʋsh apissalit chiba noho̱wa tuk mak o̱ ish i̱ nukha̱klo kʋt chito tuk oke; micha ish i̱ kana chito ilʋppa ish im ieshi moma cha, ushi yosh im ai ombinili holitompa ya̱ ombinili ka ish ima tok o̱ himak nitak a̱ yʋmohmishke.

Atʋloa 37:37

Hʋttak ai a̱hli ya̱ ʋcchukmalit anukfillíh, micha ai ʋpissali ya̱ ish pisashke; itti̱ nanaiya hʋttak ʋt tikba nan achukma kʋt awet im a̱sha hoka̱.

Atʋloa 37:39

Amba ai ʋlhpiesa ai okcha̱ya yʋt Chihowa hak o̱ a minti hokeh; ai ilbʋssha nittakma̱ yʋmmak osh i̱ hulihta kʋllo yoke.

ʋBanumpa Luk Ʋt Holissochi Tok 1:6

Mihi yosh yʋmmʋt tu̱klot Chihowa yʋt pi̱sa ho̱ aia̱hli biekʋt, anumpa ʋlhpisa puta, mikmʋt nan‐ʋlhpisa ilaiyuka Chihowa yʋt apihi̱sa tok a̱ moma ka i̱ shanaiya iksho hosh aha̱shwa tok.

ʋBanumpa Luk Ʋt Holissochi Tok 2:25

Yʋmohmi ma yakeh! hatak Simeon hohchifo hosh Chelusalem a̱ anta tok: yohmi kʋt yʋmmak okʋt hatak ʋlhpiesa, Chihowa ma holitobli aia̱hli hosh Islael okla na‐yukpali a̱ pit hoho̱yo hosh anta tok: yohmi ma yʋmmak oka Shilombish Holitopa yʋt anukfoyuka tok.

ʋBanumpa Luk Ʋt Holissochi Tok 23:50

Mihma hatak ʋt Chosef hohchifo nan‐apesa, micha hatak aia̱hli achukma hosh anta tok.

Apostel isht Anumpa 10:22

Mihma, Kanilis Kʋpitʋni hatak a̱hli, micha Chihowa ya̱ i̱ nukshohumpa cha tuk, micha Chu okla moyuma ka ai im annoa achukma hosh ahanta chatuk, yʋmmak osh in chuka ya̱ ish ona chi̱ ka, chi hoyo cha, anumpa ha̱ chi a hakla chi̱ ka, Chihowa yʋt enchil holitopa ya̱ isht ai im anoli tuk oke; okla achi tok

Loman 1:17

Yohmi ka yʋmmak o̱ na yimmi ak atuk pulla kak o̱ Chihowa i̱ nan isht okchalinchi yʋt na yimmi ʋhleha ha̱ im otaiyani hoke; holihi̱so kʋt, Ai‐ʋlhpiesa yokʋto na yimmi pulla kak osh isht okcha̱ya hi oke, achi hoka.

Kaleshan 3:11

Amba hatak kʋna kia Chihowa ai itikba yokʋno ʋba nan ʋlhpisa ya̱ isht ai ʋlhpiesa he keyu kʋt otʋnishke; Hatak ʋlhpesa yokʋto yimmi pulla kak osh isht ai okcha̱ya hi oka.

Tutelonomi 18:13

Chin Chitokaka Chihowah ya̱ ish im a̱hlashke.

Heblu 11:7

Noah yoka Chihowa hʋt nana im anohonli ma, nana ka ik peso ki̱sha ak inli kia, nʋkshopʋt holitobli hokʋt, i̱ yimmi pulla hosh in chuka‐chʋfa yʋt isht ai okchaya hi a̱ peni chito ya̱ ikbi tok; micha yʋmma yʋmohmi kak osh okla puta ai asha tok ash na palʋmmi ʋlhpisa hʋt onʋtula he ʋlhpesa ka isht otʋninchi tok; micha na yimmi isht ai ʋlhpiesa iesha hi ʋlhpesa hosh toba tok.

1 Pita 2:5

Hʋchishno ak kia tʋli okcha̱ya chiyuhmit, shilombish chuka hʋsh toba hosh, na holitompa isht ʋlla holitopa yosh Chisʋs Klaist ak atuk pulla kak o̱, Chihowa hokʋt im ʋlhpiesa ho̱, chu̱kʋsh isht aiokpʋchi puta ka pit hʋsh im ihi̱sa hi a tok.

2 Pita 2:5

Micha yakni ʋmmona ka ila tomba tok keyu, Chihowa holitobla he keyu ʋhleha yakni paknaka ai asha tuk ash oka falama yo̱ isht onochi tok: yohmi kia Noah hatak isht untuchina nan ai ʋlhpiesa isht anumpohonli yano okchalinchi tok.