Genesis 6:8 - Chahta Holisso Holitopa 1886

⁸ Yohmi kia Noah hʋt Chihowah itikba ya̱ isht i̱ kana ya̱ ai ahayuchi tok.

Genesis 6:8 Iomraidhean Croise

Genesis 19:19

Yakeh, himak a̱ chin tishu hʋt chi tikba ya̱ chi holhponayo hanta ai ahayuchishke, micha ʋm ilhfiopak a̱ ish okchalinchi, yʋmma ish yʋmihchi kʋt nan ish i̱ nukha̱klo ʋt ish chitolichishke: atuk o̱ malelit nʋnih ha̱ ona la he keyushke, nan ik achukmo kia si onʋtola cha, sʋlli yoba na.

Atʋloa 145:20

I̱ hullo moiyuma ka̱ Chihowa hʋt hʋllʋlli yoke; amba hʋttak ik ʋlhpeso moma ka̱ ishit kancha hi oke.

Atʋloa 84:11

Chitokaka Chihowa hak osh hʋshi micha telihpa yoka̱: isht i̱ kana micha ahulittopa ya̱ Chihowa hʋt ima hoke; ai ʋpissalit a̱ya ʋhleha ha̱ nan achukma im i̱ hʋlʋlla he keyu hoke.

Mahlu 24:37

Yohmi ka Noah hʋt ahanta nitak a̱ kaniohmi tok ma, Hatak Ushi ʋt mihinti kak kia yʋmmak inli ho̱ chiyuhma hi oke.

ʋBanumpa Luk Ʋt Holissochi Tok 1:30

Mihma enchil ash ot, Meli ʋt ik chi nukshopo kashke; Chihowa ish i̱ holitopa hi ʋt chim ʋlhpesa tuk oke.

ʋBanumpa Luk Ʋt Holissochi Tok 17:26

Mikma Hatak Ushi i̱ nitak mʋt, Noah ʋt ahanta nitak a̱ a kaniohmi tok mak o̱, a chiyuhmi makinla hi oke.

Apostel isht Anumpa 7:46

Mihma yʋmmak osh Chihowa itikba ai isht il ayukpa ahayuchi, yʋmohmi cha, Chekob in Chihowa ya̱ aboha im atahli bʋnna tok;

Loman 11:6

Yohmi ka isht i̱ kana yak okma, toksahanli tuk pulla yak o̱ ai yʋmohmi keyu hoke; yakohmi hokma isht i̱ kana yʋt isht i̱ kana keyu yoke. Amba toksahanli tuk pulla yak o̱ ai yʋmohmi hokma, isht i̱ kana yak o̱ ai yʋmohmi keyu hoke: yakohmi hokma toksahanli yʋt toksahanli keyu hoke.

Loman 4:4

Yohmi ka na toksahanli ka isht im ʋlhtoba kʋt isht i̱ kana yo̱ keyu, amba aheka yoke.

1 Kolinhlian 15:10

Yohmi kia Chihowa nan isht i̱ kana pulla ho̱ kanima a hikia li kʋt yʋmmak o̱ hikia sia mak oke; mikmʋt yʋmma nan isht i̱ kana yʋmmʋt si anukfoyuka kʋt ik ai ono ke tuk keyu hoke: yohmi hokʋt toksʋli hoyubli kʋt yʋmmak ash moma ka i̱ shahlichi li: yohmi kia ʋno ak keyu, amba Chihowa nan isht i̱ kana mihi yosh a sʋbai achʋfa kak atuk oke.

Kaleshan 1:15

Yohmi tok kia Chihowa yʋmmak osh hʋshki im oshʋto ya̱ ai ishit sa kohchi cha, isht i̱ kana isht sa hoyo tok,

2 Timohli 1:18

Chitokaka yokʋt ʋlhpesa im ai ahni na nitak yʋmmak oka Chitokaka yʋt i̱ nukha̱klo ka ahayuchi hok bano; micha Efesʋs a̱ ont anta li ma, nana la̱wa kaniohmi ka isht si apelahanchi tok a̱, chishno yokʋt ish ithana fehnʋshke.

Titus 2:11

Yohmi ka Chihowa isht i̱ kana yak osh ai okcha̱ya i̱shi kʋt hatak puta ka im otʋni tok oka,

Titus 3:7

Yohmi na isht i̱ kana yo̱ isht a pi ʋlhpiesa hosh, ai okcha̱yʋt bilia il isha he pim ai ʋlhpiesa hosh e toba hinla hoke.

Heblu 4:16

Nan isht i̱ nukha̱klo il ishi cha, ont ai ʋlhpiesa pi apela chi̱ ka isht i̱ kana il ahayucha chi̱ kʋt, isht ai i̱ kana ai o̱ binili holitompa nukwa̱ya keyu hosh il onashke.

1 Pita 3:20

Yʋmmak okʋt nitak tikba ma peni yokʋt toba itin ta̱kla Noah okʋt ahanta nitak yʋmmak ash fehna kʋno, Chihowa hʋt i̱ nukha̱klot isht i̱ nukkilli onochi sʋlaha hosh ahanta ma, im antia he keyu ki tok; peni yʋmmak ash o̱ kanimosi yʋmmʋt shilombish untuchina hosh oka ya̱ isht a hlakofi tok.

2 Pita 2:5

Micha yakni ʋmmona ka ila tomba tok keyu, Chihowa holitobla he keyu ʋhleha yakni paknaka ai asha tuk ash oka falama yo̱ isht onochi tok: yohmi kia Noah hatak isht untuchina nan ai ʋlhpiesa isht anumpohonli yano okchalinchi tok.