Genesis 6:4 - Chahta Holisso Holitopa 1886

⁴ Nitak yʋmma foka ka̱ hatak hofaloha yʋt yakni paknaka ya̱ aiasha tok; atuk o̱ i̱ himmak ak kia Chitokaka ushi ʋhleha hʋt hatak ushetik ʋhleha ha̱ itauwayʋt ma̱ya na, ʋlla ya̱ okla im eshi tok o̱, yʋmmak ash osh hatak hlampko chilita cha cha̱shpo ka̱ annoho̱wa fehna tok.

Genesis 6:4 Iomraidhean Croise

Genesis 11:4

Mihmʋt, Inta! hʋpimmi hachi̱ ka̱ tʋmaha holihta micha chuka chaha ai atoni paknaka yʋt shutik a̱ ona ho̱ iloh ikbashke; micha pi hohchifo iloh ikbashke; keyukmʋt ita fimimpʋt yakni paknaka moma ka̱ il itʋnowa yoba ná, okla achi tok.

Numbas 13:33

Micha yʋmma hatak hofaloha Anak ushi ʋhleha, yʋmmʋt hatak hofaloha ʋhleha a kohcha tok a̱ e pi̱sa tuk oke: mikmʋt pishno ile pisa kʋt hatʋfo ak o̱ pi chohmi tuk; mikma yʋmmʋt pi pesa ka̱ yʋmmak inli il in chohmi tuk oke: achi tok.

Numbas 16:2

Micha Islael im ʋlla ʋhleha aiachʋfa yʋmmʋt okla moma itʋnahʋt chieya ka̱ i̱ holitopa, hatak ithana tahlepa tuklo cha pokoli tahlapi hatak holitopʋt annoa ai itapeha hosh, Moses itikba ya̱ wakayʋt hielit

Tutelonomi 2:11

Yʋmmak kia Anakim ak inli chohmit hatak chaha hohchifo tok; amba Moabait ʋhleha hʋt Emim hochifo tok.

Tutelonomi 3:11

Hatak chaha ʋhleha a̱sha hatuk a̱ Bashan i̱ mi̱ko Ok ak bano hosh okcha̱yʋt ahanta tok; yakeh, in topa hʋt tʋli topa hatok; Ammon im ʋlla ʋhleha aiasha Labbah hiki̱a keyu cho? hatak i̱ kubit ʋlhpisa hosh falaia kʋt kubit chakkali tok, micha auahta kʋt kubit ushta tok.

1 Samuel 17:4

Mihma Filistin ʋhleha im ʋlbina ha̱ hatak chito yosh hohchifo kʋt Koliah Kalh ʋtta achi hosh, chaha kʋt kubit hannali cha, span achʋfa aiena hosh kohchʋt ia tok.