Genesis 6:2 - Chahta Holisso Holitopa 1886

² Chitokaka ushi ʋhleha hʋt hatak ushetik ʋhleha hʋt aiokli ho̱ pisa tok: mihmʋt aiahni tuk aiyukali kʋt ishi cha, itauwaya tok.

Genesis 6:2 Iomraidhean Croise

Genesis 12:11

Atuk osh yakohmi tok, Echip a̱ chukowa chi̱ mak osh bili̱kasi ona mʋt, tekchi Salai ya̱, Pisa ka̱ ohoyo chi aiokli ka̱ himak a̱ ithana lishke:

Genesis 24:3

Mikma Kenan okla takla ahanta li ka̱ ushetik ʋhleha ha̱ ohoyo ai ishit sʋso ha̱ chik emo ka he ya̱, Chihowah, ʋba in Chitokaka, micha yakni in Chitokaka ya̱ hochifot anumpa kʋllo chil onochechi lashke.

Genesis 26:35

Yʋmmak oka Aisak micha Lebekah ʋt ishit nukha̱klo beka tok.

Genesis 27:46

Mihma Lebekah ʋt Aisak a̱, Helh ushetik ʋhleha pulla kak o̱ a̱ nitak a̱ isht an takobit tahʋshke: Chekob ʋt ilʋppakinli chohmi yakni ya̱ ushetik ʋhleha, Helh ushetik ʋhleha ho̱ ohoyo ai ishikma, a̱ nitak a̱ nanta ho̱ isht ʋm achukma hinla cho? im achi tok.

Genesis 3:6

Mihma ohoyo hash osh iti ya̱ ʋpa achukma ho̱, micha nishkin ishit pisa ka̱ achukma ho̱, micha hopoyuksʋla hi ya̱ iti ya̱ bʋnna he ʋlhpesa ho̱ pisa mʋt, yʋmmak ash o̱ ʋni ya̱ ishi cha, ʋpa tok: mikmʋt i̱ hatak ash kia aieninchit ipeta na, ʋpa tok.

Genesis 4:26

Atuk o̱ Selh yʋmmak kia ushi ʋt im ʋtta tok: mihma hohchifo ha̱ Enos hochifo tok: yohmi ma hatak puta kʋt Chihowah hohchifo ha̱ i̱ pa̱yʋt wakaya tok.

Genesis 6:1

Atuk o̱ yakohmi tok, hatak ʋt yakni paknaka ya̱ ai apaknʋt ishtia cha, ushetik puta kʋt im asha ma,

Genesis 6:3

Mihma Chihowah yʋt, (Hatak ʋt nanashʋchit ahanta ka,) Ʋmi Shilombish ʋt hatak takla ahanta na, bilia he keyu hoke, hatak ʋt nipi akinli hoka: yohmi kia i̱ nitak ʋt afʋmmi tahlepa achʋfa cha, pokoli tuklashke, achi tok.

2 Samuel 11:2

Atuk o̱ yakohmi tok, opiʋt isht ia ho̱ Lewi ʋt topa itonla tuk osh tani cha, mi̱ko in chuka isht holmo ya̱ a nowa tok: atuk osh chuka isht holmo ya̱ o̱ hikia hosh ohoyo hʋt il achifa hosh anta na pit pisa tok; mihma ohoyo hash osh pisa ka aiokli fehna tok.

Eksotʋs 34:16

Micha chiso ʋhleha ha̱ ushetik ʋhleha ha̱ ishit ish ima na, ushetik ʋhleha hash osh hauit i̱ naholbʋt toba ya̱ iakaiya cha̱, chiso ʋhleha ha̱ hauit i̱ naholbʋt toba iakaiyʋchi yoba na.

1 Kolinhlian 7:39

I̱ hatak ʋt okcha̱ya moyuma ka tekchi ʋt nan ʋlhpisa pulla ho̱ isht a talaiyakchi hoke; yohmi tuk kia i̱ hatak ash osh illi hokmʋno, Chitokaka immi kʋna hoh kia ahnikmʋt, auwaya hi ʋt i̱ holhtofa hoke.

2 Kolinhlian 6:18

Yohmikmʋt hʋch I̱ki toba likma, anonti hʋchishno ʋt sʋso ʋhleha, sʋsotek ʋhleha hʋsh toba hi oke, Chihowa nana moma i̱ shahli hʋt achishke.

Tutelonomi 14:1

Hʋchin Chitokaka Chihowah im ʋlla hʋchia hoke; illi pulla kak o̱ hʋsh ile bʋshla he keyu, micha hʋchi nishkin iti takla ya̱ hʋsh yushmilalicha he keyu hoke.

2 Pita 2:14

Yohmi kʋt nishkin mʋt isht a haui yak osh alotowa, micha nan ashʋchi kʋt issa keyu hosh, hatak im anukfila fitikʋchi ya̱ haksihinchi hoke; micha nan ahayuchi bʋnna atampa isht ai yʋmohmi puta ka chu̱kʋsh isht a toksahanli hosh, isht ai ilbʋshʋt onʋtula he ʋlhpiesa ʋlla ʋhleha hoke.

1 Chan 2:16

Yakni a̱sha kʋto moma, haknip nan isht anushkunna, micha nishkin nan isht anushkunna, mikmʋt yakni pakna nan ai isht ilefehnʋchi aiena kʋt I̱ki ak o̱ a minti ho̱ keyu; amba yakni ak o̱ a minti hoke.