Genesis 5:5 - Chahta Holisso Holitopa 1886

⁵ Mihma nitak moma Alam ʋt okcha̱yʋt ahanta kʋt afʋmmi tahlepa chakkali cha, pokoli tuchina tok; atuk osh illi tok.

Genesis 5:5 Iomraidhean Croise

Genesis 3:19

Chi nashuka yʋt laiyaksha hosh pʋska i̱hi̱shpa tuk osh falamʋt lukfi ish toba hi oke; yʋmmak o̱ a chishi tuk oka: lukfi chia hokʋt, falamʋt lukfi ish toba hi oke, im achi tok.

Genesis 5:11

Mihma nitak moma Enos ʋt ahanta kʋt afʋmmi tahlepa chakkali cha tahlapi tok; atuk osh illi tok.

Genesis 5:4

Atuk osh Selh a̱ tobachi hayʋt nitak ahanta kʋt afʋmmi tahlepa untuchina tok; micha ushi ʋhleha, micha ushetik ʋhleha ha̱ tobachi tok.

Genesis 5:6

Atuk o̱ Selh ʋt okcha̱yʋt ahanta tok afʋmmi tahlepa achʋfa cha tahlapi mʋt Enos a̱ tobachi tok.

Genesis 5:8

Mihma nitak moma Selh ʋt ahanta kʋt afʋmmi tahlepa chakkali cha, auah tuklo tok; atuk osh illi tok.

2 Samuel 14:14

Pilli pulla chi̱ hoka, micha oka yosh aka hlatapa na falʋmminchit aiowa he keyu kak inli ho̱ e chohmi hoke; micha Chitokaka ʋt hatak a̱ yohmi hoka ahni keyu hoke: yohmi kia i̱ kʋnia ya̱ ik chʋfficho ka chi̱ ka nana apesa hoke.

Atʋloa 89:48

Hʋttak nanta hosh okcha̱yʋt a̱ha̱ttʋt nan illi ik peso hosh imish shilombish a̱ illi aiasha ibbak a̱ a hlʋkuffichit im esha hinlah choh? [Yukopa.

Atʋloa 90:10

Pim afʋmmih nittak okʋto yʋmma̱ afʋmmih pukolih untuklo kak oke; mikmʋt hlampko hatuk o̱ afʋmmih pukolih untucchenah yoba hokmʋno, yohmih kia nan a hlampko yʋt nanah ʋtaklʋma micha nanah keyu bieka hoke; tu̱shpʋt ant ia hatuk o̱, helit e tʋmoa hoka̱.

Tutelonomi 30:20

Yʋmohmi hosh chin Chitokaka Chihowah ya̱ ish holitoblashke, micha yʋmohmi hosh im anumpa ha̱ ish im antiashke, micha yʋmohmi hosh hʋsh asitiashke, (yʋmmak osh chi ai okcha̱ya, micha nitak isht chi̱ falaia yoke;) yʋmohmi hosh Chihowah yʋt chi̱ki ʋhleha Eblaham, Aisak, micha Chekob aiena ka̱ ima chi̱ hosh anumpa kʋllo im il onochi tok a̱, yakni ya̱ ish aiashashke, (achi tok.)

Heblu 9:27

Yohmi ka hatak puta kʋt himonna ho̱ illa hi ʋt im ʋlhpihi̱sa tok; amba misha pilla hokʋno nan im ʋlhpisa nitak osh ʋla hi oke: