Genesis 5:3 - Chahta Holisso Holitopa 1886

³ Atuk o̱ Alam ʋt okcha̱yʋt ahanta tok afʋmmi tahlepa achʋfa cha, pokoli tuchina mʋt, ʋlla nakni ilap chohmi, micha ilap holba ho̱ tobachi tok; micha hohchifo ha̱ Selh hochifo tok.

Genesis 5:3 Iomraidhean Croise

Genesis 4:25

Atuk o̱ anonti Alam ʋt tekchi ya̱ ithana tok: mihma ʋlla nakni yo̱ eshi cha, hohchifo ha̱ Selh hochifo tok: Ken ʋt ʋbi tuk Ebel ash o̱ ʋlhtomba ho̱ Chitokaka yʋt ʋlla inla ho̱ auet ʋma hoka, achi tok.

Genesis 5:2

Nakni, micha tek itatuklo ho̱ ikbi tok; mihmʋt yukpali cha, tobʋt okla nitak makinli ho̱ hohchifo ha̱ Alam hochifo tok.

Genesis 5:4

Atuk osh Selh a̱ tobachi hayʋt nitak ahanta kʋt afʋmmi tahlepa untuchina tok; micha ushi ʋhleha, micha ushetik ʋhleha ha̱ tobachi tok.

Atʋloa 51:5

Yakeh, yushoba yosh ʋtta li tok, mikma̱ nan ʋsshʋche li yo̱ hʋshki ʋt sʋ shali tok oke.

ʋBanumpa Luk Ʋt Holissochi Tok 1:35

Mihma enchil ash osh anonti afalaminchit, Shilombish Holitopa yak osh chim a̱ya he; yohmikma Nana moma i̱ shahli nan isht im aia̱hlika yʋt chi o̱ hoshontikacha hi oke; yohmi hoka na‐holitopa kʋt chim ʋtta hi ʋt yʋmmak kia Chihowa Ushi hohchifa hi oke.

ʋBanumpa Luk Ʋt Holissochi Tok 3:36

Mihma yʋmmʋt Kainan ak o̱ ushi a tok: mihma yʋmmʋt Alfaksat ak o̱ ushi a tok: mihma yʋmmʋt Sem ak o̱ ushi a tok: mihma yʋmmʋt Noah ak o̱ ushi a tok: mihma yʋmmʋt Lamek ak o̱ ushi a tok.

Chan 3:6

Nipi yo̱ a tobʋt ʋtta hokʋto, nipi yoke; mikma Shilombish o̱ a tobʋt ʋtta hokʋto, shilombish oke.

Loman 5:12

Yʋmohmi ka hatak achʋfa nan ashʋchi achʋfa pulla ho̱ ai ashʋchika yokʋt yakni paknaka yoka chukowa tok; micha ai ashʋchika yak atuk pulla mak o̱ nan illi yʋt yakni paknaka yoka onʋtuyula tok; yohmi hatuk o̱ nan illi yʋt hatak moyuma ka onʋtuyula tok, moyuma kʋt ashahanchi hatuk oka.

1 Kolinhlian 15:39

Nipi moma kʋt nipi mihi achʋfa keyu hoke; yohmi ka hatak nipi ʋt inlak ma, inla mʋt nampoa nipi, inla mʋt nʋni nipi, inla mʋt hushi nipi yak oke.

1 Kolinhlian 15:49

Yohmi ka yakni ai immi kash o̱ holba ka iloh ieshi hatuk a̱, chohmit ʋba ai immi kash o̱ holba ka iloh iesha he ak inli hoke.

Efeshan 2:3

Yohmi kak o̱ pishno ak kia cha̱shpo ma iba ta̱kla pi haknip im anukfila ik achukmo iakaiyʋt, haknip nan ai ahni, micha chu̱kʋsh nan ai ahni aiena ho̱ e yʋmohmi tuk oke; yohmi kʋt chu̱kʋsh okpulo ʋmmona il ishi tok moma kʋt im ai anukkilli pi onʋtonla kʋt, inla yak inli chohmi hoke.