Genesis 47:1 - Chahta Holisso Holitopa 1886

¹ Yohmi mʋt Chosef ʋt iʋt Falaoh ha̱ ont im anolit, A̱ki, micha itibapishi li ʋhleha, micha i̱ nanʋlhpoa chipinta, micha i̱ nanʋlhpoa hochito, micha nana im a̱sha tuk moma kʋt Kenan yakni ya̱ kohchʋt ʋlʋshke; atuk osh yakeh, Koshen yakni ya̱ aiashʋshke, achi tok.

Jesus Isht Anno̱pa Mark i̱ Holisso

^1-2 Yamomihma̱, Joseph at Egypt i̱ mi̱ko afámat iyahmat, ittiyápishi alhíha talhapi (5) ka̱ pihli̱t iyattók. Hicha mi̱ko ya̱ o̱t im anolihmat, “Sa ittiyapishi hicha a̱ki i̱ chokkachaffa alhíha yat Canaan yakni oklah ásha tokosh oklah áyálah okih. I̱ chokfalhpówa, issokkosoma, wák, hicha nánah ósh im áshatok at mómichika̱ oklah isht alatok. Hitokósh himakno̱ Goshen  yakni a̱ oklah ábináchih,” im áchittok. Hihmat Joseph at ittiyapishi alhíha ma̱ mi̱ko ya̱ o̱t isht afámachittók.

Genesis 47:1 Iomraidhean Croise

Genesis 45:10

Micha Koshen yakni ak o̱, is sa̱ bili̱ka chi̱, chishno, micha chim ʋlla ʋhleha, micha chim ʋlla ʋhleha ha̱ im ʋlla ʋhleha, micha chi̱ nanʋlhpoa chipinta, micha chi̱ nanʋlhpoa hochito, micha nana chim a̱sha moma kʋt ish aiashashke.

Genesis 45:16

Atuk o̱ Chosef itibapishi ʋhleha hʋt ʋlʋshke, achi na annoa ka̱ Falaoh in chuka achʋfa yʋt haklo tok: mihma Falaoh, micha in tishu ʋhleha aiena kʋt im achukma fehna tok.

Genesis 46:28

Mihma Chosef ʋt Koshen ak o̱ apissalit ont ai afama chi̱ ho̱, Chutah ya̱ itikba pit i̱ pila tok: mihmʋt Koshen yakni ya̱ okla ona tok.

Genesis 46:31

Mihma Chosef ʋt itibapishi ʋhleha, micha i̱ki in chuka achʋfa ya̱, Ia lish, Falaoh ha̱ ont im anolit, Itibapishi li ʋhleha, micha a̱ki in chuka achʋfa Kenan yakni aiasha tuk ʋt ʋm ʋlʋshke:

Genesis 46:34

Yohmikma, Chin tishu ʋhleha nan isht aiasha yʋt ʋlla pi moma hakinli tok osh himak a̱ ant ʋhli kʋt, pishno, micha pi̱ki ʋhleha aiena kʋt nanʋlhpoa apesʋchi ak oh chatuk oke, hʋsh achashke: yohmi hosh Koshen yakni ak o̱ hʋsh aiashashke; nanʋlhpoa apesʋchi ʋt Echip okla hʋt nana isht ayuwala yoka, im achi tok.

Eksotʋs 8:22

Mikma nitak yʋmma ʋm okla aiasha, Koshen yakni ya̱ filʋmmichi likma, shu̱shi laua nana kia yʋmma iksho ka hi oke, yohmi ho̱ yakni ai iklʋnnaka ʋno ak osh Chihowah sia ka̱ ishit ithaiyana chi̱ kak oke.

Eksotʋs 9:26

Koshen yakni, Islael im ʋlla ʋhleha hʋt aiasha ak illa ho̱ hata̱fo ʋt iksho tok.

Heblu 2:11

Yohmi ka na‐kashofi, micha nan ai ashʋchika i̱ kashofa aiena kʋt it ibai achʋfa hoke; yakohmi hoka ik hofahyo hosh itibapishi ʋhleha hochihi̱fo kʋt,