Genesis 42:2 - Chahta Holisso Holitopa 1886

² Micha yakeh, Echip o̱ onush ʋt a̱sha ho̱ haklolishke: yʋmmak o̱ hʋsh ona cha, yʋmmak o̱ ont hʋsh pim a chumpashke; yʋmohmi ho̱ pi okcha̱ya cha, ik pillo ka chi̱ hoke, achi tok.

Jesus Isht Anno̱pa Mark i̱ Holisso

² Hicha makáchihmat, “Onosh at Egypt a̱shah miyáho̱ ha̱klolika̱ óhilhkólicha o̱t hapi̱ cho̱pah. Makokmano̱ hokchafot ik hapillo ká hi̱nah,” áchittók.

Genesis 42:2 Iomraidhean Croise

Genesis 42:3

Mihma Chosef itibapishi pokoli kʋt Echip a̱ onush a̱ chumpa chi̱ hosh ilhkoli tok.

Genesis 43:2

Atuk o̱ yakohmi tok, onush a̱ Echip a̱ ont ai ishtʋla tuk ʋt ʋpʋt tahli ma, i̱ki ʋt, Anonti hʋsh ia cha, ilhpak kanomosi ka̱ ont hʋsh pin chumpashke, im achi tok.

Genesis 43:4

Pitibapishi ha̱ pi ta̱kla ish pila hokmʋno, il ia cha, ilhpak a̱ ont e chin chumpashke;

Genesis 43:8

Mihma Chutah ʋt i̱ki Islael a̱, Ʋlla ya̱ ʋno ak o̱ sʋbbak fohkit ish pilakma, e wakaya cha, il iashke, yʋmohmi ho̱ pishno, micha chishno, micha pim ʋlla ʋhleha aiena kʋt pi okcha̱ya cha, ik pillo kashke.

Genesis 45:9

Hʋsh tu̱shpashke, micha a̱ki ya̱ hʋsh im ona cha, Chiso Chosef ʋt yak achishke, Chitokaka yʋt Echip moma ka̱ i̱ shahli ha̱ sa hilechi tuk oke: is sʋm ʋlashke, ish sʋlaha ná;

Atʋloa 118:17

Sʋlla chih keyuh, amba okcha̱yʋt a̱ha̱tta lish, Chihowa hʋt nan isht a̱ha̱tta ka̱ ʋno̱ho̱li la chi̱ hoke.

Atʋloa 33:18

Yakeh, i̱ nukshopa ʋhlehah, isht i̱ hullo ho̱ho̱yo ʋhleha ha̱ Chihowa nishkin ʋt onuttoiyula kʋt,

Atʋloa 33:19

Imish shilombish a̱ aiilli a kohchicha chi̱h, micha hohchʋfoh chintoh kia ai okchalincha chi̱ kak oke.

Mahlu 4:4

Yohmi kia yʋmmak ash osh afalaminchi mʋt, Hatak ʋt pʋska yak bano ho̱ ai okcha̱ya he keyu; amba anumpa moyuma kʋt Chihowa itih akohoncha kak a hi o̱, holisso tok oke, achi tok.

Apostel isht Anumpa 7:12

Yohmi kia Echip a̱ tanchi ʋt a̱sha na Chekob ʋt haklo mʋt, hʋpin tikba ʋhleha ak o̱ ʋmmona ka pit tihleli tok.