Genesis 4:8 - Chahta Holisso Holitopa 1886

⁸ Atuk o̱ Ken ʋt itibapishi Abel a̱ im anumpuli tok; atuk o̱ yakohmi tok, yakni haiaka a̱shwa ma, Ken ʋt itibapishi Abel a̱ i̱ sanalit wakaya cha, ʋbi tok.

Genesis 4:8 Iomraidhean Croise

Genesis 4:25

Atuk o̱ anonti Alam ʋt tekchi ya̱ ithana tok: mihma ʋlla nakni yo̱ eshi cha, hohchifo ha̱ Selh hochifo tok: Ken ʋt ʋbi tuk Ebel ash o̱ ʋlhtomba ho̱ Chitokaka yʋt ʋlla inla ho̱ auet ʋma hoka, achi tok.

2 Samuel 14:6

Micha chin tishu ohoyo hʋt ushi ʋt tuklo hosh im a̱shwa tok; atuk osh tuklo yʋmmʋt osapa a̱shwa tuk osh itafena tok; yohmi ma it i̱ filʋmmicha hi ʋt iksho hatuk o̱, achʋfa kʋt achʋfa ya̱ isso cha, ʋbi tok.

2 Samuel 3:27

Atuk o̱ Abne ʋt falamʋt Heblon a̱ ʋla ma, Choab ʋt lumʋt im anumpula chi̱ hosh naksika holihta okhissa ya̱ isht ona cha, itibapishi Asahel im issish atuk pulla mak o̱ naksi foni ont ishit tahlapi nuta ya̱ bahli na illi tok.

Atʋloa 139:19

Chitokaka ma, hʋttak haksi ya̱ ish bi hokbano! Mikma̱ issish hlʋtʋbli hʋttak ʋhleha hʋt hʋs sa̱ filʋmmashke.

Atʋloa 36:3

Ilap itih im ʋnnumpa hʋt nan ik ʋlhpeso micha na̱ haksichi bano yoke; hupoyuksa, nanah achukma yʋmohma he tuk ʋt issa tuk oke.

Atʋloa 55:21

Itih ha̱ kohcha kʋt pishukchi nia chohmit hʋlushkih kia, tʋnampi yosh chu̱kʋsh a̱ a foiyukka hoke: im ʋnnumpah putta kʋt lʋpushki kʋt bila i̱ shahlih kia, yʋmmʋt bʋshpo fʋlaya ʋlhtaha yoke.

Numbas 35:20

Amba i̱ nukkilli hosh ishit bahli na illi, keyukmʋt in luma tuk osh pit ishit bahli na illi;

Mahlu 23:35

Yohmi hokʋt hʋchishno ak o̱ hopoyuksa puta im issish yakni pakna a hlatahampa tok, hatak hopoyuksa Ebel a̱ im issish a tok ai ʋhlit mihintit, Sakalias, Balakias ushi, yʋmma tempel, micha alta aiena itintakla ya̱ hʋsh ai ʋbi tok im issish ant ai ʋhli kʋt, momʋt hʋchi onʋtula hi oke.

ʋBanumpa Luk Ʋt Holissochi Tok 11:51

Ebel a̱ im issish a tok a̱ ai ʋhlit mihintit Sakalaias alta micha tempel itin takla ai ʋbi tok issish ak o̱ ant ai ʋhli yʋmmak o̱ himonasi hatak aiasha ilʋppak o̱ im a hoya he mak oke, aia̱hli mak o̱ hʋchi̱ miha lishke.

ʋBanumpa Luk Ʋt Holissochi Tok 22:48

Yohmi kia Chisʋs ash ot, Chutas ma! na su̱ksowa hak o̱ Hatak Ushi a̱ isht haksichit ishit inla ibbak a̱ ish fohki hoh cho? im achi tok.

Heblu 11:4

Na yimmi pulla kak osh Ebel okʋt ʋba isht aiokpʋchi achukma kʋt Ken immi ya̱ i̱ shahli fehna ho̱ Chihowa hoka ont im issa tok; yʋmmak ash o̱ nana ka ai ʋlhpiesa kʋt isht atokowa kʋt, i̱ na hʋlbina puta ka Chihowa hokʋt atokolit im aiokpanchi tok; micha yʋmmak atuk pulla kak o̱ illi tok kia anumpuli kʋt imomʋshke.

Heblu 12:24

Micha Chisʋs nan it im ʋlhpisa himona ya̱ ai‐a̱hlichi, micha issish nan isht o̱ fimmi, yʋmmak osh Ebel ʋt a yʋmohmi tok a̱ nana achukma i̱ shahli ho̱ isht anumpuli aiena ho̱ hʋsh ona hoke.

Chute 1:11

Yʋmmʋt i̱ palʋmmi mak oke; Ken nana a kaniohmi tok ak o̱ chiyuhmit itʋnowa hokʋt, micha nan isht ʋlhtoba yak o̱ bʋnna hosh Belam ʋt nan ashahanchi tok ak o̱ chiyuhmit, ai yimitʋt kʋniʋt yihlihimpa hatuk osh Koli ʋt i̱ sanalit anumpohonlit isht illi ha tok a̱ chiyuhmit isht ai okpulo tok.