Genesis 4:7 - Chahta Holisso Holitopa 1886

⁷ Ai ʋlhpiesa ho̱ ish yʋmohmikma chim aiokpʋchi kak a hetuk keyu cho? micha aiʋlhpiesa ho̱ ish yʋmhichi keyu hokma nanashʋchi ʋt okhissa yakinli ho̱ itoyula hoke. Mikma Abel nana ahni kʋt chishno ak o̱ chi pi̱hi̱sakma, ish i̱ shahla hi oke, im achi tok.

Genesis 4:7 Iomraidhean Croise

Genesis 19:21

Mihma, Yakeh, nana ilʋppa chim aiokpanchi li ak inli hokʋt, isht ish anumpuli tuk tʋmaha holihta ilʋppa okpʋnit ak kancho ka chi̱ hoke.

Genesis 3:16

Micha ohoyo hano, Chakalit isht chilbʋsha hi ya̱ chim apaknʋchi li fehna chi̱ hoke; ilbaiyʋsha hosh ʋlla ish esha hi oke; mikmʋt nana ish ahni kʋt chi̱ hatak ak o̱ ish anukchietokma, yʋmmak osh chi̱ shahlit chilauela hi oke, im achi tok.

2 Samuel 24:23

Nana ilʋppa puta moma ka Alaunah ʋt mi̱ko chohmit mi̱ko yash ima tok. Micha Alaunah ʋt mi̱ko ya̱, Chin Chitokaka Chihowa ʋt chim aiokpʋchashke, im achi tok.

2 Mi̱ko 8:28

Mihmʋt Ahab ushi. Cholam a̱ ta̱kla iʋt Silia i̱ mi̱ko Hasael a̱ Lamolh‐kileat a̱ ai itibit ona tok; mihma Silia hatak ʋhleha hʋt Cholam a̱ nʋhli tok.

Numbas 32:23

Amba hʋsh yʋmohma he keyukmʋt, yakeh! Chihowah ya̱ hʋsh i̱ yoshobʋshke, yohmi ka̱ oh ithana na hʋsh ashʋchi ʋt hʋchi ahayucha chi̱ hoke.

Apostel isht Anumpa 10:35

Amba oklushi moyuma ka kʋna hosh yʋmma i̱ nukshoyupa cha, ai ʋlhpiesa ka yʋmohmi hokʋt, im a holitopa chatuk oke.

Loman 12:1

Yʋmohmi ka itibapishi li ʋhleha ma! Chihowa hʋt isht i̱ nukha̱klo puta hak atuk pulla mak o̱ hʋchi haknip puta hokʋno ʋba isht aiokpʋchi okcha̱ya, holitopa, Chihowa yʋt aiokpancha he ʋlhpesa ho̱, yʋmma isht hʋsh ai ahanta he ʋlhpiesa hokʋt, hʋsh im issa he, hʋchim ai ahni lishke.

Loman 14:18

Yohmi ka kʋna hosh nana ilʋppak fehna ka Klaist a̱ isht im antia hokʋno Chihowa yʋt ahninchi, mikmʋt hatak puta kʋt ʋlhpesa ai ahni hoke.

Loman 15:16

Yohmi hosh Chisʋs Klaist nan isht im ʋtta yosh, Chihowa im ʋbanumpa ha̱ Chentail okla hak o̱ isht im ahanta la chi̱ hatok; yohmi ho̱ Chentail ʋt Shilombish Holitopa yak o̱ isht a kashofa hatuk o̱ ʋba isht aiokpʋchi ka ahnincha hi atok oke.

Loman 6:12

Ai ashʋchika yʋt hʋchi haknip illa hi a̱ ik imaiyacho ki̱, im anukfila okpulo yʋmma hʋch ik im antio kashke.

Loman 6:16

Yohmi ka kʋna ho̱ in tishu tobʋt hʋsh im antia hokmʋt, kʋna ho̱ hʋsh im antia kʋt, in tishu hʋchia hokʋt hʋch ik ithano ho̱? Ai ashʋchika isht ai illi, keyukmʋt im antiʋt isht ai ʋlhpiesa yak okmá, kanimampo yoke.

Efeshan 1:6

Yohmi kʋt isht i̱ kana chinto yʋt isht anno̱howa he, yʋmmak pulla ho̱ Holitopa achʋfa yʋmma a pi ahninchi tok.

1 Timohli 5:4

Amba ohoyo i̱ hatak illi kaniohmi kʋt im ʋlla, keyukmʋt ipok ʋhleha hʋt a̱shakmʋt, ʋmmona nan ithʋna kʋt, in chuka ma̱yʋt nana achukma ka yʋmohmashke; micha ipokni, ishki chohmi ka falaminchit im atobbashke: ilʋppʋt achukmʋshke, yohmi kʋt Chihowa itikba ya̱ ai ʋlhpiesa hoke.

Heblu 11:4

Na yimmi pulla kak osh Ebel okʋt ʋba isht aiokpʋchi achukma kʋt Ken immi ya̱ i̱ shahli fehna ho̱ Chihowa hoka ont im issa tok; yʋmmak ash o̱ nana ka ai ʋlhpiesa kʋt isht atokowa kʋt, i̱ na hʋlbina puta ka Chihowa hokʋt atokolit im aiokpanchi tok; micha yʋmmak atuk pulla kak o̱ illi tok kia anumpuli kʋt imomʋshke.

Chemis 1:15

Yohmi tuk mak o̱ chu̱kʋsh nan ahni ash osh chakali mʋt, nan ai ashʋchika yo̱ cheli hoke; atukma nan ai ashʋchika ash osh ont ai ʋlhtaha hokʋto, nan illi ho̱ ikbi hoke.

1 Pita 2:5

Hʋchishno ak kia tʋli okcha̱ya chiyuhmit, shilombish chuka hʋsh toba hosh, na holitompa isht ʋlla holitopa yosh Chisʋs Klaist ak atuk pulla kak o̱, Chihowa hokʋt im ʋlhpiesa ho̱, chu̱kʋsh isht aiokpʋchi puta ka pit hʋsh im ihi̱sa hi a tok.