Genesis 4:5 - Chahta Holisso Holitopa 1886

⁵ Amba Ken, micha nan im issa aiena ka̱ ik im ahnincho tok. Mihma Ken ʋt nukhobela fehna cha, nashuka ʋt ilapissa tok.

Genesis 4:5 Iomraidhean Croise

Genesis 31:2

Atuk osh Chekob ʋt Laban nashuka ya̱ pisa ma, yakeh, tikba chatuk a̱ in chohmi keyu tok.

Genesis 31:5

Hʋch i̱ki nashuka yʋt tikba chatuk ʋt an chohmi keyu ka̱ pisa lishke: yohmi kia a̱ki in Chitokaka yʋt sʋbafoyuka hoke.

Genesis 39:19

Atuk o̱ yakohmi tok, i̱ shahli hash osh tekchi im anumpa ha̱ im anumpulit, Chin tishu hʋt si yakohmichi tuk oke, achi na haklo mʋt, im ai i̱ nukkilli ʋt libbi tok.

Atʋloa 20:3

Ilhpak isht ish ayokpʋchi moma ka̱ ithaiyana cha, na̱ hukmit isht ish ayokpʋchi ya̱ ayokpʋchikbano; [Yukopa.

Numbas 16:15

Mihma Moses ʋt nukowa fehna cha, Chihowah ma! nana chim ihi̱sa ka̱ chik aiokpacho kashke: issuba nashoba achʋfa kia im ishi li tuk keyu hoke, micha achʋfa kia okpʋni li tuk keyu hoko, achi tok.

Mahlu 20:15

Ʋno ʋmmi hatuk ʋt ʋno nana aiahni li hosh kanimihchi la hi ʋt ʋm ʋlhpesa keyu̱? ʋno ak osh si achukma kak o̱, chi nishkin ʋt ik ʋlhpeso hoh cho? achi tok.

Apostel isht Anumpa 13:45

Yohmi kia Chu okla hʋto okla laua ya̱ pisa mʋt, nukhobelʋt alota mʋt, Pal ʋt nana anumpuli ka ik ahobalot na mihachit itachowʋt ma̱ya tok.

Heblu 11:4

Na yimmi pulla kak osh Ebel okʋt ʋba isht aiokpʋchi achukma kʋt Ken immi ya̱ i̱ shahli fehna ho̱ Chihowa hoka ont im issa tok; yʋmmak ash o̱ nana ka ai ʋlhpiesa kʋt isht atokowa kʋt, i̱ na hʋlbina puta ka Chihowa hokʋt atokolit im aiokpanchi tok; micha yʋmmak atuk pulla kak o̱ illi tok kia anumpuli kʋt imomʋshke.

Chute 1:11

Yʋmmʋt i̱ palʋmmi mak oke; Ken nana a kaniohmi tok ak o̱ chiyuhmit itʋnowa hokʋt, micha nan isht ʋlhtoba yak o̱ bʋnna hosh Belam ʋt nan ashahanchi tok ak o̱ chiyuhmit, ai yimitʋt kʋniʋt yihlihimpa hatuk osh Koli ʋt i̱ sanalit anumpohonlit isht illi ha tok a̱ chiyuhmit isht ai okpulo tok.

1 Samuel 16:7

Yohmi kia Chihowa ʋt Samuel a̱, Nashuka, micha chahaka atokolit ish pisa ná; ak aiokpacho tuk oka: Chihowa ʋt nana pisa kʋt hatak na pisa ka chohmi keyu hokʋt; hatak ʋto nashuka ya̱ pisa hoke, amba Chihowa ʋto chu̱kʋsh oka atokolit pisa hoke, im achi tok.