Genesis 4:4 - Chahta Holisso Holitopa 1886

⁴ Mihma Abel yʋmmak kia nan im ʋlhpoa chipinta chelahpi puta, micha i̱ nia aiena ka̱ isht ona tok. Mihma Chihowah ʋt Abel micha nan im issa aiena ka̱ im aiokpanchi tok:

Genesis 4:4 Iomraidhean Croise

Genesis 15:17

Atuk o̱ yakohmi tok, hʋshi ʋt okatula na okhlili ma, yakeh, shuti shobulli, micha pʋla libbi aiena kʋt nipi pahlahli, kanohmi kash iti takla ya̱ ant ia tok.

Genesis 4:3

Atuk osh nitak ʋt ont ai ʋlhpiesa yʋt ʋla ma, yakohmi tok, Ken ʋt yakni nana awaya ya̱ nan im issa yo̱ Chihowah ya̱ isht im ona tok.

1 Mi̱ko 18:24

Mikma hʋchin chitokaka puta hohchifo ha̱ hʋsh i̱ pa̱ha̱yakma, ʋno ʋt Chihowa hohchifo ha̱ i̱ pa̱ya lashke: mikma Chitokaka nana hosh anumpa falama ya̱ luak o̱ et pilak mak osh Chitokaka yashke. Mihma okla moma kʋt, Ʋlhpesa hosh anumpʋshke, achi tok.

1 Mi̱ko 18:38

Yʋmohmi ma Chihowa in luak ʋt aka itula cha, nahukmit isht aiokpʋchi, micha iti, micha tʋli, micha lukfi pushi ya̱ hukmit taiyahli cha, yakni kula oka aiasha aiena ka holakshit tahli tok.

Atʋloa 20:3

Ilhpak isht ish ayokpʋchi moma ka̱ ithaiyana cha, na̱ hukmit isht ish ayokpʋchi ya̱ ayokpʋchikbano; [Yukopa.

Eksotʋs 13:12

Ʋttahpi puta im oshʋtto tiwi moma ka̱ Chihowah ish i̱ hullocha hi oke, mikma nanʋlhpoa chim asha puta ka̱ ʋttahpi moma nakni puta kʋt Chihowah immi ha hi oke.

Lefitikʋs 9:24

Yʋmohmi ma luak osh Chihowah itikba ya̱ ʋttʋt kucha cha nahukmi im issa micha nia ʋt alta onʋtoyula ka̱ hukmi tok; yʋmmak o̱ okla hʋt pisa mʋt shakapa cha nashuka ya̱ aka isht hlipkaiyachi tok.

Numbas 16:15

Mihma Moses ʋt nukowa fehna cha, Chihowah ma! nana chim ihi̱sa ka̱ chik aiokpacho kashke: issuba nashoba achʋfa kia im ishi li tuk keyu hoke, micha achʋfa kia okpʋni li tuk keyu hoko, achi tok.

Numbas 16:35

Mihma luak ʋt Chihowah ya̱ akohchʋt minti cha hatak tahlepa tuklo cha pokoli tahlapi, na balama im issa kash o̱ hukmit tahli tok.

Numbas 18:12

Micha bila achukma i̱ shahli moma, micha oka pa̱ki achukma i̱ shahli moma, micha onush aiena nawaya ʋmmona, Chihowah im issa tuk a̱ yʋmma puta chima lishke.

Numbas 18:17

Amba wak chelahpi, keyukmʋt chukfi chelahpi keyukmʋt issi kosoma chelahpi aiena hokʋno, falʋmminchit ish chumpa he keyu hoke, holitopa hoka, im issish a̱ alta ya̱ ish o̱ fimmi cha, Chihowah i̱ balama ya chi̱ ho̱, luak ishit hukmit im issa yo̱ i̱ nia ya̱ luak isht ish hukmashke.

Heblu 11:4

Na yimmi pulla kak osh Ebel okʋt ʋba isht aiokpʋchi achukma kʋt Ken immi ya̱ i̱ shahli fehna ho̱ Chihowa hoka ont im issa tok; yʋmmak ash o̱ nana ka ai ʋlhpiesa kʋt isht atokowa kʋt, i̱ na hʋlbina puta ka Chihowa hokʋt atokolit im aiokpanchi tok; micha yʋmmak atuk pulla kak o̱ illi tok kia anumpuli kʋt imomʋshke.

Heblu 9:22

Yohmi ka ʋba nan ʋlhpisa yak atuk pulla mak o̱ nan oklu̱ha kʋt moma chohmit issish isht a kashofa hoke; micha issish hlatahampa keyu hokʋno nan ai ashʋchika isht a kashofa iksho hoke.

Nan Otʋni 13:8

Mikma kʋna hosh hohchifo hʋt yakni tobʋt a minti tok ai ʋhli ka ʋlhtobʋt illi tok Chukfʋlhpobushi i̱ holisso ai‐okcha̱ya a holisso tok keyu kʋt, yakni pakna ai asha moma kʋt yʋmmak ash o̱ aiokpahancha chi̱ hoke.

Nan Apesa 6:21

Mihma Chihowa im enchel ʋt tʋbi ibbak foyuka tuk ʋt weli cha, tʋbi wishakchi ya̱ nipi micha pʋska ya̱ tikelichi ma, luak ʋt tʋli ya̱ kohcha cha, nipi micha pʋska ik shatʋmmo ya̱ hushmit tahli tok. Yʋmohmi ma Chihowa im enchel ʋt ia na ik peso ki tok.

1 Samuel 15:22

Mihma Samuel ʋt, Chihowa ʋt na hukmit isht aiokpʋchi, micha nan ʋbit isht aiokpʋchi aiena ka aiokpanchi kʋt, Chihowa im anumpa im antia ka im itilaui ho̱? Yakeh! im antia kak osh nan ʋbit isht aiokpʋchi ya̱ i̱ shahlikma, haponaklo kak osh chukfʋlhpoa nakni i̱ nia ya̱ i̱ shahli hoke.