Genesis 4:2 - Chahta Holisso Holitopa 1886

² Atuk osh anonti nakfish Abel a̱ eshi tok. Atuk o̱ Abel ak osh chukfʋlhpoa apesʋchi yokma, Ken ak osh osapa toksʋli atok.

Genesis 4:2 Iomraidhean Croise

Genesis 3:23

Yohmi hatuk osh Chihowah Chitokaka yʋt yakni yʋmmak o̱ ai ishi tuk a̱ atoksʋla chi̱ ho̱ osapushi Eten a̱ a kochi tok.

Genesis 37:13

Mihma Islael ʋt Chosef a̱, Chitibapishi ʋhleha hʋt Shekem a̱ nanʋlhpoa chipinta ya̱ ai impʋchi keyu cho? Inta, pit i̱ chi chʋffichi lashke, im achi tok. Mihma, yak hikia lishke, im achi tok.

Genesis 4:1

Mihma Alam ʋt tekchi Ef a̱ ithana tok; mihma yʋmmak ash osh chakali tuk osh Ken a̱ eshi mʋt, Chihowah ʋt ahni‐ho̱ hatak o̱ eshi lishke, achi tok.

Genesis 4:3

Atuk osh nitak ʋt ont ai ʋlhpiesa yʋt ʋla ma, yakohmi tok, Ken ʋt yakni nana awaya ya̱ nan im issa yo̱ Chihowah ya̱ isht im ona tok.

Genesis 47:3

Mihma itibapishi ʋhleha ha̱ Falaoh hʋt, Nanta ho̱ ishit hʋsh asha chatuk o̱? im achi tok. Mihma Falaoh ha̱, Pishno, micha pi̱ki ʋhleha il aiena, chin tishu ʋhleha hʋt nanʋlhpoa apesʋchi pia hoke, im achi tok.

Genesis 9:20

Mihma Noah hʋt yakni a toksʋlit wakaya cha, osapushi pa̱kʋpi ahollokchi ya̱ ikbi tok.

Atʋloa 127:3

Yakeh, ʋlla ʋhleha hʋt nan immi Chihowa a minti yoke; ushʋto a minti yak osh nan isht ʋlhtoba yoke.

Eksotʋs 3:1

Yohmi ka̱ Moses ʋt ipochi naholitompa isht ʋtta Mitian ʋtta Chehlo i̱ nan ʋlhpoa chipunta ya̱ im apesʋchi tok; atuk osh nan ʋlhpoa chipinta ya̱ pehlichit isht a̱yʋt, yakni haiaka ya̱ ont a̱shakah ishtona mʋt, Chitokaka in nʋnih chaha Holeb a̱ ona tok.

ʋBanumpa Luk Ʋt Holissochi Tok 11:50

Yohmi na yakni ʋt toba tok taiyakla ka hopaii ʋhleha im issish ʋt hlatahampa tok moyuma ka, himonasi hatak aha̱shwa ilʋppak o̱ im a hoya hi oke.

ʋBanumpa Luk Ʋt Holissochi Tok 11:51

Ebel a̱ im issish a tok a̱ ai ʋhlit mihintit Sakalaias alta micha tempel itin takla ai ʋbi tok issish ak o̱ ant ai ʋhli yʋmmak o̱ himonasi hatak aiasha ilʋppak o̱ im a hoya he mak oke, aia̱hli mak o̱ hʋchi̱ miha lishke.

Chan 8:44

Setan hʋch i̱ki ak o̱ hʋsh a toba hatuk osh, hʋch i̱ki nana ai‐ahni kak o̱ ai yohma hi a̱ hʋchim anukfilʋshke; yʋmmak okʋt ʋmmona kash inli ho̱ hatak ʋbi a tok; micha ilap ak osh nan aia̱hli kʋt anukfo̱ka keyu hatuk osh, nan ai a̱hlika ya̱ a hikia keyu hoke. Holabit anumpuli kʋt ai immi ka mak okʋt anumpuli hoke; ilap ak osh holabi yokʋt anonti na‐holabi i̱ki mak oke.

1 Chan 3:10

Ilʋppak o̱ Chihowa im ʋlla ʋhleha, mikmʋt Setan im ʋlla ʋhleha aiena kʋt isht ai otʋni hoke: kʋna hosh nan ai ʋlhpiesa ya̱ a yʋmohmi keyu, mikmʋt itibapishi ha̱ ik i̱ hullo aiena kʋt, Chihowa ak o̱ ai ibai achʋfa ho̱ keyu hoke.

1 Chan 3:12

Nan okpulo a̱ ai ibai achʋfa cha, itibapishi ha̱ ʋbi tok Ken ak okʋno ke chohmo kashke. Micha nanta katiohmi ho̱ yʋmma ʋbi tok o̱? Ilapo nana a kaniohmi kʋto ai ʋlhpiesa keyu ma, itibapishi hʋto ai ʋlhpiesa kak a tok oke.

1 Chan 3:15

Kʋna hosh itibapishi ha̱ i̱ nukkilli kʋt, hatak ʋbi yoke: yohmi ka hatak ʋbi nana hak osh okcha̱yʋt bilia yʋt anukfoyuka keyu ka hʋsh ithanʋshke.