Genesis 4:13 - Chahta Holisso Holitopa 1886

¹³ Mihma Ken ʋt Chihowah ya̱, Nan ashʋchi lish nan isht ʋm a palʋmmi ʋt chito kʋt ʋm atampa fehnʋshke.

Genesis 4:13 Iomraidhean Croise

Genesis 4:12

Yakni ya̱ ish a toksʋli hokma, himak pilla ka̱ im i̱ hlampko hosh chi̱ waya he keyu hoke: i̱ yakni kohcha yosh yakni paknaka ya̱ fullokahanchit a̱ya hatak chia ha chi̱ hoke, im achi tok.

Genesis 4:14

Yakeh! himak nitak a̱ yakni paknaka a kohchit is sa chʋffichishke: yohmi na chi nashuka yatukma ai in luma la chi̱shke; micha hatak kʋnia, micha yakni paknaka ya̱ fullokahanchit a̱ya hatak sia ha chi̱ hoke; atukma yakohma chi̱ hoke, kʋna hosh si ahayuchikmʋt, sʋba chi̱ hoke, im achi tok.

Nan Otʋni 16:11

Mihmʋt hichi okchushbʋt hotohompa hokʋt, ilap nana a kaniohmi tok puta ka okla ai ile kostininchi keyu mʋt, ʋba aholitopa in Chihowa yak o̱ ik ahobalot na mihahanchi tok.

Nan Otʋni 16:21

Yʋmohmi ma hata̱fo chinto kʋt ʋba shutik a minti hosh, weki kʋt talent achʋfa foka aiyuka hosh hatak puta ka onʋtuyula tok; yohmi ma hata̱fo nan isht palʋmmi pulla hatuk mak o̱, hatak puta kʋt Chihowa ha̱ ik ahobalot namihahanchi tok, yʋmma nan isht palʋmmi kʋt chinto hoka.

Nan Otʋni 16:9

Atuk o̱ hatak puta kash ot na lʋshpa chinto ka isht towulhko mʋt, Chihowa, yʋmmak osh na palʋmmi ilʋppa puta ka i̱ shahli yatuk a̱ i̱ hohchifo ha̱ ik ahobalot na mihachi tok; mihmʋt yʋmmak ash o̱ holitoblicha hi atok ʋt okla ik ile kostinincho ki tok.