Genesis 4:10 - Chahta Holisso Holitopa 1886

¹⁰ Mihma, Nanta mak o̱ ish katiohmi tuk oh cho? chitibapishi im issish ʋt anumpulit aka ya̱, auet ai a̱ pa̱ha̱yʋshke.

Genesis 4:10 Iomraidhean Croise

Genesis 18:20

Mihmʋt Chihowah yʋt Sotom, micha Komollah ya̱ ishit pa̱ha̱ya kʋt chito, micha i̱ nanashʋchi ʋt weki fehna hatuk o̱.

Genesis 3:13

Mihma Chihowah Chitokaka yʋt ohoyo hash, Ilʋppʋt nanta mak o̱ ish yʋmihchi tuk oh cho? achi tok. Mihma ohoyo hash osh, Sinti ak osh sa haksichi na ʋpa li tuk oke, achi tok.

Genesis 9:5

Atukma hʋchim ilhfiopak hʋchim issish ak o̱ a hoyo li pulla hi oke: nan okcha̱ya moma ka̱ im a hoyo likmʋt, hatak ibbak a̱ a hoyo la hi oke; hatak a̱ itibapishi puta hatukma ibbak a̱ hatak im ilhfiopak a̱ a hoyo la hi oke.

2 Mi̱ko 9:26

Nabolh im issish, micha ushi ʋhleha im issish aiena ka pilashash pisa li tuk keyu cho? Chihowa yʋt achishke; atuk osh osapa ilʋppa a chim atobbi la chi̱ pulla hoke, Chihowa yʋt achishke. Yʋmohmi hoka himak a̱ Chihowa im anumpa hatuk mak o̱ ishi cha, osapa ya̱ pilá, im achi tok.

Atʋloa 50:21

“Ilʋppa̱ putta ka̱ ish yʋmihchih kia, nan ak achoh ma̱, chishno ak inlih chiyuhmi li ka̱ chim ʋhoba tuk oke. Nan isht chim olʋbe likmʋt, nana ka̱ chi nishkin itikba tʋkaliche la chi̱ hoke.

Atʋloa 72:14

Aiilbʋsshali micha ai i̱ pʋlʋmmichi ya̱ a kohchit imish shilombish a̱ okchalinchashke; yohmi kʋt nishkin itikba ya̱ im issish ʋt a hulittopashke.

Atʋloa 9:12

Issish hlʋtapa ya̱ ho̱ho̱yo yosh ilbʋssha ʋhleha ha̱ ithaiyana hoka̱: yʋmmʋt pa̱ha̱ya tuk a̱ im ʋhaksih keyu hoke.

Atʋloa 9:13

Ai illi okhisa ya̱ ai ishit sʋ kohchichi chia hʋt is sa̱ nukha̱klashkeh; a̱ nukkilli ʋhlehah pulla hatuk mak o̱ nan a̱ pʋllʋmmi ka̱ ish pisashke.

Eksotʋs 3:7

Mihma Chihowah yʋt, Ʋm okla Echip aiasha ka̱ ilbʋsha ka̱ pi̱hisa li kʋt a̱hlishke, toksʋli ka̱ apistikeli pulla kak o̱ ya̱ha̱ya ka̱ ha̱ha̱klo lishke, nan isht im a nukha̱klo ka̱ ithana li hokʋt.

Numbas 35:33

Yʋmohmi hosh yakni hʋsh aiasha kʋt hʋchik litehlo kashke: issish yʋmmak osh yakni ya̱ litehli hoka: micha yakni ʋt issish on hlatapa tuk ʋt kashofa he keyu, amba hlatʋbli tuk im issish ak o̱ ishit kashofa hi oke.

Apostel isht Anumpa 5:3

Yohmi ma Pita yashot, Ananaiʋs, nanta katiohmi ho̱ Shilombish Holitopa ya̱ ish i̱ holabi cha, osapa isht ʋlhtoba tuk a̱ kashʋblit ish i̱sha chi̱ ka, Setan ʋt chi chu̱kʋsh a̱ anukfohki tok oh cho?

Apostel isht Anumpa 5:9

Mihma Pita yashot, Katiohmi ho̱ Chitokaka imi Shilombish a̱ imoma ka hʋsh pisa chi̱ kʋt, hʋchim anukfila hʋt ai achʋfa tuk oh cho? Chi̱ hatak a̱ hohpi tuk, micha chishno ma isht chi kohcha chi̱ ʋhleha iyi ʋt okhissa ya̱ a̱sha ka̱, pisá; im achi tok.

Tutelonomi 21:1

Yakni ish ai isha chi̱ ho̱ chin Chitokaka Chihowah yʋt chima tok a̱ achʋfa hosh illi cha, osapa ai itonlʋt haiakakma, micha kʋna hosh ʋbi tuk a̱ ik ithanokma,

Heblu 11:4

Na yimmi pulla kak osh Ebel okʋt ʋba isht aiokpʋchi achukma kʋt Ken immi ya̱ i̱ shahli fehna ho̱ Chihowa hoka ont im issa tok; yʋmmak ash o̱ nana ka ai ʋlhpiesa kʋt isht atokowa kʋt, i̱ na hʋlbina puta ka Chihowa hokʋt atokolit im aiokpanchi tok; micha yʋmmak atuk pulla kak o̱ illi tok kia anumpuli kʋt imomʋshke.

Heblu 12:24

Micha Chisʋs nan it im ʋlhpisa himona ya̱ ai‐a̱hlichi, micha issish nan isht o̱ fimmi, yʋmmak osh Ebel ʋt a yʋmohmi tok a̱ nana achukma i̱ shahli ho̱ isht anumpuli aiena ho̱ hʋsh ona hoke.

Chemis 5:4

Yakeh! toksʋli ʋhleha hʋchim osapa puta nana ai ʋmo tuk isht ʋlhtoba he tuk, yʋmmak oka hʋchishno ak osh nana ik ʋlhpesalot falaminchit hʋsh ishi tuk a̱, pa̱ha̱yʋshke: yohmikma nan ʋmo tuk ʋhleha pa̱ya kʋt Sabaolh Chitokaka haksobish a̱ ont chukowa hoke.

Choshua 7:19

Mihma Choshua ʋt Achan a̱ Sʋso ma! Islael in Chitokaka Chihowa ya̱ ish holitoblichi cha, ish il im anolashke, chim asilhha lishke: yohmi hoka nana ish kaniohmi tuk okʋt chik san luhmo hosh, is sʋm anolashke, im achi tok.

1 Samuel 13:11

Mihma Samuel ʋt Sal a̱, Nanta mak o̱ ish yʋmihchi cho? im achi tok. Mihma Sal ʋt, Okla hʋt a̱ filʋmmʋt ita fimimpʋt taha, mihma nitak ʋlhpisa tuk ont ai ʋlhpesa ma chik lo, mihma Filistin ʋhleha hʋt iti hoyot Mikmash a̱ itʋnaha ka pisa li hokʋt,