Genesis 4:1 - Chahta Holisso Holitopa 1886

¹ Mihma Alam ʋt tekchi Ef a̱ ithana tok; mihma yʋmmak ash osh chakali tuk osh Ken a̱ eshi mʋt, Chihowah ʋt ahni‐ho̱ hatak o̱ eshi lishke, achi tok.

Genesis 4:1 Iomraidhean Croise

Genesis 3:15

Mikma chishno, micha ohoyo hash micha chishtaiunchololi micha ohoyo ishtaiunchololi aiena ka̱ hʋch itin tanampichi la chi̱ hoke: yʋmmak okʋt chi noshkobo ha̱ litolikma, chishno mʋt iyi̱kotoba ya̱ ish litola hi oke, im achi tok.

Genesis 3:24

Yʋmohmi hosh hatak ash kocha pit chʋffichi tok: mihmʋt osapushi Eten hʋshi akochaka ont ʋhli ka̱ Chelubim ʋhleha, micha iti aiokcha̱ya aiona ya̱ atoni yosh bʋshpo falaia lihimbi, kanima moma pit bihliblit fullota aiena ho̱ hilechi tok.

Genesis 4:2

Atuk osh anonti nakfish Abel a̱ eshi tok. Atuk o̱ Abel ak osh chukfʋlhpoa apesʋchi yokma, Ken ak osh osapa toksʋli atok.

Genesis 4:25

Atuk o̱ anonti Alam ʋt tekchi ya̱ ithana tok: mihma ʋlla nakni yo̱ eshi cha, hohchifo ha̱ Selh hochifo tok: Ken ʋt ʋbi tuk Ebel ash o̱ ʋlhtomba ho̱ Chitokaka yʋt ʋlla inla ho̱ auet ʋma hoka, achi tok.

Genesis 5:29

Micha hohchifo ha̱ Noah hochifot, Ilʋppak osh Chihowah yʋt yakni ya̱ kalakshichi tuk ak o̱, pibbak na toksʋli a pilbʋsha pulla ka̱ pi hopohlʋla hi oke, achi tok.

Atʋloa 127:3

Yakeh, ʋlla ʋhleha hʋt nan immi Chihowa a minti yoke; ushʋto a minti yak osh nan isht ʋlhtoba yoke.

Numbas 31:17

Yʋmohmi hoka, himak a̱ ʋlla ʋhleha nakni moma ka̱ hʋshbashke, micha ohoyo hʋt iba tʋshki cha hatak ithana tuk moma aiena ka̱ hʋshbashke.

1 Chan 3:12

Nan okpulo a̱ ai ibai achʋfa cha, itibapishi ha̱ ʋbi tok Ken ak okʋno ke chohmo kashke. Micha nanta katiohmi ho̱ yʋmma ʋbi tok o̱? Ilapo nana a kaniohmi kʋto ai ʋlhpiesa keyu ma, itibapishi hʋto ai ʋlhpiesa kak a tok oke.