Genesis 39:4 - Chahta Holisso Holitopa 1886

⁴ Mihma Chosef ʋt itikba ya̱ holhponayo hanta ya̱ ai ahayuchi cha, in toksʋli tok; mihma in chuka achʋfa ya̱ apesʋchi ikbi mʋt, nana im a̱sha tuk ʋt moma ibbak fohki tok.

Jesus Isht Anno̱pa Mark i̱ Holisso

⁴ Joseph at nána míchika̱ ayoppa̱chih átokósh Potiphar at imi apilachi ikbittók. Potiphar i̱ chokka hicha nánah im a̱shah mómaka̱ ishta̱ya tobattók.

Genesis 39:4 Iomraidhean Croise

Genesis 15:2

Mihma Eblam ʋt, Nanta ho̱ is sʋma chi̱ cho? Chihowah Chitokaka ma, ʋlla ik im iksho yosh a̱ya li hoka, mikma an chuka achʋfa apesʋchi ʋt Tamaskʋs hatak Eliese ilʋppak oke, achi tok.

Genesis 18:3

A̱ shahli ma, himak a̱ holhponayo hanta ha̱ chi tikba ai ahayuchi likma, chin tishu ha̱ i̱ filʋmmit chik aiyo kashke, chim asilhha lishke:

Genesis 19:19

Yakeh, himak a̱ chin tishu hʋt chi tikba ya̱ chi holhponayo hanta ai ahayuchishke, micha ʋm ilhfiopak a̱ ish okchalinchi, yʋmma ish yʋmihchi kʋt nan ish i̱ nukha̱klo ʋt ish chitolichishke: atuk o̱ malelit nʋnih ha̱ ona la he keyushke, nan ik achukmo kia si onʋtola cha, sʋlli yoba na.

Genesis 24:2

Atuk o̱ Eblaham ʋt in chuka achʋfa tishu sipokni i̱ shahli, yʋmmʋt nana im a̱sha tuk moma ka̱ pehlichi yo̱, Chibbak a̱ saiyubi nuta ya̱ isht ish potolashke, chim asilhha lishke:

Genesis 32:5

Micha wak, micha issuba haksobish falaia, micha nanʋlhpoa chipinta, micha hatak tishu ʋhleha, micha ohoyo tishu ʋhleha aiena ka̱ pehliechi lishke: atuk osh a̱ shahli ha̱ pit im anolit, holhponayo hanta ya̱ chi tikba ai ahayuchi la chi̱ hosh pit chi̱ pila lishke, achishke, hʋsh im achashke, achi tok.

Genesis 33:10

Mihma Chekob ʋt, Aha̱, himak a̱ holhponayo hanta ya̱ chi tikba ai ahayuchi li hokma, a̱ nahʋlbina sʋbbak foyuka ka̱ ish ishashke, chim asilhha lishke: yʋmohma he ak o̱ chi nashuka ya̱ Chitokaka i̱ nashuka chohmi ho̱ pisa li ma, is sa hʋlhpa̱sha hoka.

Genesis 33:8

Mihma, Pehlichit isht a̱ya na afama li tuk moma ilʋppak osh nanta chi̱ katiohmi hoh cho? achi tok. Mihma, A̱ shahli itikba ya̱ holhponayo hanta ya̱ ai ahayuchi la chintuk mak oke, achi tok.

Genesis 39:8

Yohmi kia ʋlhpesa ik ahno tok; micha i̱ shahli tekchi ya̱, Yakeh a̱ shahli hʋt sʋbbak foyuka tuk osh chuka nana aiasha ka̱ ithana keyu, micha nana im aiasha tuk ʋt moma sʋbbak fohki tuk oke.

1 Mi̱ko 16:9

Mihma tʋnʋp im itichanʋlli puta iklʋna i̱ kʋpitʋni Simli ʋt Tisah antʋt, in chuka Tisah talaia ka apesʋchi Alsa yʋmma in chuka antʋt, oka ishkot haksi ma, i̱ sanalit anumpa luma ikbi tok.

Apostel isht Anumpa 20:28

Yʋmohmi hoka hʋchishno akinli, micha nan iaka̱ya ʋhleha moma, Shilombish Holitopa yʋt mihi yo̱ apesʋchi puta hʋch ikbi tok a̱, ahah! ahnit Chihowa im iksa puta ilap im issish akinli ho̱ isht chumpa tok a̱, mominchit hʋsh pehlichashke.

Luth 2:6

Mihma tishu onush bʋshli ʋhleha pehlichi yash osh afalamichit, Moab ohoyo himita, Naomi ʋt Moab yakni kohchʋt falamʋt ʋla ma, ta̱kla ʋla tok mak oke.

1 Samuel 16:22

Mihma Sal ʋt Chesse ya̱ pit im anolit, Lewi ʋt sa tikba ik hikiá, ish im ahnashke, a̱ holhponaya hanta si ai ahayuchi hoka, achi tok.

1 Samuel 2:26

Mihma ʋlla Samuel ʋt hofantit ma̱ha̱ya mʋt, Chihowa, micha hatak ʋhleha aiena ka i̱ holitopa tok.