Genesis 39:2 - Chahta Holisso Holitopa 1886

² Atuk o̱ Chihowah yʋt Chosef a̱ ibafoyuka na hatak nana amosholit, im aia̱hli achukma atok: mihma i̱ shahli Echip hatak in chuka ya̱ ahanta tok.

Jesus Isht Anno̱pa Mark i̱ Holisso

² Chihówa yat Joseph a̱ ibáfoyyokat apilachi átoko̱ Potiphar i̱ çokka ya̱ nánaka̱ míchikat i̱ ponnattók.

Genesis 39:2 Iomraidhean Croise

Genesis 21:20

Mihma Chitokaka yʋt ʋlla ya̱ iba foyuka tok; atuk o̱ hofantit taha mʋt, yakni haiaka ʋtta cha, ititanampo eshi imponna toba tok.

Genesis 21:22

Atuk o̱ nitak yʋmma foka ma yakohmi tok, Abimelek, micha Fikol in tʋshka chipota pehlichi ita tuklo kʋt Eblaham a̱ im anumpulit, Nana ho̱ ish a kaniohmi moma ka̱ Chitokaka yʋt chiba foyuka hoke;

Genesis 26:24

Atuk o̱ mih nitak akinli ka̱ Chihowah yʋt i̱ haiaka cha, Chi̱ki Eblaham a̱ in Chitokaka sia hoke: chi nukshopa ná, an tishu Eblaham ak atuk pulla kak o̱ chibafoyuka lish chi yukpalit chim ishtatiaka ya̱ apaknʋchi la chi̱ hoke, achi tok.

Genesis 26:28

Mihma Chihowah yʋt chibafoyuka pulla ka̱ e pisa tuk oke: mihmʋt himak a̱ anumpa kʋllo ʋt pitin takla itonlashke, pishno, micha chishno pulla ka̱ pitin takla itonlashke; yohmi kʋt chishno ya̱ nan e chitim apesashke.

Genesis 28:15

Micha yakeh, chibafoyuka lishke, micha kanima moma ish onakma, chi halʋlli la chi̱ hoke, atuk osh anonti yakni ilʋppa chisht ʋla la hi oke: anumpuli li tuk ʋt ak yʋmihcho ki̱sha kʋt chissa la he keyu hokʋt, achi tok.

Genesis 39:23

Nana hosh yʋmma ibbak foyukak ma, aboha kʋllo apistikeli ʋt ik apesacho tok: Chihowah yʋt ibafoyuka hatuk oka, micha nana yʋmihchikma, Chihowah yʋt im aia̱hlichi beka tok.

Genesis 39:3

Mihma Chihowah yʋt ibafoyuka, micha nana moma ka̱ ibbak isht ieshikma, Chihowah yʋt im aia̱hlichi ka̱ i̱ shahli hʋt pisa tok.

2 Mi̱ko 18:7

Mihma Chihowa yʋt ibafoyuka tok: mihma kanima yo̱ kohchʋt iakmʋt, im aia̱hli tok: micha Assilia i̱ mi̱ko ya̱ i̱ filʋmmit i̱ sanali cha, ik im antio tok.

Atʋloa 1:3

Yohmi kʋt iti yosh oka a yʋnʋlli ʋpota̱ka a hullukchi kʋt, ont ai ʋlhpiesakma̱ ʋnit wayakmʋt, hishi ʋt bʋsshih chatuk keyu kak o̱ chohmi hoke; micha nana ho̱ yʋmihchikma̱, yʋmmʋt momʋt im ai a̱hlih achukma yoke.

Atʋloa 46:11

Nan u̱ha i̱ Chihowa yosh pibafoiyukka hoke; Chekob i̱ Chitokaka yak osh pim ahlʋkuffi chaha yoke. [Yukopa.

Atʋloa 46:7

Nan u̱ha i̱ Chihowa yosh pibafoiyukka hoke; Chekob i̱ Chitokaka yak osh pim ahlʋkuffi chaha yoke. [Yukopa.

Atʋloa 91:15

“Nan ʋm asilhhakma̱, ima la chi̱ hoke; i̱ pʋlʋmmikma̱, ibafoiyukka la chi̱ hoke; hlʋkuffechi lish, hulittobli la chi̱ hoke.

Apostel isht Anumpa 8:31

Mihma, Katiohmi li kak osh, hatak nana hosh ʋm abʋchi ho̱ keyukma? achi tok. Mihmʋt, Filip ʋt pit oiya cha, awant a̱sha hinla ka; ahni tok.

1 Timohli 6:1

Yuka puta ikunla abana nuta ahanta kʋt, ilap i̱ na hullo isht a holitopa he ʋlhpiesa ka isht holitobli na Chihowa hohchifo, micha im ʋbanumpa aiena kʋt isht ik kʋllaksho kashke.

Choshua 1:5

Chi okcha̱yʋt ish ahanta nitak moma ka hatak nana kia chi tikba hikia he keyushke: Moses a̱ awant a̱ya li tok ʋt, yʋmmak inli ho̱ chohmit chi awant a̱ya la chi̱ hoke: nana ka ak chim ai a̱hlot chissa la he keyu hoke.

Choshua 1:9

Ʋno ak osh chim apesa li tuk keyu cho? kʋllot chim anukfila cha, nukwia ikshot ish amosholashke: ik chi nukshopo kashke, micha chi chu̱kʋsh ik iello kashke: kanima ish a̱ya puta ka Chitokaka chin Chihowa ʋt chi awant a̱ya hoka, achi tok.

Choshua 6:27

Yakohmit Chihowa ʋt Choshua ya̱ awant a̱ya tok: yohmi ho̱ yʋmma isht annoa kʋt yakni moma ka ai annoho̱wa tok.

1 Samuel 16:18

Yʋmohmi ma in tishu ʋhleha ha̱ ai achʋfa kʋt afalaminchit, Yakeh! Behlehem hatak Chesse ushi yosh nan olachi kʋt imponna, micha hatak hlampko, chilita, nukwia iksho, micha hatak tʋnʋp, micha anumpuli kʋt imponna, micha hatak pisa achukma hoke, yohmi ho̱ Chihowa ʋt ibafoyuka hoke.

1 Samuel 18:14

Mihma Lewi ʋt nana a kaniohmi puta kʋt ile hopoyuksʋli tok; mihma Chihowa ʋt ibafoyuka tok.

1 Samuel 18:28

Mihma Chihowa ʋt Lewi ya̱ ibafo̱ka, micha Sal ushetik Michal ʋt Lewi ya̱ anushkunna ka pi̱sʋt ithana tok.

1 Samuel 3:19

Mihma Samuel ʋt hofantit ia tok; mihma Chihowa ʋt ibafoyuka cha, im anumpa hʋt achʋfa kia aka ik itulá, im ahni tok keyu hoke.