Genesis 32:4 - Chahta Holisso Holitopa 1886

⁴ Micha i̱ miha mʋt, Yakohmichi hosh a̱ shahli Esau ya̱ hʋsh im anumpulashke; Chin tishu Chekob ʋt yak achishke, Nowʋt a̱ya yosh Laban ak o̱ takla ahanta li chatuk, micha yʋmmak o̱ ahanta li̱ himak a hoke:

Genesis 32:4 Iomraidhean Croise

Genesis 23:6

Ish pi̱ haponaklashke, a̱ shahli ma, Chitokaka i̱ holitopa yosh pi takla ahanta chia hoke: pim ahollohpi achukma i̱ shahli kak o̱ chim illi ya̱ ish a hohpashke: e kanima kia pim ahollohpi ya̱ e chi̱ halʋlla he keyu hoke, yohmi na chim illi ya̱ chik a hohpo ka he keyu hoke, im achi tok.

Genesis 25:30

Mihma Esau ʋt Chekob a̱, Chim asilhha lishke, nahonni humma yʋmma fehna ka̱ sʋpetá, sa hoyʋbli hoka, im achi tok: yʋmohmi kak o̱ hochifo kʋt Etom achi tok.

Genesis 27:29

Okla hʋt chim antiashke, micha oklushi puta kʋt chim akachunolit aka hlipkaiyachashke: chitibapishi ʋhleha ha̱ ish i̱shahlashke: mikma chishki ushi ʋhleha hʋt chim akachunolit aka hlipkaiyachashke: kʋna hosh chi kalakshichikmʋt kalakshashke, mikma kʋna hosh chi yukpalikmʋt nayukpashke, achi tok.

Genesis 27:37

Mihma Aisak ʋt afalaminchit Esau ya̱, Yakeh, chi̱ shahli ikbi li tuk oke, micha itibapishi ʋhleha moma kʋt in tishu ʋhleha ha chi̱ ho̱ ima li tuk oke; micha onush, micha oka pa̱ki yo̱ ishit hlampkochi lishke: yohmi ka̱ sʋso ma, himak a̱ nanta ho̱ chi katiohmichi la hinla cho? im achi tok.

Genesis 31:41

Yakohmi hosh afʋmmi pokoli tuklo ho̱ chin chuka ahanta li tuk oke: chisotek tuklo ka̱ afʋmmi auah ushta ho̱ chin toksʋli li tuk oke, micha chi̱ nanʋlhpoa ya̱ afʋmmi hannali ho̱ chin toksʋli li tuk oke: micha nan isht ʋm ʋlhtoba ya̱ pokoli ha is sʋm inlʋchi tuk oke.

Genesis 32:18

Yohmikma, Chin tishu Chekob a̱ immi hoke: nahʋlbina yo̱ a̱ shahli Esau ya̱ et i̱ pila tuk: atuk o̱ yakeh, olbʋl minti akinli hoke, ish achashke, achit i̱ miha tok.

Genesis 32:5

Micha wak, micha issuba haksobish falaia, micha nanʋlhpoa chipinta, micha hatak tishu ʋhleha, micha ohoyo tishu ʋhleha aiena ka̱ pehliechi lishke: atuk osh a̱ shahli ha̱ pit im anolit, holhponayo hanta ya̱ chi tikba ai ahayuchi la chi̱ hosh pit chi̱ pila lishke, achishke, hʋsh im achashke, achi tok.

Genesis 33:14

A̱ shahli hʋt in tishu ha̱ itikba iashke, chim asilhha lishke: mikma nanʋlhpoa yʋt sa tikba a̱ya kak osh kaniohmit a̱yakma, micha ʋlla ʋhleha hak osh kaniohmit a̱yakma, lumʋt ma̱ha̱ya li tuk osh a̱ shahli hʋt Sei ai ʋtta ka̱ im ona lashke, im achi tok.

Genesis 33:8

Mihma, Pehlichit isht a̱ya na afama li tuk moma ilʋppak osh nanta chi̱ katiohmi hoh cho? achi tok. Mihma, A̱ shahli itikba ya̱ holhponayo hanta ya̱ ai ahayuchi la chintuk mak oke, achi tok.

Genesis 36:8

Yʋmohmi ho̱ Esau ʋt Sei nʋnih hak o̱ ahanta tok: Esau ʋt Etom oke.

Genesis 36:9

Micha ilʋppa puta kak osh Etomait ʋhleha ha̱ i̱ki Esau ya̱ in chuka achʋfa yosh Sei nʋnih ha̱ aiasha tok a̱ holisso anoli hoke,

Genesis 4:7

Ai ʋlhpiesa ho̱ ish yʋmohmikma chim aiokpʋchi kak a hetuk keyu cho? micha aiʋlhpiesa ho̱ ish yʋmhichi keyu hokma nanashʋchi ʋt okhissa yakinli ho̱ itoyula hoke. Mikma Abel nana ahni kʋt chishno ak o̱ chi pi̱hi̱sakma, ish i̱ shahla hi oke, im achi tok.

1 Mi̱ko 20:32

Yohmi ma nahishi tʋnna isht il ʋskofʋchi mʋt, aseta ha̱ noshkobo isht takchi cha, Islael i̱ mi̱ko ya̱ im ona mʋt, Chin tishu Benhatat ʋt, Ik si okcha̱yá, chim asilhha lishke, achishke, achi tok. Mihma, Okcha̱ya moma cho? itibapishi li hoke, achi tok.

Eksotʋs 32:22

Mihma Alon ʋt, A̱ shahli im ai i̱ nukkilli ʋt ik libbo kashke, okla hʋt nan ik achukmo amosholi ya̱ ish ithaiyanʋshke.

ʋBanumpa Luk Ʋt Holissochi Tok 14:11

Kʋna hosh ilefehnʋchi hokʋto aka ona he; anonti kʋna hosh ik ile fehnacho hokʋto holitopa hi oke.

1 Pita 3:6

Sela ak oh kia Eblaham a̱ i̱ shahli hochihi̱fot im antia tok: yʋmmak o̱ ushetik hʋchia hoke, nana ai ʋlhpiesa ka hʋsh yʋmohmi ta̱kla, micha isht a nukshopa he kia hʋch ik i̱ nukshopo hokmʋto.

Nan Apesa 5:4

Chihowa ma! Sei ya̱ kohchʋt ish ia ma, Etom yakni ya̱ kohchʋt ish ia ma, yakni ʋt wʋnihinchi ma, shutik ʋt hoiya tok, hoshonti yak kia oka hoiya tok.

1 Samuel 26:17

Mihma Sal ʋt Lewi itih ha̱ ithana cha, Sʋso Lewi ma! ilʋppʋt chiteh hoh cho? achi tok. Mihma, Sʋteh hoke, a̱ shahli mi̱ko ma! Lewi ʋt achi tok.