Genesis 32:3 - Chahta Holisso Holitopa 1886

³ Mihmʋt Chekob ʋt anumpa shali tikba tihlelit, Sei yakni, Etom apehlichika, itibapishi Esau aiasha ya̱ pit im pila tok.

Genesis 32:3 Iomraidhean Croise

Genesis 14:6

Micha Holim okla i̱ nʋnih Sei aiasha tuk aiena ka̱ ai issot kanchit El‐palan yʋmmʋt yakni chukushmi bili̱ka talaia ka̱ ont ʋhlichi tok.

Genesis 25:30

Mihma Esau ʋt Chekob a̱, Chim asilhha lishke, nahonni humma yʋmma fehna ka̱ sʋpetá, sa hoyʋbli hoka, im achi tok: yʋmohmi kak o̱ hochifo kʋt Etom achi tok.

Genesis 32:11

Itibapishi li ibbak, Esau ibbak a̱ im ai ishit is sa hlakofichashke, chim asilhha lishke, i̱ sa nukshopa hoka: ʋlʋt issot sa kanchikmʋt, ishki, micha ʋlla ʋhleha ma issot kanchi yoba ná.

Genesis 32:7

Mihma Chekob ʋt nukshopa cha komota fehna tok: mihmʋt okla apehʋt a̱ya tuk a̱, micha nanʋlhpoa chipinta, micha nanʋlhpoa hochito, micha kamel puta aiena ka̱ ita kʋshkolit a̱ya tuklochi tok.

Genesis 33:14

A̱ shahli hʋt in tishu ha̱ itikba iashke, chim asilhha lishke: mikma nanʋlhpoa yʋt sa tikba a̱ya kak osh kaniohmit a̱yakma, micha ʋlla ʋhleha hak osh kaniohmit a̱yakma, lumʋt ma̱ha̱ya li tuk osh a̱ shahli hʋt Sei ai ʋtta ka̱ im ona lashke, im achi tok.

Genesis 33:16

Yohmi ho̱ mih nitak a̱ Esau ʋt falamʋt i̱ hina fohkʋt Sei pilla ha̱ ia tok.

2 Samuel 2:8

Yohmi kia Ne ushi, Abne Sal in tʋshka chipota i̱ kʋpitʋni ʋt Sal ushi Ishboshelh a̱ ishi cha, pit hlopullichit Mahanaim a̱ isht ona tok.

2 Mi̱ko 6:17

Mihma Elisha yʋt anumpa ilbʋsha anumpulit, Chihowa ma! nishkin a̱ ish i̱ fatummi na pisashke, achi tok. Mihma Chihowa yʋt hatak himita yash nishkin a̱ i̱ fatummi na pisa tok: mihma yakeh! nʋnih hʋt issuba luak, micha itichanʋlli luak aiena kʋt alotowa cha, Elisha ya̱ afolubli tok.

Numbas 24:18

Mikma Etom ʋt i̱ yakni ya hi oke; Sei ak kia in tʋnʋp puta i̱ yakni ya hi oke, mikma Islael ʋt chilita hi oke.

ʋBanumpa Luk Ʋt Holissochi Tok 9:52

Mihmʋt nan ont im atahla chi̱ ho, anumpa shali ʋhleha ha̱ tikba pit tihleli tok: yohmi na okla iʋt Samalitan okla in tʋmahushi o̱ ont chukowa tok.

Tutelonomi 1:2

Holeb a̱ ʋttʋt Sei nʋnih ha̱ ont ia hosh Katesh‐banea ona ka̱ nitak auahchʋfa ka̱ anowa yoke.

Tutelonomi 2:22

Holim ʋhleha hash Esau im ʋlla ʋhleha hʋt Sei aiasha tuk itikba ya̱ ai ishit kanchi ma, yʋmmak inli chohmichi tok; mikma okla iakaiya cha, ʋlhtobʋt aiasha tuk ʋt himak nitak a̱ ant ai ʋhli hoke.

Tutelonomi 2:5

Micha hʋsh in tanampi na, i̱ yakni peh iyi pʋtta ahabli achʋfa chohmi kia, hʋchima la chi̱ keyu hoka; nʋnih Sei ya̱ Esau ʋt aiasha he a̱ ima li hatuk oka.

Choshua 13:30

Micha im ai ʋhli kʋt Mahanaim a̱ ʋttʋt ia ka Bashan ʋt moma, micha Bashan i̱ mi̱ko, Ok im apehlichika ʋt moma, micha Chai in tʋmaha puta moma, pokoli hannali hosh aiena kʋt Bashan a̱ a̱sha:

Choshua 24:4

Micha Aisaak a̱ Chekob, micha Esau ita tuklo ka ima li tok: micha Esau ya̱ Sei nʋnih hak o̱ immi ha chi̱ ho̱ ima li tok, amba Chekob, micha im ʋlla ʋhleha aiena kʋt Echip ak o̱ ona tok.