Genesis 3:8 - Chahta Holisso Holitopa 1886

⁸ Atuk osh nitak ʋt kapʋssʋchit taha ho̱, Chihowah Chitokaka yʋt osapushi a̱ya na, im anumpa ha̱ haklot okla tok; mihmʋt Alam, micha tekchi itatuklo kʋt Chihowah Chitokaka ya̱ osapushi iti hiohma̱ya ka̱ ai in lumboʋt okla tok.

Genesis 3:8 Iomraidhean Croise

Genesis 18:33

Mihmʋt Chihowah yʋt Eblaham a̱ itim anumpulit issa mʋt ia tok: mihma Eblaham ʋt falamʋt aiʋtta ya̱ ona tok.

Genesis 3:10

Mihma Osapushi ya̱ chim anumpa ha̱ a haiyaklo li mʋt, sa nipi bano hatuk osh, sa nukshopa cha, luma li tuk oke, achi tok.

Lefitikʋs 26:12

Micha hʋch im ai itin takla ya̱ a nowa la hi oke, micha hʋchin Chihowah sia hokma, ʋm okla hʋchia ha hi oke.

Loman 2:15

Yʋmmak osh ʋba nan ʋlhpisa yʋt nan i̱ miha ka otʋninchi kʋt i̱ chu̱kʋsh oka ai o̱ holihi̱so ho̱, ilap nan isht il akostininchi yak kia nan atokowa ka ibai anohonli, mikma im anukfila puta kʋt i̱ himmak ano ilap ash inli hosh anumpa isht il onochi, isht il achukmali, kanimampo ka it im anohonli hoke.

Tutelonomi 23:14

Chin Chitokaka Chihowah yʋt chi okchalincha chi̱ hosh, micha chi tikba chin tʋnʋp a̱ a chim issa chi hosh, hʋch itin takla chi̱ binah ano̱ho̱wa hoka; yʋmohmi hoka chi̱ binah hʋt kashofashke; yʋmohmi ho̱ naliteha hʋt chi a takali na, ik peso hosh chi̱ filʋmmit ik aiyo kashke.

Tutelonomi 4:33

Okla hʋt himonna kia hʋsh haklo tuk a̱ chohmit Chitokaka yʋt luak iklʋnna ho̱ et im anumpo̱honli na, haklo mʋt okcha̱ya tuk oh cho?

Tutelonomi 5:25

Yʋmohmi hoka nanta katiohmi ho̱ himak a̱ pilla hinla cho? luak chito ilʋppʋt hukmit pi tahla chi̱ hoke. Himak ma Chitokaka pin Chihowah im anumpa ha̱ e haklokmʋt pilla chi̱ hoke.

Heblu 4:13

Nana toba moma kʋt achʋfa kia itikba ya̱ ik im ai otano kʋt iiksho; amba nana ka il it i̱ kaniohma chi̱ yʋmma i̱ holhponayo hokʋno nan oklu̱ha kʋt ik ompoholmo i̱ bieka hoke.

Nan Otʋni 6:15

Mihma mi̱ko ʋhleha yakni pakna ai asha tuk, micha hatak hochitokaka ʋhleha, mikma hatak nan in laua ʋhleha, kʋpitʋni hochito, hatak holitompa ʋhleha, mikmʋt hatak yuka, micha hatak yuka keyu puyuta kʋt nʋnih chaha puta tʋli hochito aiena ka chiluk ai asha tuk a̱ a lumpoa tok.