Genesis 3:5 - Chahta Holisso Holitopa 1886

⁵ Yʋmma hʋsh ai ʋpakmʋt i̱ nitak mak inli ho̱, hʋchi nishkin ʋt fatuma hi yo̱ Chitokaka yʋt ithana hoka; mikmʋt Chitokaka chohmit, nana achukma, micha nana ik achukmo aiena ka̱ hʋsh ithana hi oke, im achi tok.

Genesis 3:5 Iomraidhean Croise

Genesis 2:17

Amba nana achukma, micha nana ik achukmo aiena isht ai ithʋna iti ak okʋno chik ai ʋpo kashke: yʋmmak o̱ ish ai ʋpa hokʋto, i̱ nitak makinli ho̱ chilli pulla hi okʋt, achi tok.

Genesis 2:9

Micha Chihowah Chitokaka yʋt iti pisa achukma puta, micha ʋpa achukma aiena, iti aiokcha̱ya, micha iti nana achukma, micha nana ik achukmo aiena isht ai ithʋna yak kia osapushi iklʋnna hikia ka̱, yakni ya̱ ai offochi tok.

Genesis 3:10

Mihma Osapushi ya̱ chim anumpa ha̱ a haiyaklo li mʋt, sa nipi bano hatuk osh, sa nukshopa cha, luma li tuk oke, achi tok.

Genesis 3:22

Mihmʋt Chihowah Chitokaka yʋt Yakeh! hatak ash osh hʋpishno akinli chohmi ho̱ tobʋt, nana achukma, micha nana ik achukmo aiena ka̱ ithanʋshke: yohmi kʋt himak a̱ ibbak a̱ pit weli cha, iti aiokcha̱ya ak kia ai ishit ʋpa cha, okcha̱ya na bilia yoba ná, achi tok.

Genesis 3:7

Mihma itatu̱klo kʋt nishkin ʋt fatuma cha, nipi bano hatuk ʋt akostininchi tok; mihmʋt fik hishi yo̱ it achonli cha tikba takali ikbit isht il atahlit okla tok.

1 Mi̱ko 22:6

Yohmi ma Islael i̱ mi̱ko ʋt hopaii ʋhleha ha̱ hoyot hatak tahlepa ushta foka ho̱ itʋnahli cha, i̱ ponaklot, Lamolh‐kileat a̱ itibit ia la chi̱ cho? ak cho? ak aiyo ka chi̱ cho? im achi ma, Iá, Chitokaka yʋt mi̱ko ibbak a̱ fohki pulla chi̱ hoka, okla achi tok.

Eksotʋs 20:7

Yʋmmakfokalechit chin Chitokaka Chihowah hohchifo ha̱ ish hochifa he keyu hoke; hohchifo ha̱ yʋmmakfokalechit hochifo tukma nan ik ashacho, Chihowah yʋt ahna he keyu hoke.

Eksotʋs 5:2

Mihma Falaoh ʋt Chihowah hak osh Kʋta ha tuk o̱ im anumpa ha̱ im antia lish, Islael a̱ ik iah, ahni la hinla cho? Chihowah ya̱ ithana li keyu hoke, micha Islael a̱ ik iah ahni la he keyu hoke, achi tok.

Mahlu 6:23

Amba chi nishkin ʋt ik achukmo hokma, chi haknip momʋt okhlilit alotowa he. Yohmi ka tohwikeli chi̱ foyuka, yʋmmak atuk ʋt ont okhlieli hokma, okhlili yʋmmʋt chinto fehna nana mak ahinla keyu̱?

Apostel isht Anumpa 26:18

Yʋmmak oka i̱ holhponayo ha̱ fatummi, anonti ai okhlilika ya̱ a filʋmmichit tohwikelika ya̱ isht onʋt, micha Setʋn apehlichi a̱ akohchit Chihowa ya̱ isht ish im oho̱na na, nan ai ashʋchika puta isht a akashofa ka, micha ʋno a̱ yimmika pulla hosh isht kashofa tok puta ka, iba takla ai ahanta aiena ma, ahayucha chi̱ mako̱ himak a̱ pit chi chʋffihinchi lishke; achi tok.

2 Kolinhlian 11:3

Yohmi tuk kia sinti okʋt ilap kostini pulla kak osh If a̱ haksichi tok a̱, chohmit na hʋchim anukfila hash ot shanaia na nan anukfilli apissali achʋfa, yʋmmʋt Klaist ak o̱ ai achʋfa yash o̱ hʋsh i̱ filʋmma hinla ka, sa nukshohumpa hoke.

2 Kolinhlian 4:4

Klaist, yʋmmʋt Chihowa Hoyulba ka, im ʋbanumpa holitopa in tohwikeli hʋt on tomma chi̱ keyu ka, na yimmi keyu yʋmmak ash o̱ im anukfila puta ka yakni ilʋppa i̱ shahli yosh lʋblichi hatuk oke.

2 Hlessalonian 2:4

Yʋmmak okʋt Chihowa hohchifo, micha i̱ shahli ikbit aiokpʋchi puta ka i̱ sanalit ile chahʋchit, il i̱ shahlichi yoke: yohmi hosh yʋmmʋt Chihowa chohmit, Chihowa in tempel a̱ binilit, Chihowa ile mihʋt ile haiakʋchi hoke.

Nan Otʋni 13:14

Yohmi hatuk osh yʋmmak ash ot nan im ai a̱hlit nampoa nukshopa itikba ya̱ na fehna puta ka a yʋmihchi kak osh yakni pakna ai asha puta ka yoshublihinchi mʋt; bʋshpo falaia isht baha tok kia, anonti okcha̱ya tok nampoa nukshopa yʋmma na‐holbachit okla im ikba chi̱ ka, yakni pakna ai asha ʋhleha ha̱ im ahanchi hoke.

Nan Otʋni 13:4

Yʋmohmi mʋt sinti chilita yʋmmak osh nampoa nukshopa ya̱ nan isht ai a̱hli ima hatok oka, okla aiokpahanchi mʋt; anonti nampoa nukshopa hash o̱ okla aiokpahanchit, Kʋta hosh nampoa nukshopa holba cho? kʋta hosh yʋmma in tanampit ahanta hinla cho?

Nan Apesa 3:2

Peh Islael im ʋlla ʋhleha isht atiaka yʋt tʋnʋp ithʋnʋt imomakʋt taha chi̱ ho̱, yʋmohmi ho̱ peh tikba ka ik ithano ya̱ isht imomaka pisa chi̱ hatok;)