Genesis 3:4 - Chahta Holisso Holitopa 1886

⁴ Mihma sinti yash osh, ohoyo ha Hʋch illi pulla he keyu hoke.

Genesis 3:4 Iomraidhean Croise

Genesis 3:13

Mihma Chihowah Chitokaka yʋt ohoyo hash, Ilʋppʋt nanta mak o̱ ish yʋmihchi tuk oh cho? achi tok. Mihma ohoyo hash osh, Sinti ak osh sa haksichi na ʋpa li tuk oke, achi tok.

Genesis 3:3

Amba iti osapushi iklʋnna hikia ʋni ak o̱, Chitokaka yʋt, Hʋsh ai ʋpa he keyu, micha hʋsh potola he keyu, yohmi cha hʋch illi ná, achi tuk oke, achi tok.

2 Mi̱ko 1:16

Mihmʋt, Chihowa yʋt yak achishke, Anumpa shali ʋhleha hʋt Eklon in chitokaka Baal‐sebub a̱ i̱ ponakla chi̱ ho̱ ish pila tuk ʋt (Chitokaka yʋt Islael a̱ iksho na, im anumpa ha̱ ish a ponakla he keyu ak atuk oh cho?) yʋmohmi hokʋt topa ha̱ ish oiya tuk ʋt, yʋmma ish akowa chi̱ keyu hoke, amba chilli pulla chi̱ hoke, im achi tok.

2 Mi̱ko 1:4

Yohmi hoka Chihowa yʋt yak achishke, Topa ha̱ ish oiya tuk ʋt, yʋmma ish akowa chi̱ keyu hoke, amba chilli pulla chi̱ hoke, ish im achashke, im achi tok. Mihma Elichah ʋt ia tok.

2 Mi̱ko 1:6

Mihma, Hatak osh ant pi afama cha, Oh iá, falamʋt mi̱ko ʋt hʋchi pila tuk a̱ hʋsh im ona cha, Chihowa yʋt yak achishke, Chitokaka yʋt Islael a̱ iksho kak o̱, Eklon in chitokaka Baal‐sebub a̱ ish i̱ ponakla chi̱ hosh ish pila tuk oh cho? yʋmohmi hokʋt topa ha̱ ish oiya tuk ʋt, yʋmma ish akowa chi̱ keyu hoke, amba chilli pulla chi̱ hoke, hʋsh im achashke, pim achi tuk oke, okla im achi tok.

2 Mi̱ko 8:10

Mihma Elisha yʋt, Ia cha, Chi hlakoffa hinla pulla hoke, ont im achi; yohmi kia illi pulla chi̱ ka Chihowa yʋt sa pisachi tuk oke, im achi tok.

Atʋloa 10:11

“Chitokaka yʋt im ʋhaksi tuk oke; nʋsshuka ya̱ luhmi tuk oke; ik peso ho̱ billia chi̱ hoke,” imi chu̱kʋsh anu̱kaka a̱ha̱chi hoke.

Chan 8:44

Setan hʋch i̱ki ak o̱ hʋsh a toba hatuk osh, hʋch i̱ki nana ai‐ahni kak o̱ ai yohma hi a̱ hʋchim anukfilʋshke; yʋmmak okʋt ʋmmona kash inli ho̱ hatak ʋbi a tok; micha ilap ak osh nan aia̱hli kʋt anukfo̱ka keyu hatuk osh, nan ai a̱hlika ya̱ a hikia keyu hoke. Holabit anumpuli kʋt ai immi ka mak okʋt anumpuli hoke; ilap ak osh holabi yokʋt anonti na‐holabi i̱ki mak oke.

2 Kolinhlian 11:3

Yohmi tuk kia sinti okʋt ilap kostini pulla kak osh If a̱ haksichi tok a̱, chohmit na hʋchim anukfila hash ot shanaia na nan anukfilli apissali achʋfa, yʋmmʋt Klaist ak o̱ ai achʋfa yash o̱ hʋsh i̱ filʋmma hinla ka, sa nukshohumpa hoke.

2 Kolinhlian 2:11

Yʋmmak keyukma Setan ʋt pi haksicha hinla, yʋmma nan ahni ik ʋlhpeso ya̱ kil ithano keyu hoka.

Tutelonomi 29:19

Atuk osh yakohmi na, kallakshichi anumpa ilʋppa haklokmʋt, ilap chu̱kʋsh ʋt na ile yukpalit anumpa il onochit, Sa chu̱kʋsh ʋm anukfila hosh itukshila ya̱ oka haksi akaieninchi hoh kia nana kʋt ʋm achukma chi̱ hoka, achi yoba na:

1 Timohli 2:14

Mihma Setan ʋt Alʋm a̱ haksichi tok keyu, amba ohoyo hak o̱ haksichi na ai ashʋchika ya̱ yʋmohmi tok.