Genesis 3:16 - Chahta Holisso Holitopa 1886

¹⁶ Micha ohoyo hano, Chakalit isht chilbʋsha hi ya̱ chim apaknʋchi li fehna chi̱ hoke; ilbaiyʋsha hosh ʋlla ish esha hi oke; mikmʋt nana ish ahni kʋt chi̱ hatak ak o̱ ish anukchietokma, yʋmmak osh chi̱ shahlit chilauela hi oke, im achi tok.

Genesis 3:16 Iomraidhean Croise

Genesis 4:7

Ai ʋlhpiesa ho̱ ish yʋmohmikma chim aiokpʋchi kak a hetuk keyu cho? micha aiʋlhpiesa ho̱ ish yʋmhichi keyu hokma nanashʋchi ʋt okhissa yakinli ho̱ itoyula hoke. Mikma Abel nana ahni kʋt chishno ak o̱ chi pi̱hi̱sakma, ish i̱ shahla hi oke, im achi tok.

Atʋloa 48:6

Wʋnni̱hi̱chi yosh, nukhʋma kʋt ʋlla esha chi̱ kak o̱ chiyuhmi hosh, yʋmma̱ ai onuttula tuk oke.

Numbas 30:13

Anumpa il onochi puta, micha anumpa kʋllo isht iletakchi imishilombish isht ilbʋshali puta ka̱, i hatak ʋt a̱hlecha hinla, keyukmʋt i̱ hatak ʋt akshocha hinla hoke.

Chan 16:21

Ohoyo hʋt ʋlla in tonla chi̱kmʋt, hʋshi kanʋlli ʋlhpisa hʋt im ai ʋla hokʋt ilbʋsha hoke; yohmi tuk kia hatak osh tobʋt yakni a̱ ai ituyula ka, na yukpa kʋt, ʋlla yʋt in tola makinli hosh na palʋmmi tuk a̱ imi‐haksi hoke.

1 Kolinhlian 11:3

Yohmi ka hatak moma i̱ noshkoboka yʋt Klaist ak okma; anonti ohoyo ha̱ i noshkoboka yʋt hatak ak oke; mikma Klaist i̱ noshkoboka yʋt Chihowa yak oka, hʋsh ithana he ak o̱, hʋchim ahni lishke.

1 Kolinhlian 14:34

Iksa itʋnahʋt ma̱ya ka hʋchim ohoyo hʋt lumʋt binohmayashke; yʋmmak okʋt anumpula he im ʋlhpesa keyu hoka; amba im antia he ak osh im ʋlhpesa hoka, nan ʋlhpisa yʋt yʋmmak o̱ achi ak inli hoke.

1 Kolinhlian 7:4

Tekchi ʋt ilap haknip ak o̱ immi ho̱ keyu, amba i̱ hatak ak oke; mikma i̱ hatak ak kia mihi yo̱ chohmit ilap haknip a̱ immi keyu, amba tekchi ak oke.

Koloshan 3:18

Tekchi ʋhleha ma! Chitokaka im ai ʋlhpiesa mak o̱ hʋchi̱ hatak a̱ hʋsh im ile nutakʋchashke.

1 Hlessalonian 5:3

Achukma bieka, tʋnʋp ʋt iksho, okla ahanchikma, yohmikmak o̱ yohma chi̱ ik ahno ta̱kla ho̱ na palʋmmi kʋt onʋtula kʋt, ohoyo ʋlla esha chi̱ kʋt nukhʋmi ka chiyuhma hi oka; mikma hlakofa he keyu hoke.

1 Timohli 2:13

Yohmi ka Alʋm ak osh If a̱ ti̱kba toba hatok oka.

1 Timohli 2:15

Yohmi kia ʋlla ishi kʋt okcha̱ya he, yohmi kʋt na yimmi kʋt ik isso hosh, i̱ hullo, micha chu̱kʋsh kashofa ho̱ isht holitoblit, ile oktampli hok mak osh okcha̱ya hi oke.

Titus 2:5

Mikmʋt kostini, haui anukfila iksho, ilap in chuka antʋt, nan isht ahanta, hochukma, ilap i̱ hatak im antia achukma aiena chi̱ ka im abahanchashke.