Genesis 3:1 - Chahta Holisso Holitopa 1886

¹ Atuk o̱ sinti ak osh nahaksichi imponna kʋt nampoa haiaka itʋnowa Chihowah Chitokaka yʋt ikbi tuk a̱ moma i̱ shahli tok. Atuk osh ohoyo hash, Yohmi mʋhli cho? Iti puta osapushi anu̱ka aiasha ka̱ hʋch ik ai apo kashke, Chitokaka yʋt achi tuk oh cho? im achi tok.

Genesis 3:1 Iomraidhean Croise

Mahlu 10:16

Inta! chukfʋlhpoba yo̱ chohmichi hosh nashoba itintakla pit tihleli lishke; yohmi hoka kostini kʋt sinti ak o̱ hʋsh chiyuhmi cha, nuktaiyala mʋt pʋchi‐yoshuba ak o̱ hʋsh itilauashke.

Mahlu 4:3

Mihma imomaka pisa yash osh im ʋla mʋt, Chihowa Ushi chia hokmʋt, tʋli yak ma̱ya kʋt pʋska toba chi̱ ka i̱ mihá, im achi tok.

Mahlu 4:6

Mihmʋt, Chihowa Ushi chia hokmʋt, aka pit ish ile pilashke; chi apesahancha chi̱ ka im enchil ʋhleha ha̱ atohno na ibbak a̱ isht ʋba takalihinchit chisht a̱ya na nitak kaniohmi kia chiyi ya̱ tʋli isht chik ai isso ka hi a̱, holisso tok oka, im achi tok.

Mahlu 4:9

Mihmʋt, Aka hlipiʋt is si aiokpʋchi hokma, ilʋppa moma ka chima lashke, im achi tok.

2 Kolinhlian 11:14

Ilʋppʋt a yakohmi ka anukhlakancha he ʋlhpesa keyu; Setan ak fehna ak kia inlʋt tobʋt a tohwikeli ka im enchil ilahobi chatuk oka.

2 Kolinhlian 11:3

Yohmi tuk kia sinti okʋt ilap kostini pulla kak osh If a̱ haksichi tok a̱, chohmit na hʋchim anukfila hash ot shanaia na nan anukfilli apissali achʋfa, yʋmmʋt Klaist ak o̱ ai achʋfa yash o̱ hʋsh i̱ filʋmma hinla ka, sa nukshohumpa hoke.

1 Pita 3:7

Anonti i̱ hatak hʋchia hʋt nana ka ithaiyana hosh ibai ahantʋt, hlampko ik hʋchi lauwo mak o̱ chiyuhmichit, isht i̱ kana ai okcha̱ya bilia hʋsh it ibai isha he mak okʋt, hʋchi tekchi a̱ hʋsh holitoblashke; yohmi ho̱ anumpa ilbʋsha hʋsh anumpohonli kʋt ik ai ataklamo kashke.

Nan Otʋni 12:15

Mihma sinti chilita yash ot oka falama ohmi kʋt oka yo̱ ohoyo hash iakaiyachit ilap itakha a kohchi kʋt, yʋmmʋt oka chito yosh yʋmmak ash shalit kanima isht ia hi a̱ ahni hatok.

Nan Otʋni 12:9

Mihma sinti chilita chinto, sinti sipokni, nan isht ahullo okpulo, micha Setan achi chatuk, yʋmmak osh yakni moma ka yoshubli chatuk mak o̱ yʋmma a kohchi tok, atuk o̱ aka pilla ho̱ yʋmmak ash ot pit itola tok; mihma im enchil ʋhleha hash ot apehʋt pit kaha tok.

Nan Otʋni 20:2

Mihma yʋmmak ash ot sinti chilita chito yash, sinti sipokni, yʋmmʋt nan isht ahullo, micha Setan mak o̱ afʋmmi tahlepa sipokni achʋfa ka ona chi̱ ho̱ ishit yukachi tok.