Genesis 27:2 - Chahta Holisso Holitopa 1886

² Mihma, Yakeh, sa sipoknit taiyahʋshke, nitak a sʋlla he ʋt ithana li keyushke:

Genesis 27:2 Iomraidhean Croise

Genesis 27:3

Yʋmohmi hoka himak a̱ chi̱ nan owʋttʋt ishta̱ya, chim oski naki aiʋlhto, micha chim ititanampo aiena ka̱ ishi cha, kowi haiaka ya̱ iʋt issi nipi hoyot isht is sʋm ʋlashke,

Genesis 47:29

Atuk o Islael ʋt ai illa he nitak ʋlhpisa kʋt atikonofʋt mihinti tok: mihmʋt ushi Chosef a̱ hoyo cha, Himak a̱ chi tikba holhponayo hanta ya̱ ai ahayuchi likma, saiyubi nuta ya̱ chibbak isht ish potolashke, chim asilhha lishke; micha a̱ kana cha, is sʋm a̱hli achukmashke: Echip a̱ chik si a hohpokashke, chim asilhha lishke:

Genesis 48:21

Mieha Islael ʋt Chosef a̱, Yakeh, sʋlla chi̱shke; yohmi kia Chitokaka yʋt chiba foyuka cha, anonti hʋch i̱ki ʋhleha i̱ yakni ya̱ chisht ona hi oke.

Mark i̱ Holisso 13:35

Yohmi hoka ahah! ahnit hʋchi o̱kchashke: chuka chʋfa pehlichi ʋt opiakmá, keyukmʋt ninak iklʋnna hokmá, aka̱ka ohonla kak okmá, keyukmʋt, onnahinli kak okmá nana ho̱ ʋla hi a̱ hʋsh ithana keyu hokʋt.

Chemis 4:14

Onna ha̱ nana a kaniohma hi a̱ hʋsh ithana keyu kʋt. Hʋchim ilhfiopak ʋt nanta ho̱? oka shobulli yʋmmak okʋt chekosi takla hokʋno otʋni tuk osh kʋnia chatuk a̱, yʋmmak o̱ iti̱laui hoke.

1 Samuel 20:3

Mihma Lewi ʋt anumpa kʋllo il onochit anumpulit, Issa̱ kana ka chi̱ki ʋt ithana kʋt a̱hli; atuk osh achi kʋt, Chonahlan ʋt ik nukha̱klo ka chi̱ kʋt ilʋppa ik ithano kashke: yohmi kia Chihowa okcha̱ya pulla ka, micha chimi shilombish ʋt okcha̱ya pulla ka, peh ahabli achʋfa ohmi hosh aiilli, micha si ititakla ya̱ takali hoke, achi tok.