Genesis 27:1 - Chahta Holisso Holitopa 1886

¹ Atuk o̱ yakohmi tok, Aisak ʋt sipoknit taiyaha cha, nish kin ʋt illi tok; yohmi cha, pisa he keyu mʋt, ushi ak ni fehna Esau ya̱ i̱ howa cha, Sʋso ma, im achi tok; mihma, Yakeh, yak hikia lishke, im achi tok.

Genesis 27:1 Iomraidhean Croise

Genesis 25:33

Mihma Chekob ʋt Himak nitak a̱, anumpa kʋllo il onochit a̱ mihá, achi tok: mihma anumpa kʋllo im il onochit miha tok: mihmʋt ʋttahpi ai isha he ʋlhpesa yash Chekob a̱ i̱ kanchi tok.

Genesis 48:10

(Yohmi ka̱ Islael nishkin ʋt sipokni kak osh elli cha, nana pisa he keyu tok:) mihma Chosef ʋt i̱ bili̱ka isht ona ma, i̱ su̱ksowa cha shoyuli tok.

1 Mi̱ko 14:4

Mihma Cheloboam tekchi ʋt yʋmihchi tok: micha wakaya mʋt, Shiloh ha̱ onʋt, Ahichah in chuka ya̱ ona tok. Yohmi kia Ahichah ʋt pisa he keyu tok; sipokni kak osh nishkin ʋt illi hatuk okʋt.

Chan 9:3

Chisʋs ash ot afalaminchi mʋt, Hatak ilʋppak okmá, keyukmʋt i̱ki, ishki ita‐tuklo ka a kanima kak osh nana ashʋchi tok o̱ keyu hoke; amba Chihowa nan‐isht im ai a̱hlika yʋt ilʋppak o̱ isht ai otʋna he mak o̱, ai yakohmi tok oke.

Tutelonomi 34:7

Yohmi ka̱ Moses ʋt illi mʋt, afʋmmi tahlepa achʋfa cha pokoli tuklo tok; nishkin ʋt illi keyu, micha nipi kʋllo kʋt tahʋt isht ik aiyo tok.

1 Samuel 3:2

Atuk o̱ nitak yʋmma yakohmi tok, Eli ʋt ai itola ya̱ itoyula mʋt, nishkin ʋt kʋniʋt isht ia na pisa he keyu tok;