Genesis 26:9 - Chahta Holisso Holitopa 1886

⁹ Mihma Abimelek ʋt Aisak a̱ hoyo cha, Yakeh, chi tekchi pullʋshke: yohmi hokak o̱ nanta katiohmi ho̱, An tek oke, ish achi tuk oh cho? achi tok. Mihma Aisak ʋt, Ishit sʋlli yoba na, achi li hatuk oke, im achi tok.

Genesis 26:9 Iomraidhean Croise

Genesis 12:18

Mihma Falaoh ʋt Eblam a̱ hoyo cha, Ilʋppak osh nanta mak o̱ is sa̱ yʋmihchi tuk oh cho? nanta katiohmi ho̱ chi tekchi atuk a̱ chik sʋm anolo tuk oh cho?

Genesis 26:10

Mihma Abimelek ʋt, Ilʋppak osh nanta ho̱ ish pi̱ yʋmihchi cho? okla hash achʋfa kʋt chi tekchi ya̱ yʋmmak fokalichit iba tʋshka hinla tuk oke; yohmi tuk ma nanashʋchi ish pi onocha hetuk oke, achi tok.

Genesis 26:8

Atuk o̱ yakohmi tok, yʋmma ahanta tuk a̱ hopakit taiyaha ma, Filistin okla i̱ mi̱ko Abimelek ʋt okhissushi pit a hopo̱koyot pisa ma, yakeh, Aisak ʋt tekchi Lebekah ya̱ itiba ihlauʋlli hosh a̱shwa na pisa tok.

Chan 14:9

Mihma Chisʋs ʋt, Chi takla ahanta li̱ hopakit taiyaha ka, Filip ʋt chik sʋthano ki̱sha tuk oh cho? kʋna hosh ʋno a̱ sa pi̱sakmʋt, A̱ki a̱ pi̱sa hatuk; yohmi ka katiohmi ho̱, Chi̱ki a̱ ish pi̱ haiakʋchashke, ish achi cho?

Apostel isht Anumpa 12:11

Yohmi ma Pita yʋt falamʋt kostieni mʋt, Chitokaka yʋt im enchil a̱ auet chʋffichi cha ʋno a̱ Helot ibbak, micha Chu okla nana ahni tuk puta ka, a sa hlakofichi tuk a̱, himak a̱ ai a̱hli mak o̱ ithaiyana lishke; achi tok.