Genesis 26:8 - Chahta Holisso Holitopa 1886

⁸ Atuk o̱ yakohmi tok, yʋmma ahanta tuk a̱ hopakit taiyaha ma, Filistin okla i̱ mi̱ko Abimelek ʋt okhissushi pit a hopo̱koyot pisa ma, yakeh, Aisak ʋt tekchi Lebekah ya̱ itiba ihlauʋlli hosh a̱shwa na pisa tok.

Genesis 26:8 Iomraidhean Croise

Genesis 26:7

Atuk o̱ yakni yʋmma hatak ʋhleha hʋt tekchi ya̱ im a ponaklo tok; mihma, An tek oke, achi tok: Sa tekchi yoke, achi kʋt nukshopa hokʋt; yakni yash hatak ʋhleha hʋt Lebekah ak atuk pulla mak o̱ sʋbi yoba na, achi hatok; pisaka aiokli hatuk oka.

Genesis 26:9

Mihma Abimelek ʋt Aisak a̱ hoyo cha, Yakeh, chi tekchi pullʋshke: yohmi hokak o̱ nanta katiohmi ho̱, An tek oke, ish achi tuk oh cho? achi tok. Mihma Aisak ʋt, Ishit sʋlli yoba na, achi li hatuk oke, im achi tok.

Nan Apesa 5:28

Sisela ishki ʋt okhissushi ya̱ pit a hopo̱koyot, okhissushi isht okshilita tʋnna pit tahpʋlʋt, Nanta katiohmi ho̱ im itichanʋlli hʋt minti kʋt hopaki cho? nanta katiohmi ho̱ im itichanʋlli hʋt chanʋlli kʋt sʋlaha cho? achi tuk oke.