Genesis 26:7 - Chahta Holisso Holitopa 1886

⁷ Atuk o̱ yakni yʋmma hatak ʋhleha hʋt tekchi ya̱ im a ponaklo tok; mihma, An tek oke, achi tok: Sa tekchi yoke, achi kʋt nukshopa hokʋt; yakni yash hatak ʋhleha hʋt Lebekah ak atuk pulla mak o̱ sʋbi yoba na, achi hatok; pisaka aiokli hatuk oka.

Genesis 26:7 Iomraidhean Croise

Genesis 12:11

Atuk osh yakohmi tok, Echip a̱ chukowa chi̱ mak osh bili̱kasi ona mʋt, tekchi Salai ya̱, Pisa ka̱ ohoyo chi aiokli ka̱ himak a̱ ithana lishke:

Genesis 12:13

Chishno ʋt, In tek sia hoke, ish achashke, chim asilhha lishke: yʋmohmi ho̱ chishno ak atuk pulla mak o̱ nana isht ʋm achukmashke: micha chishno atuk pulla mak o̱ ʋmi shilombish ʋt okcha̱yashke, im achi tok.

Genesis 12:15

Falaoh i̱ holitopa ʋhleha hak kia pisa mʋt ahnichit Falaoh itikba ya̱ anohonli tok; mihma ohoyo hash ilauelit Falaoh in chuka ya̱ isht ona tok.

Genesis 20:11

Mihma Eblaham ʋt, Yakni ilʋppa Chitokaka ya̱ i̱ nukwia kʋt iksho pullʋshke; micha sa tekchi pulla kak o̱ sʋ ba chi̱ hoke, ahni li kak atuk oke.

Genesis 20:2

Mihmʋt Eblaham ʋt tekchi Salah ya̱, An tek oke, achi tok. Mihma Kela i̱ mi̱ko Abimelek ʋt Salah ya̱ pit hoyo cha, ishi tok.

Genesis 20:5

An tek oke, ʋm achi tuk keyu cho? mihma ilap fehna ak kia, A̱ nakfi oke, achi tuk oke; sa chu̱kʋsh ʋt aiʋlhpiesa hosh, micha sʋbbak ʋt nana okpʋni keyu hosh ilʋppa yʋmihchi li tuk oke, achi tok.

Genesis 24:16

Micha ohoyo himita yʋt hatak haleli keyu, hatak nana kia ithana tok keyu yosh pisaka aiokli fehna hatok: atuk osh kʋli ya̱ ona cha im isht‐ochi yash alotoli cha, ʋla tok.

Genesis 26:6

Mihma Aisak ʋt Kela ya̱ ahanta tok.

Genesis 26:8

Atuk o̱ yakohmi tok, yʋmma ahanta tuk a̱ hopakit taiyaha ma, Filistin okla i̱ mi̱ko Abimelek ʋt okhissushi pit a hopo̱koyot pisa ma, yakeh, Aisak ʋt tekchi Lebekah ya̱ itiba ihlauʋlli hosh a̱shwa na pisa tok.

Genesis 29:17

Leah ʋt nishkin okwilonli yokma, Lechel ʋto aiokli, micha nipi pisa achukma tok.

Mahlu 10:28

Mikmʋt haknip a̱ ʋbi kia, shilombish a̱ illicha he keyu yʋmmak okʋno hʋch ik i̱ nukshopo kashke: amba shilombish micha haknip it aieninchit aiokpuloka ai ilbʋshala hinla kak pulla ho̱ hʋsh i̱ nukshopashke.

Efeshan 5:25

I̱ hatak ʋhleha ma! hʋchi tekchi a̱ hʋsh i̱ hullo kʋt, Klaist ʋt chʋch a̱ i̱ hullo hosh, il im issa tok ak inli ka, hʋsh chiyuhmichashke:

Koloshan 3:9

Hʋsh it i̱ holabi ná, hatak sipokni ya̱ shu̱fit nana a kaniohmi chatuk puta ka hʋsh kanchi cha;