Genesis 26:4 - Chahta Holisso Holitopa 1886

⁴ Micha chim ishtatiaka ya̱ apaknʋchit ʋba fochik choyuhmichi la chi̱ hoke; mikmʋt yakni ilʋppa moma ka̱ chim ishtatiaka ya̱ ima la chi̱ hoke: mikma chim ishtatiaka yak o̱ oklushi moma yakni paknaka aiasha kʋt ai yukpa hi oke.

Genesis 26:4 Iomraidhean Croise

Genesis 13:16

Mikma chim isht aiunchololi ya̱ lukfi pushi yakni paknaka aiasha kak o̱ chiyuhmichi la hi oke: yohmikma hatak nana hosh lukfi pushi yakni paknaka aiasha ka̱ hotihnʋt tahla hinla hok mak o̱, chim isht aiunchololi ak kia holhtina hi oke.

Genesis 15:18

Mih nitak fehna Chihowah yʋt Eblam a̱ nana itim apesʋt, Echip okhina yak o̱ aiʋhlit ia hosh okhina chito Euflates okhina ont ʋhli;

Genesis 15:5

Mihmʋt ilauelit kocha isht ona mʋt, Ʋba pilla ha̱ pit ish hopo̱koyo cha, fochik puta ka̱ ish hotihna hinlakmʋt, ish anolashke, achi tok: Chim isht aiunchololi hʋt yʋmmak o̱ chiyuhma hi oke, im achi tok.

Genesis 18:18

Eblaham ʋt oklushi chito, micha kʋllo hosh toba pullakma, oklushi puta moma yakni paknaka aiasha kʋt yʋmmak o̱ a yukpa hi oka.

Genesis 26:24

Atuk o̱ mih nitak akinli ka̱ Chihowah yʋt i̱ haiaka cha, Chi̱ki Eblaham a̱ in Chitokaka sia hoke: chi nukshopa ná, an tishu Eblaham ak atuk pulla kak o̱ chibafoyuka lish chi yukpalit chim ishtatiaka ya̱ apaknʋchi la chi̱ hoke, achi tok.

Genesis 28:14

Mikma chim ishtatiaka yʋt yakni lukfi pushi ak o̱ choyuhma hi oke; micha fimimpa cha, hʋshi ai okatula, micha hʋshi akochaka, micha falʋmmi, micha oka mahli aiena ka̱ pit ish pataiya chi̱ hoke: mikma chishno, micha chim ishtatiaka pulla kak o̱ chuka achʋfa puta moma yakni paknaka aiasha kʋt ai yukpa hi oke.

Genesis 28:3

Mikma Chitokaka Nan isht im aia̱hli ataha iksho hʋt chi yukpalashke; micha chi wayʋchit chi apaknʋchashke, yʋmohmi ho̱ okla laua chia hashke;

Genesis 35:12

Micha yakni ya̱ Eblaham micha Aisak ima li tok ʋt chishno ak o̱ chima la chi̱ hoke; micha chim isht atiaka et chiakaiya kak o̱ yakni ya̱ ima la hi oke, im achi tok.

Genesis 47:27

Mikma Islael ʋt Echip yakni, Koshen yakni ak o̱ ahanta tok; micha yʋmma osapa, micha im ila̱yak ʋt im aiasha cha, okla apakna kʋt atampa fehna tok.

Atʋloa 72:17

Hohchifo hʋt tʋkkali na billiashke; hʋshi ʋt tʋllayah ta̱kla ka̱ hohchifo hʋt uffot ma̱ha̱yashke; mikma̱ okla hʋt yʋmmak o̱ nan isht il a yokpalashke; oklushi moma kʋt, “Na̱ yokpáh,” achashke.

Eksotʋs 32:13

Eblaham Aisak, micha Islael chin tishu ʋhleha, yʋmmak oka chishno ak inli ile hochifot anumpa kʋllo anumpulit, chim isht atiaka apaknʋchit ʋba shutik fochik a̱ chohmichi la chi̱ hoke, micha yakni isht anumpuli li tuk ilʋppa chim isht atiaka ya̱ ima likma immi bilia hi oke, ish im achi tok ʋt ish ithaiyanashke, achi tok.

Eksotʋs 6:4

Micha Kenan yakni, yakni aiitʋnowa atok, okla inla yosh aiasha tok a̱ ima la chi̱ hosh, kʋllochit itim apesa li tok.

Apostel isht Anumpa 3:25

Hʋchishno ʋt, hopaii ʋhleha, micha Chihowa yʋt hʋpin tikba ʋhleha ha̱, nan it im apesʋt Eblaham a̱, chishno isht chi ai unchululi ho̱, oklushi puta yakni paknaka aiasha kʋt ai isht ilayukpa hi oke; im ahanchi tok, anumpa ha̱ ushi hʋchia hoke.

Kaleshan 3:16

Yohmi ka Eblaham, micha im isht atiaka yak o̱ nan im ihi̱sa tok; Laua nana ho̱ ahobʋchit isht atiaka ʋhleha, achi keyu; amba achʋfa chohmichit, Chim isht atiaka yak o̱, achi yʋmmʋt Klaist ak oke.

Kaleshan 3:8

Mihma Holisso Holitopa yʋt Chihowa yʋt ʋbanumpa ik ithano ya̱ na yimmi pulla kak o̱ isht ai ʋlhpiesacha hi a̱ tikbanli pisa kak osh, Eblaham a̱ ʋbanumpa ha̱ isht im anumpulit, Chishno ak o̱ okla moma kʋt na yukpa hi oke, achi tok.

Tutelonomi 13:17

Mikma nana achʋfa nana kia kʋllakshi yash osh chibbak a̱ foyuka he keyu hoke: yʋmohmi ho̱ Chihowah yʋt chi̱ki ʋhleha ha̱ anumpa kʋllo im il onochi tok mak osh, ai im i̱ nukkilli libbi ka̱ shʋnaiachi cha, chi̱ nukha̱klot heh chi ahni cha,

Tutelonomi 9:5

Ish ai ʋlhpiesa, micha chi chu̱kʋsh ʋt ai ʋlhpiesa kak osh i̱ yakni ya ishit a binilit ish ia keyu; amba oklushi ilʋppa puta haksi kak o̱, micha anumpa kʋllo ya̱ chi̱ki ʋhleha Eblaham, Aisak, micha Chekob aiena im il onoch i tok anumpa ha̱ aia̱hlicha chi̱ hosh chin Chitokaka Chihowah yʋt chi tikba a tihlelit kocha weli hoke.

Heblu 11:2

Yʋmmak atuk pulla kak o̱ hatak tikba ʋhleha hokʋt nan annoa achukma ka isht ai atokowa tok oka.