Genesis 26:3 - Chahta Holisso Holitopa 1886

³ Yakni ilʋppak o̱ nowʋt a̱ya yosh ish ahantashke, mikma chibafoyuka lish, chi yukpali lashke; chishno, micha chi aiunchololi yak o̱ yakni ilʋppa moma ka̱ ima la chi̱ hoka, micha anumpa kʋllo yʋmma anumpulit chi̱ki Eblaham a̱ im il onochi li tok ʋt aia̱hlichi la chi̱ hoke.

Genesis 26:3 Iomraidhean Croise

Genesis 12:7

Mihma Chihowah yʋt Eblam a̱ i̱ haiaka cha, Yakni ilʋppa chim ishtatiaka ya̱ ima la hi oke, im achi tok: mihma yʋmmak o̱ Chihowah yʋt i̱ haiaka tuk ash alta ya̱ im ikbi tok.

Genesis 13:15

Yakni ish pi̱sa ka̱ mominchit chishno, micha chim isht aiunchololi aiena ka̱ immi bilia he mak o̱ ima la chi̱ hoke.

Genesis 13:17

Wakaya cha yakni afalaiaka, micha apʋthaka nowʋt hlopulli, chima la chi̱ hoka, im achi tok.

Genesis 15:18

Mih nitak fehna Chihowah yʋt Eblam a̱ nana itim apesʋt, Echip okhina yak o̱ aiʋhlit ia hosh okhina chito Euflates okhina ont ʋhli;

Genesis 17:19

Mihma Chitokaka yʋt, Chi tekchi Salah ʋt ʋlla nakni yo̱ chim eshi pulla chi̱ hoke; mikma Aisak ish hochifa chi̱ hoke: mikma nan itim apesa bilia mak o̱ yʋmma, micha im ishtatiaka et iakaiya aiena ka̱ kʋllochit nan itim apesa la hi oke.

Genesis 17:8

Mikmʋt Kenan yakni ʋt moma, okla inla yosh ish ai ahanta yakni ya̱ chishno, micha chim ishtatiaka et chiakaiya aiena kʋt hʋchi̱ yakni bilia chi̱ ho̱ hʋch ima la chi̱ hoke: mikmʋt in Chitokaka sia ha hi oke, achi tok.

Genesis 20:1

Mihma Eblaham ʋt yʋmma ʋttʋt apoyua cha toshowʋt oka mahli pilla yakni yo̱ ia mʋt, Katesh micha Shu itin takla ak o̱ ʋttʋt, cheki itin takla Kela ak o̱ ai ʋtta tok.

Genesis 25:11

Atuk o̱ yakohmi tok, Eblaham ʋt illi ha ya̱, ushi Aisak a̱ Chitokaka yʋt yukpali tok: mihma Aisak ʋt kʋli hofobi Lahai‐loi ak o̱ ai ʋtta tok.

Genesis 26:12

Yohmi ma Aisak ʋt yakni yʋmma a hokchi cha, afʋmmi mih makinli ka̱ inlohmi tahlepa achʋfa ho̱ ishi tok: mihma Chihowah yʋt yukpali tok.

Genesis 26:14

Imila̱yak ʋlhpoa chipinta, micha imila̱yak ʋlhpoba hochito, micha tishu laua fehna aiena kʋt im aiasha tok: mihma Filistin ʋhleha hʋt isht i̱ potʋnno tok.

Genesis 26:24

Atuk o̱ mih nitak akinli ka̱ Chihowah yʋt i̱ haiaka cha, Chi̱ki Eblaham a̱ in Chitokaka sia hoke: chi nukshopa ná, an tishu Eblaham ak atuk pulla kak o̱ chibafoyuka lish chi yukpalit chim ishtatiaka ya̱ apaknʋchi la chi̱ hoke, achi tok.

Genesis 28:13

Mihma yakeh, Chihowah yʋt paknaka ya̱ hikia cha, Chi̱ki Eblaham in Chitokaka Chihowah sia hoke, micha Aisak in Chitokaka sia hoke: yakni ish ai on itoyula ka̱ chishno, micha chim ishtatiaka ya̱ ima la hi oke.

Genesis 28:15

Micha yakeh, chibafoyuka lishke, micha kanima moma ish onakma, chi halʋlli la chi̱ hoke, atuk osh anonti yakni ilʋppa chisht ʋla la hi oke: anumpuli li tuk ʋt ak yʋmihcho ki̱sha kʋt chissa la he keyu hokʋt, achi tok.

Genesis 31:3

Mihma Chihowah yʋt Chekob a̱, Falamʋt chi̱ki ʋhleha i̱ yakni onʋt, micha chi̱ kanomi ʋhleha ish im onashke; mikma chibafoyuka lashke, im achi tok.

Genesis 35:12

Micha yakni ya̱ Eblaham micha Aisak ima li tok ʋt chishno ak o̱ chima la chi̱ hoke; micha chim isht atiaka et chiakaiya kak o̱ yakni ya̱ ima la hi oke, im achi tok.

Genesis 39:2

Atuk o̱ Chihowah yʋt Chosef a̱ ibafoyuka na hatak nana amosholit, im aia̱hli achukma atok: mihma i̱ shahli Echip hatak in chuka ya̱ ahanta tok.

Genesis 39:21

Yohmi kia Chihowah yʋt Chosef a̱ iba foyukʋt i̱ nukha̱klo cha, aboha kʋllo apistikeli yʋt i̱ kana hi ya̱ nukfo̱ho̱ki tok.

Genesis 48:21

Mieha Islael ʋt Chosef a̱, Yakeh, sʋlla chi̱shke; yohmi kia Chitokaka yʋt chiba foyuka cha, anonti hʋch i̱ki ʋhleha i̱ yakni ya̱ chisht ona hi oke.

Genesis 50:24

Atuk osh Chosef ʋt itibapishi ʋhleha ha̱, Sʋlla chi̱shke; atukma Chitokaka yʋt hʋchim a̱ya cha, pehlichit yakni ilʋppa hʋchi kohchi cha, anumpa il onochit Eblaham, micha Aisak, micha Chekob a̱ yakni im issa tok ʋt hʋch isht ona pulla hi oke, im achi tok.

Atʋloa 105:8

Nan ittim ʋpesa tok ʋt ithaiyana na billiʋshke; ʋnnumpah ʋpesa tok ʋt ithaiyana kʋt isht ai unchululi tʋhlepah sipoknih kia ona hoke.

Atʋloa 105:9

Yohmi kʋt yʋmmak oka̱ Eblaham a̱ nan ittim ʋpesa tuk osh, Aisak a̱ ʋnnumpah kʋllo im il onucchi tuk osh,

Atʋloa 32:8

Chi hopoyuksʋchit hina ish ata̱ya he ʋlhpesa ka̱ chi̱ bihlibli la chi̱ hoke; sʋ nishkin ʋt chi onuttoiyula ho̱ na̱ chi̱ miha la chi̱ hoke.

Atʋloa 39:12

Hʋttak ik ithano nowʋt a̱ya, chekih takla chi takla a̱ha̱tta, a̱ tikba ʋhleha hak o̱ chiyuhmi sia hoka̱, ʋm ʋnnumpah ilbʋssha ya̱ ish haklashke, Chihowa ma; micha pa̱ha̱ya li ka̱ is sʋ haklashke; sʋ nishkin okchi hlʋta̱ha̱pa ka̱ lummʋt chik binilo kashke.

Eksotʋs 2:24

Mihma kifa̱ha̱ha ka̱ Chitokaka yʋt haklo tok: micha Chitokaka yʋt Eblaham Aisak micha Chekob a̱iena ka̱ nana itim apesa tok ʋt ithana tok.

Eksotʋs 3:12

Mihma, Chiba foyuka li pulla chi̱ hoke, mikma chipila li tuk a̱ ilʋppak osh chim isht atokowa ya chi̱ hoke; okla ha̱ pehlichit Echip a̱ ish kohchikmʋt, nʋnih paknaka ilʋppa Chitokaka hʋsh aiokpʋcha hi oke, achi tok.

Eksotʋs 6:4

Micha Kenan yakni, yakni aiitʋnowa atok, okla inla yosh aiasha tok a̱ ima la chi̱ hosh, kʋllochit itim apesa li tok.

Eksotʋs 6:7

Micha ʋm okla hʋchia ha chi̱ ho̱ hʋch ishe la chi̱ hoke: micha hʋchin Chitokaka sia ha chi̱ hoke: micha ʋno ak osh Chihowah hʋchin Chitokaka sia hosh Echip i̱ naweki nutaka ya̱ hʋchi kohchi le tuk a̱, hʋsh ithana chi̱ hoke.

Eksotʋs 6:8

Mikma ya̱kni yʋmma Eblaham, Aisak, micha Chekob a̱ ima la chi̱ hosh, anumpa kʋllo il onochi li tok ʋt, hʋchisht ona la chi̱ hoke; mikma hʋsh aiasha he ʋlhpesa yakni ya̱ chi̱ ho̱, hʋchima la chi̱ hoke; Chihowah sia hoke, im achi tok.

Numbas 23:19

Chitokaka yʋt hatak atuk osh holaba he keyu hoke; micha hatak ushi atuk osh im anukfila inlʋt nukha̱kla he keyu hoke: miha tuk ʋt ik yʋmihcho ka hinla cho? anumpuli tuk ʋt ik a̱hlecho ka hinla cho?

Tutelonomi 1:8

Yakeh, yakni ya̱ hʋchi tikba talali lishke; chukowʋt yakni ya̱ Chihowah yʋt hʋchi̱ki ʋhleha Eblaham, micha Aisaak, micha Chekob, micha im ishtiaka iakaiyʋt mihinti aiena ka̱ anumpa kʋllo anumpulit, ima tok a̱ hʋsh ishashke, achi tok oke, achi tok.

Tutelonomi 34:4

Micha Chihowah yʋt, Yakni ilʋppak o̱ Eblaham Aisak, micha Chekob aiena ka̱ anumpa kʋllo im ilonochit, chim ishtatiaka ya̱ ima la hi yoke, achi li tok mak oke: chi nishkin ishit chi pisachi lishke, yohmi kia pit hlopullit yʋmma ish ia he keyu hoke.

Filippian 4:9

Nana puta yʋmma hʋs sʋm ai ithʋna, micha hʋsh ishi, micha hʋsh ha̱klo, micha hʋs si a pi̱sa aiena tuk ʋt hʋsh yʋmohmashke; yohmikma Chihowa im isht it i̱ nanaiya yʋt hʋch ibafoyuka chi̱ hoke.

Heblu 11:9

Na yimma pulla kak osh yakni im issa tok ash ont ahanta kʋt, yakni ʋt immi keyu ho̱ chiyuhmi hosh Aisaak, micha Chekob ita tuklo, yʋmmʋt nan im issa tok mihi ash iesha he im ai ʋlhpesa ak inli ka ai itapehʋt ʋlhtipo anu̱kaka yo̱ aha̱shwa tok:

Heblu 6:17

Yʋmohmi ka Chihowa hokʋt nana ka im ihi̱sa tok a̱ ont isha he im ai ʋlhpiesa ʋhleha hoka ilap nana im anukfihinla tok ʋt kaniohmit ai inla himma keyu ka, achukmalit i̱ shahlichit im otʋninchi bʋnna hosh, anumpa kʋllo yo̱ il onochit isht ai a̱hlichi tok: