Genesis 26:2 - Chahta Holisso Holitopa 1886

² Mihma Chihowah yʋt i̱ haiaka cha, Echip a̱ chik aiyo kashke: yakni chim anoli la chi̱ kak o̱ ish ahantashke.

Genesis 26:2 Iomraidhean Croise

Genesis 12:1

Yohmi ka̱ Chihowah ʋt Eblam a̱, Chi̱ yakni chi̱ kanomi ʋhleha micha chi̱ki in chuka achʋfa aiena ka̱ i̱ filʋmmit a kohchʋt a̱yʋt yakni chi pesʋchi la chi̱ ka̱ ish onashke:

Genesis 12:7

Mihma Chihowah yʋt Eblam a̱ i̱ haiaka cha, Yakni ilʋppa chim ishtatiaka ya̱ ima la hi oke, im achi tok: mihma yʋmmak o̱ Chihowah yʋt i̱ haiaka tuk ash alta ya̱ im ikbi tok.

Genesis 17:1

Atuk o̱ Eblam ʋt afʋmmi pokoli chakkali akucha chakkali ma, Chihowah yʋt Eblam a̱ i̱ haiaka cha, Chitokaka Nan isht im aia̱hli ataha iksho sia hoke: sa tikba ya ish anoho̱wa cha, ish aia̱hlashke.

Genesis 17:19

Mihma Chitokaka yʋt, Chi tekchi Salah ʋt ʋlla nakni yo̱ chim eshi pulla chi̱ hoke; mikma Aisak ish hochifa chi̱ hoke: mikma nan itim apesa bilia mak o̱ yʋmma, micha im ishtatiaka et iakaiya aiena ka̱ kʋllochit nan itim apesa la hi oke.

Genesis 18:1

Atuk o̱ Chihowah yʋt baiyi ʋt Mamli a hieli ka̱ ai i̱ haiaka tok: mihmʋt nitak lʋshpʋt taha ho̱ ʋlhtipo okhissa ya̱ bininli tok.

Genesis 26:24

Atuk o̱ mih nitak akinli ka̱ Chihowah yʋt i̱ haiaka cha, Chi̱ki Eblaham a̱ in Chitokaka sia hoke: chi nukshopa ná, an tishu Eblaham ak atuk pulla kak o̱ chibafoyuka lish chi yukpalit chim ishtatiaka ya̱ apaknʋchi la chi̱ hoke, achi tok.

Atʋloa 25:12

Hʋttak kʋta hosh Chihowa ha̱ i̱ nukshopa yoh choh? ata̱ya he ʋlhpesa ʋhayuchit isha chi̱ ka̱ im abʋcha chi̱ hoke.

Atʋloa 37:3

Chihowa hak o̱ ish anukchieto cha, nanah achukma kak o̱ ish yʋmihchashke; yʋmohmi hosh yakni ya̱ ish ai a̱ha̱tta cha, nan isht im a̱hli ka̱ ish ai i̱hi̱mpashke.

Eksotʋs 2:24

Mihma kifa̱ha̱ha ka̱ Chitokaka yʋt haklo tok: micha Chitokaka yʋt Eblaham Aisak micha Chekob a̱iena ka̱ nana itim apesa tok ʋt ithana tok.

Lefitikʋs 26:42

Yohmikma Chekob a̱ nan itim apesali tok ʋt ithaiyana la hi oke, micha Aisak a̱ nan itim apesali tok ʋt ithaiyana la hi oke, micha Ebleham a̱ nan itim apesali tok aiena kʋt ithaiyana la hi oke, micha yakni ya̱ ithaiyan a la hi oke.