Genesis 24:4 - Chahta Holisso Holitopa 1886

⁴ Amba a̱ yakni ya̱, a̱ kanomi i̱ yakni ya̱ ish ona cha, ohoyo ha̱ ai ishit sʋso Aisak a̱ ish imashke, im achi tok.

Genesis 24:4 Iomraidhean Croise

Genesis 11:25

Atuk osh Naho ʋt Telah ya̱ tobachi ha yʋt afʋmmi tahlepa achʋfa cha ahbichakkali ho̱ okcha̱yʋt ahanta cha, ushi ʋhleha, micha ushetik ʋhleha ha̱ tobachi tok.

Genesis 12:1

Yohmi ka̱ Chihowah ʋt Eblam a̱, Chi̱ yakni chi̱ kanomi ʋhleha micha chi̱ki in chuka achʋfa aiena ka̱ i̱ filʋmmit a kohchʋt a̱yʋt yakni chi pesʋchi la chi̱ ka̱ ish onashke:

Genesis 12:7

Mihma Chihowah yʋt Eblam a̱ i̱ haiaka cha, Yakni ilʋppa chim ishtatiaka ya̱ ima la hi oke, im achi tok: mihma yʋmmak o̱ Chihowah yʋt i̱ haiaka tuk ash alta ya̱ im ikbi tok.

Genesis 24:38

Amba iʋt a̱ki in chuka, micha a̱ kanomi i̱ yakni ya̱ ish ona cha, ohoyo ai ishit sʋso ha̱ ish imashke, ʋm achi tuk oke.

Genesis 24:5

Mihma tishu hash osh, Ohoyo hʋt yakni ilʋppa si awant ʋla he keyu hokmʋno, chiso ha̱ yakni aiʋttʋt ish minti tok a̱ anonti isht ona la hi pulla hoh cho? im achi tok.

Genesis 28:1

Mihma Aisak ʋt Chekob a̱ hoyo cha, yukpali mʋt, atokolit i̱ mihʋt, Kenan okla ushetik ʋhleha ho̱ ohoyo ha̱ ish ai isha he keyu hoke.

Genesis 28:2

Wakaya cha, Patan‐alam a̱ onʋt, chishki i̱ki Behluel in chuka ya̱ ish onashke; micha chishki ya̱ itibapishi Laban ushetik ʋhleha yʋmmak o̱ ohoyo ha̱ ont ish ai isha hi oke.

Heblu 11:15

Yohmi ka yakni yʋmma a kohchʋt minti tok ʋt anukfihinli hatok okmʋt, a falama hi ʋt takanli akinli tok mʋhlishke.

Nan Apesa 14:3

Yʋmohmi ma i̱ki, micha ishki itatuklo kʋt, Chitibapishi ʋhleha, keyukmʋt ʋm okla moma ka ushetik ʋhleha ha̱ ohoyo hʋt iksho nanta ho̱, iʋt hakshup ik tapo Filistin okla ha̱ ohoyo ish ai isha chi̱ cho? im achi tok. Mihma Samson ʋt i̱ki ya̱, Isht is sʋmashke, ahninchi li fehna hoka, im achi tok.