Genesis 24:3 - Chahta Holisso Holitopa 1886

³ Mikma Kenan okla takla ahanta li ka̱ ushetik ʋhleha ha̱ ohoyo ai ishit sʋso ha̱ chik emo ka he ya̱, Chihowah, ʋba in Chitokaka, micha yakni in Chitokaka ya̱ hochifot anumpa kʋllo chil onochechi lashke.

Genesis 24:3 Iomraidhean Croise

Genesis 14:19

Micha anumpa yukpali Eblam a̱ onochit, Ʋba chaha moma i̱ shahli, ʋba, micha yakni aiena ikbi Chitokaka ya̱ Eblam ʋt i̱ holitopashke.

Genesis 14:22

Mihma Eblam ʋt Sotom i̱ mi̱ko ya̱, Chihowah ʋba chaha moma i̱ shahli Chitokaka, ʋba, micha yakni aiena ka̱ ikbi ya̱ sʋbbak a̱ ʋba pit i̱ wieli li kʋt,

Genesis 21:23

Yʋmohmi hoka himak a̱ Chitokaka hochifot anumpa kʋllo a̱ mihʋt ʋno, micha sʋso, micha sʋso ha̱ ushi aiena ka̱ nana kia haksichit chik pi yʋmihcho kashke; amba chi̱ kana hosh chi yʋmihich li tok a̱ choyuhmit ʋno, micha okla inla yosh yakni ish ai ahanta tuk ʋt i̱ yʋmihcha he osh (achit) is sʋm il onochashke, achit okla tok.

Genesis 24:7

Chihowah, ʋba in Chitokaka yʋt, yʋmmak osh a̱ki in chuka, micha a̱ kanomi i̱ yakni ya̱ a sʋshi tok ʋt, yʋmmak osh ʋm anumpuli cha, anumpa kʋllo ʋm ilonochit, Chim ishtatiaka ya̱ yakni ilʋppa ima la hi oke, ʋm achi tuk ʋt yʋmmak osh im enchel a̱ et pila na, chi tikba a̱yakma, yʋmmak o̱ ohoyo ha̱ ai ishit sʋso ha̱ ish ima hi oke.

Genesis 27:46

Mihma Lebekah ʋt Aisak a̱, Helh ushetik ʋhleha pulla kak o̱ a̱ nitak a̱ isht an takobit tahʋshke: Chekob ʋt ilʋppakinli chohmi yakni ya̱ ushetik ʋhleha, Helh ushetik ʋhleha ho̱ ohoyo ai ishikma, a̱ nitak a̱ nanta ho̱ isht ʋm achukma hinla cho? im achi tok.

Genesis 28:1

Mihma Aisak ʋt Chekob a̱ hoyo cha, yukpali mʋt, atokolit i̱ mihʋt, Kenan okla ushetik ʋhleha ho̱ ohoyo ha̱ ish ai isha he keyu hoke.

Genesis 28:8

Micha Kenan ushetik ʋhleha ha̱ i̱ki Aisak ʋt ʋlhpesa ik ahno ho̱ Esau ʋt pisa mʋt;

Genesis 34:9

Micha hʋsh pim itauwaya cha, hʋch isotek ʋhleha ha̱ hʋsh pimakmʋt, pisotek ʋhleha ha̱ hʋsh ishashke.

Genesis 38:2

Micha Chutah ʋt yʋmma Kenanait hatak, yʋmma hohchifo kʋt Shuah ushetik o̱ pisa tok; mihmʋt ishi cha, iba chukowa tok.

Genesis 47:31

Mihma Islael ʋt, Anumpa kʋllo ʋm il onochí, achi tok: mihma anumpa kʋllo im il onochi tok: Mihma Islael ʋt in topa noshkobo ya̱ on hlipia cha, Chihowa ya̱ aiokpʋchi tok.

Genesis 50:25

Micha Chosef ʋt Islael im ʋlla ʋhleha anumpa kʋllo im il onochechit, Chitokaka yʋt hʋchim a̱ya pulla hi oke; mikma sa foni ha̱ ilʋppa ai ishit isht hʋsh ia hi oke, im achi tok.

Genesis 6:2

Chitokaka ushi ʋhleha hʋt hatak ushetik ʋhleha hʋt aiokli ho̱ pisa tok: mihmʋt aiahni tuk aiyukali kʋt ishi cha, itauwaya tok.

Genesis 6:4

Nitak yʋmma foka ka̱ hatak hofaloha yʋt yakni paknaka ya̱ aiasha tok; atuk o̱ i̱ himmak ak kia Chitokaka ushi ʋhleha hʋt hatak ushetik ʋhleha ha̱ itauwayʋt ma̱ya na, ʋlla ya̱ okla im eshi tok o̱, yʋmmak ash osh hatak hlampko chilita cha cha̱shpo ka̱ annoho̱wa fehna tok.

2 Mi̱ko 19:15

Mihmʋt Hesekiah ʋt Chihowa itikba ya̱ anumpa ilbʋsha anumpulit, Islael in Chitokaka Chihowa chelubim ititakla ahanta chia ma! chishno, chishno ak bano hosh yakni apehlichika puta moma in Chitokaka chia hoke: chishno ak osh ʋba, micha yakni aiena ka ish ikbi tok.

Atʋloa 115:15

Ʋba micha yakni aiena ka̱ ikbi tok Chihowa hʋt hʋchi yokpalashke.

Atʋloa 136:26

Ʋba puttah i̱ Chitokaka ya̱ yakoke hʋsh im achashke; im isht i̱ hullo yʋt abillia yoka̱.

Eksotʋs 20:7

Yʋmmakfokalechit chin Chitokaka Chihowah hohchifo ha̱ ish hochifa he keyu hoke; hohchifo ha̱ yʋmmakfokalechit hochifo tukma nan ik ashacho, Chihowah yʋt ahna he keyu hoke.

Eksotʋs 22:11

Yohmikma in chuka abili̱ka hatak im ʋlhpoyak a̱ ik potolo tuk ʋt Chihowah ya̱ anumpa kʋllo im il onochi ya̱ ita tuklot ashwa ma anumpulashke: mikma immi yatuk ʋt ʋlhpesa ahni na, ik atobbo kashke.

Eksotʋs 23:13

Nana moma hʋchim ahanchi li tuk a̱, ahah, hʋsh ai ahnashke; micha naholbʋt toba hohchifo ha̱ hʋchik anolo kashke, micha chitʋkha a kohcha na ik haklo kashke.

Eksotʋs 34:16

Micha chiso ʋhleha ha̱ ushetik ʋhleha ha̱ ishit ish ima na, ushetik ʋhleha hash osh hauit i̱ naholbʋt toba ya̱ iakaiya cha̱, chiso ʋhleha ha̱ hauit i̱ naholbʋt toba iakaiyʋchi yoba na.

Lefitikʋs 19:12

Micha a̱hli keyu ka̱ sa hochifot anumpa kʋllo hʋsh anumpula he keyu; micha chin Chitokaka hohchifo ha̱ ik ahobalot chik hochifo kashke: Chihowah sia hoke.

Numbas 5:21

Yohmikma naholitompa isht ʋtta yash osh ohoyo hash anumpa kʋllo anumpulit atokolit i̱ miha hi oke, micha naholitompa isht ʋtta yʋt ohoyo hash, Chihowah yʋt chiyubi ya̱ shuachikmʋt micha chikfoka ya shatʋblichikmʋt chim okla ai ititakla ya̱ nan ik achukmo onʋtonla, anumpa kʋllo onʋtonla Chihowah yʋt chikbashke.

1 Kolinhlian 7:39

I̱ hatak ʋt okcha̱ya moyuma ka tekchi ʋt nan ʋlhpisa pulla ho̱ isht a talaiyakchi hoke; yohmi tuk kia i̱ hatak ash osh illi hokmʋno, Chitokaka immi kʋna hoh kia ahnikmʋt, auwaya hi ʋt i̱ holhtofa hoke.

Tutelonomi 10:20

Chin Chitokaka Chihowah ya̱ ish i̱ nukwiashke; yʋmmak o̱ ish im antiashke, micha yʋmmak o̱ ish asitiashke, micha yʋmmak o̱ hochifo hosh anumpa kʋllo ish ilonochashke.

Tutelonomi 6:13

Chin Chitokaka Chihowah ya̱ ish i̱ nukwia cha, ish im antiashke, micha yʋmma hochifot anumpa kʋllo il onochit ish anumpulashke.

Heblu 6:16

Yohmi ka hatak okʋto i̱ shahli ho̱ ai isht anumpa kʋllo il onohonchi chatuk ʋt ai a̱hli; micha nan isht ai a̱hlichi anumpa kʋllo il onochi kak osh itachowa puta hokʋno ont im ai ʋhlichi chatuk bano hoke.

Choshua 2:12

Yʋmohmi hoka himak a̱ hʋchim ilbʋsha lishke, ʋno ʋt hʋchi̱ kana li tuk a̱, hʋchishno mʋt a̱ki in chuka achʋfa ya̱ hʋch i̱ kana hi ʋt Chihowa ya̱ anumpa kʋllo isht il onochit,

Nan Apesa 14:3

Yʋmohmi ma i̱ki, micha ishki itatuklo kʋt, Chitibapishi ʋhleha, keyukmʋt ʋm okla moma ka ushetik ʋhleha ha̱ ohoyo hʋt iksho nanta ho̱, iʋt hakshup ik tapo Filistin okla ha̱ ohoyo ish ai isha chi̱ cho? im achi tok. Mihma Samson ʋt i̱ki ya̱, Isht is sʋmashke, ahninchi li fehna hoka, im achi tok.

1 Samuel 20:17

Mihma Chonahlan ʋt i̱ hullo hatuk osh, anonti Lewi ya̱ anumpa kʋllo ya̱ il onochichi tok; ilap shilombish i̱ hullo kak inli kʋt i hullo hatuk okʋt.

1 Samuel 30:15

Mihma Lewi ʋt, Tʋshka nawehpuli ilʋppa isht is si ona hinla cho? im achi tok. Mihma Chitokaka ishit hochifot anumpa kʋllo il onochit, is sʋba he keyu, micha a̱ shahli ibbak a̱ is sa fohka he keyu is sa̱ mihakma, tʋshka nawehpuli ilʋppa chisht ona lashke, achi tok.