Genesis 24:2 - Chahta Holisso Holitopa 1886

² Atuk o̱ Eblaham ʋt in chuka achʋfa tishu sipokni i̱ shahli, yʋmmʋt nana im a̱sha tuk moma ka̱ pehlichi yo̱, Chibbak a̱ saiyubi nuta ya̱ isht ish potolashke, chim asilhha lishke:

Genesis 24:2 Iomraidhean Croise

Genesis 15:2

Mihma Eblam ʋt, Nanta ho̱ is sʋma chi̱ cho? Chihowah Chitokaka ma, ʋlla ik im iksho yosh a̱ya li hoka, mikma an chuka achʋfa apesʋchi ʋt Tamaskʋs hatak Eliese ilʋppak oke, achi tok.

Genesis 24:34

Mihma, Eblaham in tishu sia hoke.

Genesis 24:37

Atuk osh a̱ shahli hʋt anumpa kʋllo si ilonochechit Kenan okla i̱ yakni ahanta li tuk a̱ ushetik ʋhleha ha̱ ai ishit sʋso ha̱ ohoyo ish ima he keyu:

Genesis 44:1

Atuk o̱ Chosef ʋt in chuka achʋfa pehlichi ya̱ i̱ mihʋt, Isht a̱ya he ʋlhpesa ho̱ hatak ʋhleha hash i̱ bahta ya̱ ilhpak hʋsh aluli cha, hatak moma ka̱ in tʋli holisso aiyukali ka̱ i̱ bahta ya̱ hʋsh apittashke.

Genesis 47:29

Atuk o Islael ʋt ai illa he nitak ʋlhpisa kʋt atikonofʋt mihinti tok: mihmʋt ushi Chosef a̱ hoyo cha, Himak a̱ chi tikba holhponayo hanta ya̱ ai ahayuchi likma, saiyubi nuta ya̱ chibbak isht ish potolashke, chim asilhha lishke; micha a̱ kana cha, is sʋm a̱hli achukmashke: Echip a̱ chik si a hohpokashke, chim asilhha lishke:

Genesis 47:31

Mihma Islael ʋt, Anumpa kʋllo ʋm il onochí, achi tok: mihma anumpa kʋllo im il onochi tok: Mihma Islael ʋt in topa noshkobo ya̱ on hlipia cha, Chihowa ya̱ aiokpʋchi tok.

2 Samuel 12:17

Mihma in chuka achʋfa im asʋnonchi ʋhleha hʋt aka itoyula ka tanicha chi̱ hosh im ona tok: yohmi kia yohma he keyu, micha pʋska yak kia ibai ʋpa he keyu tok.

1 Mi̱ko 16:9

Mihma tʋnʋp im itichanʋlli puta iklʋna i̱ kʋpitʋni Simli ʋt Tisah antʋt, in chuka Tisah talaia ka apesʋchi Alsa yʋmma in chuka antʋt, oka ishkot haksi ma, i̱ sanalit anumpa luma ikbi tok.

1 Timohli 5:17

Iksa pehlichi ʋhleha hʋt achukmalit iksa pehlichi kak osh holitopa kʋt i̱ shahlikma, anonti ʋbanumpa ithʋnanchit isht anumpuli hokak heto i̱ shahli fehnʋt holitopashke.

Luth 2:6

Mihma tishu onush bʋshli ʋhleha pehlichi yash osh afalamichit, Moab ohoyo himita, Naomi ʋt Moab yakni kohchʋt falamʋt ʋla ma, ta̱kla ʋla tok mak oke.