Genesis 24:1 - Chahta Holisso Holitopa 1886

¹ Atuk o̱ Eblaham ʋt sipoknit nitak lauʋt in taiyaha hatok: mihma Chihowah yʋt Eblaham a nana moma ka̱ isht yukpali tok.

Genesis 24:1 Iomraidhean Croise

Genesis 12:2

Mikma okla chito fehna a chikbi la he, mikmʋt chi yukpali likmʋt, anonti chi hohchifo ha̱ holitoblichi la hi oke; mikma ishit na chi yukpa yachi̱ hoke.

Genesis 13:2

Micha Eblam ʋt nanʋlhpoa, micha tʋli hʋta, micha tʋli lakna aiena kʋt in laua fehna hatok.

Genesis 18:11

Yohmi ka̱ Eblaham, micha Salah ʋt sipoknit nitak in lauʋt taiyaha hatok; mikma Salah ʋt ohoyo nana im a kaniohmi ʋt issa tok atok.

Genesis 21:5

Yohmi ka̱ Eblaham ʋt afʋmmi tahlepa achʋfa ho̱, ushi Aisak ʋt im ʋtta tok.

Genesis 24:35

Atuk o̱ Chihowah yʋt a̱ shahli ha̱ nayukpali fehna, na holitopa fehnʋt tahʋshke: micha nanʋlhpoa chipinta, micha nanʋlhpoa hochito, micha tʋli hʋta, micha tʋli lakna, micha hatak tishu, micha ohoyo tishu, micha kamel, micha i̱ssuba haksobish falaia aiena ka̱ ima tuk oke.

Genesis 25:20

Mihma Aisak ʋt afʋmmi pokoli ushta hosh Silian hatak Patan‐alam ʋtta Behluel ushetik, Silian hatak Laban in tek Lebekah ya̱ ishit itauwaya tok.

Genesis 26:12

Yohmi ma Aisak ʋt yakni yʋmma a hokchi cha, afʋmmi mih makinli ka̱ inlohmi tahlepa achʋfa ho̱ ishi tok: mihma Chihowah yʋt yukpali tok.

Genesis 49:25

Chi̱ki in Chitokaka, yʋmmak osh chi apelahancha chi̱ ka̱, micha Nan im aia̱hli ataha iksho, yʋmmak osh ʋba nan‐isht‐aiyukpa, micha ahofobi nan‐isht‐aiyukpa nutaka aiasha yo̱, micha ipi̱shik nan‐isht‐aiyukpa, micha im oshʋtto nan‐isht‐aiyukpa ishit chi yukpala chi̱ ka̱ ibbak shakba yʋt ishit kʋllo tuk oke.

1 Mi̱ko 1:1

Mihma mi̱ko Lewi ʋt sipoknit taiyaha, nitak in lauʋt taiyaha tok; mihma anchi isht ompohomo kia, libisha he keyu tok.

Mahlu 6:33

Amba Chihowa apehlichika, micha nan isht im ai ʋlhpiesa aiena kak o̱ ti̱kba hʋsh hoyashke; yohmikma ilʋppa moyuma kʋt hʋchim aiena he mak oke.

ʋBanumpa Luk Ʋt Holissochi Tok 1:7

Yʋmohmi hosh Elisabet ak osh ushiksho yatuk o̱, ʋlla yʋt ik im iksho ket okla hosh, tu̱klot sipoknit taiyaha tok.

Kaleshan 3:9

Yʋmohmi hoka kʋna hosh yimmi yokʋto, mihi yosh na yimmi Eblaham a̱ iba ta̱klʋt na yukpa hoke.

Efeshan 1:3

Chihowa pin Chitokaka Chisʋs Klaist I̱ki, yʋmmak osh Chisʋs ak atuk mak o̱ ʋba nana ishit pi yukpahanli yʋt holitopashke:

1 Timohli 4:8

Haknip nan isht ʋtta isht ai achukma hokʋto mishema he keyu hoke: amba Chihowa holitobli nana moma ka isht im ai achukma kʋt, yakni paknaka nan ai isht ai yukpa, micha yakni inla ʋla he mihinti ita tuklo ka isht ai yukpa he im issa hoke.