Genesis 22:9 - Chahta Holisso Holitopa 1886

⁹ Atuk osh Chitokaka yʋt im anoli tuk nʋnih ha̱ onʋt okla tok: mihma Eblaham ʋt yʋmmak o̱ alta ikbi cha, iti ya̱ achukmalit bohlit tahli tok; mihmʋt ushi Aisak a̱ takchi cha, alta paknaka iti on a̱sha tuk a̱ onochi tok.

Genesis 22:9 Iomraidhean Croise

Chemis 2:21

Pin tikba Eblaham ʋt ilap ushi Aisaak a̱ alta pakna ʋba isht ai okpʋchit isht ahanta kak osh isht ai ʋlhpiesa tok keyu̱?

1 Pita 2:24

Yʋmmak osh nan il ai ashʋchika ya̱ ilap haknip fehna ak o̱ ilap inlit il onochi hosh iti ya̱ takali tok: yohmi ho̱ nan ai ashʋchika puta il im ihinli hosh, nan ai ʋlhpiesa ya̱ il im okcha̱ya chi̱ ha tok: yʋmmʋt fahama tok ak o̱ isht hʋchi hlakofi hoke.

Heblu 9:28

Yʋmma chiyuhmit Klaist ak kia la̱wa nan im ai ashʋchi isht kancha chi̱ mak osh himonna ma il im issa tok: yohmi kʋt yʋmma hoho̱yo ʋhleha hokʋno nan ai ashʋchi ik im iksho hosh atukla okchalincha chi̱ hosh otaiyana hi oke.

Efeshan 5:2

Micha Klaist ʋt pi̱ hullo cha, pishno ak atuk mak o̱ nan ashʋchi isht ʋlhtoba, Chihowa nan i̱ balama, isht il im issa tok a̱ chiyuhmit, ai it i̱ hullot hʋsh ai itʋnowashke.

Kaleshan 3:13

Klaist ʋt pi ʋlhtobʋt na hotopa onʋtula toba cha, ʋba nan ʋlhpisa isht a hotopa ya̱ a chumpʋt pi falaminchi tok; holisso kʋt, Kʋna kia iti a̱ atakalikmʋt, na hotopa anumpa hosh onʋtula hoke, achi hoke.

Apostel isht Anumpa 8:32

Anumpa holisso holitopa ai itim anumpuli ka ilʋppak a tok. “Chukfi ʋlhpoba chohmi ho̱ yʋmma ai illi hʋllat ishtia tok; micha chukfi ʋlhpo‐ushi yosh hishi im ʋmo in tikba hikia kʋt, nan ik ayo chatuk a̱ chohmit, yʋmmʋt itih ha̱ ik wakʋmmo ki tok:

Mark i̱ Holisso 15:1

Atuk o̱ onnahinli makinli ho̱ na‐holitompa isht a̱sha pehlichi hash osh hochitoka ʋhleha, micha na‐holissochi okla, mikmʋt nan‐apesa ʋhleha moma aiena ho̱ nana ai it im apesʋt ma̱ya cha, Chisʋs a̱ takchi mʋt, isht iʋt, Pailat ibbak a̱ ont fohki tok.

Mahlu 27:2

Micha yʋmmak ash o̱ okla takchi mʋt, ilauelit isht iʋt, nahullo mi̱ko Pantiʋs Pailat ibbak a̱ ont fohki tok.

Atʋloa 118:27

Chihowa, yʋmmak osh Chitokaka yosh, pi̱ tohwikelichi yoka̱, ʋbit nan isht ayokpʋchi ya̱ ishit tʋllakchi puttah ishit takchi hosh, alta lʋpish a̱ isht hʋsh onashke.

Genesis 12:7

Mihma Chihowah yʋt Eblam a̱ i̱ haiaka cha, Yakni ilʋppa chim ishtatiaka ya̱ ima la hi oke, im achi tok: mihma yʋmmak o̱ Chihowah yʋt i̱ haiaka tuk ash alta ya̱ im ikbi tok.

Genesis 8:20

Mihma Noah hʋt Chihowah ya̱ alta im ikbi cha, nan ʋlhpoa kashofa puta, micha hushi kashofa puta ai ishi cha, alta yash onochit hukmit isht aiokpʋchi ya̱ im issa tok.

Genesis 12:8

Atuk osh yʋmma ʋttʋt kanʋllit ia mʋt, Behlel i̱ hʋshi akochaka imma nʋnih chaha hak o̱ ona cha, Behlel ʋt hʋshi ai okatula pilla tala̱ya ho̱, micha Hai ʋt hʋshi akochaka pilla ma, tala̱ya ho̱ im ʋlhtipo ya̱ hilechi tok: mihmʋt yʋmmakma Chihowah ya̱ alta im ikbi cha, Chihowah ya̱ hochifot i̱ pa̱ha̱ya tok.

Genesis 13:18

Yohmi ma Eblam ʋt im ʋlhtipo ya̱ kanʋllichit Mamli i̱ baiyi Heblon yakni talaia hieli ka̱ ont ai ʋtta tok: micha yʋmma Chihowah ya̱ alta im ikbi tok.

Genesis 22:8

Mihma Eblaham ʋt, Sʋso ma, Chitokaka yʋt ilap akinli hosh hukmit isht aiokpʋchi chukfʋlhpoa ushi ya̱ ahayucha chi̱ hoke, achi tok: yohmi ma ita tu̱klot ia tok.

Genesis 22:10

Mihmʋt Eblaham ʋt ushi ya̱ ʋba chi̱ hosh ibbak a̱ pit welit bʋshpo a̱ ishi tok.

1 Mi̱ko 18:33

Micha iti ya̱ achukmalit bohlit tahli mʋt, wak hobʋk a̱ bʋshlit tahli cha, iti yash paknaka onochi mʋt, Ishtochi ushta ho̱ oka hʋsh alotoli cha, nahukmit isht aiokpʋchi, micha iti aiena ka hʋsh o̱ fohoblashke, achi tok.