Genesis 22:4 - Chahta Holisso Holitopa 1886

⁴ Yʋmohmi tuk osh nitak ont atuchina ma Eblaham ʋt akachakalit hopo̱koyo mʋt, ushi ai im issa chi̱ nʋnih hʋt hopaki ho̱ et hikia na pisa tok.

Genesis 22:4 Iomraidhean Croise

Genesis 22:3

Mihma Eblaham ʋt onnahinli fehna ho̱ wakaya cha, im issuba haksobish falaia ya̱ umpatali mʋt, hatak himithoa im a̱sha tuk ash tuklo ho̱, micha ushi Aisak aiena ka̱ pehlichi cha, ishit hukmit im issa iti ya̱ pʋhli mʋt, wakaya cha Chitokaka ʋt im anoli tuk mak o̱ ai ona tok.

Genesis 22:5

Mihmʋt Eblaham ʋt hatak himithoa yash, Ilʋppa issuba haksobish falaia ya̱ awant hʋsh ai a̱shwa na ʋno, micha ʋlla ya̱ il ita tuklo kʋt yʋmma ont il ai aiokpʋchi cha, anonti e hʋchim ʋlashke, im achi tok.

2 Mi̱ko 20:5

Ish falama cha, ʋm okla pehlichi Hesekiah ya̱, Chi̱ki Lewi in Chitokaka Chihowa yʋt yak achishke, Chim anumpa albʋsha ya̱ ha̱klo lishke, chi nishkin okchi hlatapa ka pi̱sa lishke: yakeh! chi hlakoffichi la chi̱ hoke; nitak ont atuchinakma Chihowa in chuka ya̱ ont ish chukowa chi̱ hoke.

Eksotʋs 15:22

Yohmi ho̱ Moses ʋt Islael a̱ pehlichit okhʋta humma ya̱ ashʋt kohchi tok; mihma okla kohchʋt iʋt, Shu yakni haiaka ya̱ nitak tuchina anowa ona mʋt, oka ik ahayucho tok.

Eksotʋs 19:11

Nitak atuchina chi̱ ka̱ im ʋlhtahashke; nitak ont atuchinakma okla moma kʋt api̱sa ho̱ Chihowah yʋt akowʋt Sinai paknaka ya̱ ʋla chi̱ hoke.

Eksotʋs 19:15

Mihma okla ha̱, Nitak atuchina chi̱ ka̱ hʋchim ʋlhtahashke, hʋchi tekchi ʋhleha ha̱ bili̱ka hʋchik ono kashke, im achi tok.

Eksotʋs 5:3

Mihma Heblu in Chitokaka yʋt pi afama tuk oke; e chim asilhhʋshke, iʋt nitak tuchina anowa yakni haiaka ya̱ il ona cha, pin Chitokaka Chihowah ya̱ ʋbit aiokpʋchi il im issashke; ililli okpulo micha bʋshpo falaia aiena ishit pi fa̱ha̱ma yoba na: achi tok.

Lefitikʋs 7:17

Amba ʋbit im issa nipi ʋt a̱sha na nitak ont atuchina tuk ʋt, luak ishit lua hi oke.

Numbas 10:33

Mihma Chihowah i̱ nʋnih ha̱ issʋt nitak tuchina anowa okla ona tok; mihma Chihowah nan itim apesa afohka itombi holitopa ak osh nitak tuchina anowa yʋmma im afoha hoyot im ahayucha chi̱ hosh tikba ia tok.

Numbas 19:12

Nitak ont isht atuchinakma isht ile kashoffashke, micha nitak ont isht untuklokma kashofa chi̱ hoke; amba nitak ont isht atuchina ka̱ ik ile kashoffokmʋt nitak ont ishit untuklo ka̱ kashofa he keyu hoke.

Numbas 19:19

Micha hatak kashofa yʋt ik kashofo yosh nitak ont isht atuchina, micha ont isht untuklo ka̱ o̱ fimma hi oke; mikma nitak ont isht untuklokma ile kashoffi cha i̱ nafohka ya̱ achifakmʋt oka yupi cha opiakma kashofa hi oke.

Numbas 31:19

Micha bina ha̱ kucha hʋsh aiasha na nitak untuklashke; kʋna hosh hatak ʋbi tukmʋt, micha kʋna hosh illi ya̱ haleli tukmʋt, hʋchishno, micha hʋchi̱ yuka aiena kʋt, nitak ont isht atuchina, micha nitak ont isht untuklo ka̱ hʋsh ile kashoffashke.

Mahlu 17:23

Yohmikma yʋmmak ash o̱ okla ʋbi tuk ma, anonti nitak ont atuchinakma falamʋt tana hi oke, Chisʋs ʋt im achi tok. Yohmi ma okla nukha̱klo fehna tok.

ʋBanumpa Luk Ʋt Holissochi Tok 13:32

Mihma yʋmmak ash o̱, Oh ia cha, chula yʋmma ont oh im anolí; Himak nitak, micha onna ha aiena kʋno nan‐isht ahullo okpulo puta kocha weli, micha haknip ik in chukmo puta ka hlakofichi aienʋt ahanta li tuk osh, nitak ont atuchinakma, nana ka aia̱hlit ont ʋm ataiyaha hok mak a hi oke.

Choshua 1:11

Binah ha hlopullit a̱yʋt, okla ha̱ nan i̱ mihʋt, Pinak ʋt hʋchim ʋlhtahashke; nitak tuchina ta̱kla ka Chatan ilʋppa hlopullit, Chitokaka hʋchin Chihowa ʋt hʋchimmi ha chi̱ ho̱ yakni hʋch ima hoka ont chukowʋt hʋsh isha chi̱ hoke, achi tok.

1 Samuel 26:13

Yohmi ma Lewi ʋt misha tʋnnʋp ona cha, nʋnih hopaki paknaka ho̱ o̱ hikia tok, ititakla chito yosh takanli tok.