Genesis 22:3 - Chahta Holisso Holitopa 1886

³ Mihma Eblaham ʋt onnahinli fehna ho̱ wakaya cha, im issuba haksobish falaia ya̱ umpatali mʋt, hatak himithoa im a̱sha tuk ash tuklo ho̱, micha ushi Aisak aiena ka̱ pehlichi cha, ishit hukmit im issa iti ya̱ pʋhli mʋt, wakaya cha Chitokaka ʋt im anoli tuk mak o̱ ai ona tok.

Genesis 22:3 Iomraidhean Croise

Genesis 17:23

Mihma Eblaham ʋt ushi Ishmael ishi cha, in chuka achʋfa ai ʋtta tuk moma, micha in tʋli holisso isht ʋlhtoba tuk moma, micha Eblaham in chuka achʋfa hatak nakni puta moma, Chitokaka yʋt miha tuk mak o̱, mih nitak akinli ho̱ tikba hakshup nipi ya̱ in tʋptuli tok.

Genesis 21:14

Atuk o̱ Eblaham ʋt onnahinli fehna ho̱ wakaya cha̱, ilhpak, micha oka kotoba a̱lhto ho̱ Haka ya̱ imʋt tahchi ya̱ abanʋli hosh ʋlla yash ima cha, chʋffichi tok: mihma Haka ʋt ia tuk osh Bee‐sheba yakni haiaka ya̱ fullokahanchi tok.

Genesis 22:18

Mikma ʋm anumpa ha̱ ish im antia hoka, chim ishtatiaka ak o̱ oklushi moma yakni paknaka aiasha kʋt nan isht aiyukpa hi oke, achi li tuk oke, achi tok.

Genesis 22:2

Mihma, Himak a̱ chiso hash, chiso yʋmmak bieka Aisak ash ish holitobli chatuk ʋt ishi cha, Moliah yakni ya̱ ish onashke; micha nʋnih achʋfalit chim anoli la chi̱ ka̱ paknaka ya̱ hukmit im issa mak o̱ ikbit ont ai is sʋm issashke, achi tok.

Genesis 22:4

Yʋmohmi tuk osh nitak ont atuchina ma Eblaham ʋt akachakalit hopo̱koyo mʋt, ushi ai im issa chi̱ nʋnih hʋt hopaki ho̱ et hikia na pisa tok.

Atʋloa 119:60

Chim ʋnnumpah ʋlhpisa putta ka̱ hulittobli la chi̱ kʋt, ak ahchibalo hosh tu̱shpa lih chatuk oke.

Mahlu 10:37

Kʋna hosh i̱ki yokmá, keyukmʋt ishki yokmá, nana ho̱ i̱ hullo kʋt ʋno a̱ im i̱ shahli hokʋt, ʋmmi ha he ʋlhpesa keyu hoke: mikmʋt ushi yokmá, keyukmʋt ushetik okmá, nana ho̱ holitobli kʋt ʋno a̱ im i̱ shahli hokʋt, ʋmmi ha he ʋlhpesa keyu mak inli hoke.

ʋBanumpa Luk Ʋt Holissochi Tok 14:26

Kʋna hosh a̱yʋt ʋm ʋla kʋt, i̱ki, micha ishki, mikmʋt tekchi, mikmʋt im ʋlla, anonti ilap itibapishi, mik mʋt in tek ʋhleha aiena, mikmʋt im ilhfiopak akinli aiena kak kia, i̱ nukkilli keyu hokʋto, nan ʋm ai ithʋna a he keyushke.

Kaleshan 1:16

Yohmi kʋt ʋlhpesa ahni cha, Ushi ya̱ si ai otʋninchi kʋt, ʋbanumpa ik ithano ʋhleha ha̱ ʋbanumpa isht im anumpohonli la chi̱ ak atok; yohmi mak inli ho̱ hatak nana kia it im anumpuli li tok keyu.

Heblu 11:8

Eblaham okʋt yakni inla yʋmma i̱ himmak o̱ immi tobʋt isha hi o̱, iʋt ona chi̱ ho̱ i̱ howa ma, yimmi pulla kak osh im antia tok; micha yʋmmak o̱ ia li, ahni keyu kia, kohchʋt ia tok.

Choshua 3:1

Mihma Choshua ʋt onnahinli fehna tani cha, ilap, mikmʋt Islael im ʋlla ʋhleha moyumʋt Shittim a̱ ashʋt toshowʋt ia hosh Chatan a̱ ona cha, ik tanʋblo hosh yʋmmak o̱ a nusi tok.

Choshua 8:10

Atuk osh Choshua ʋt onnahinli fehna tani cha, okla ha̱ hotihna tok; yohmi cha ilap ʋt Islael im asʋnonchi ʋhleha ita pi̱hʋt okla ha̱ itikba hielit Ai ya̱ ia tok.