Genesis 21:8 - Chahta Holisso Holitopa 1886

⁸ Mihma ʋlla yash osh hofantit iʋt, pishit issa tok: atuk o̱ pishi ka̱ issʋchi nitak makinli ma Eblaham ʋt impʋchi chito ikbi tok.

Genesis 21:8 Iomraidhean Croise

Genesis 19:3

Mihma im achunanchi fehna tok: mihma im a fullota cha, im aboha ya̱ chukowa tok; mihma impʋchi im ikbi cha, pʋska ik shatʋmmo i̱ nunachi ma, impʋt okla tok.

Genesis 21:7

Micha, Kʋta hosh Eblaham a̱ Salah ʋt ʋlla pishecha chi̱ hoke, im acha hinla tuk oh cho! sipoknit taiyaha ho̱ ʋlla nakni yo̱ im eshi li hoka, achi tok.

Genesis 21:9

Atuk o̱ Echip ohoyo Haka ushi Eblaham im eshi tok ʋt ishit yopulʋt anta na Salah ʋt pisa tok.

Genesis 26:30

Mihma Aisak ʋt impʋchi im ikbi na, impʋt nan ishkot okla aiasha tok.

Genesis 29:22

Mihma Laban ʋt chuka alokoli yʋmma hatak ʋhleha moma ka̱ hoyot itʋnahli cha, impʋchi ikbi tok.

Genesis 40:20

Atuk o̱ nitak ont atuchina, yʋmmʋt Falaoh ʋt aiʋtta tok nitak atuk o̱ yakohmi tok, in tishu ʋhleha moma ka̱ impʋchi im ikbi tok: mihmʋt aiishko sholi i̱ shahli, micha pʋska ikbi i̱ shahli ya̱ noshkobo ha̱ akachakalichit in tishu ʋhleha ta̱kla hiohlichi tok.

2 Samuel 3:20

Yohmi hosh Abne, micha hatak pokoli tuklo aiena hosh Lewi ʋt Heblon a̱ anta tuk o̱ im ona tok: mihma Lewi ʋt Abne, micha hatak apehʋt a̱ya tuk aiena ka impʋchi tok.

1 Mi̱ko 3:15

Mihma Solomon ʋt okcha tok; mihma yakeh! holhpokna hatuk achini tok: atuk osh Chelusalem a̱ ʋla cha, Chihowa nan it im apesa afoyuka itombi holitopa itikba ya̱ hikia cha, na hukmit isht aiokpʋchi puta onochit im issʋt, iti̱nanaiyʋchi isht aiokpʋchi puta im issa mʋt, in tishu ʋhleha moma ka impʋchi tok.

Atʋloa 131:2

Yʋmmak het a̱sha na ʋlla pishit issa yosh ishki ʋtʋkkali kak o̱ chomihchit ʋmish shilombish a̱ nuktʋlalit hupohlʋche li tuk oke; ʋmish shilombish ʋt ʋlla pishit issa yash chohmit si ʋtʋkkali hoke.

Nan Apesa 14:10

Yohmi ma i̱ki ʋt ohoyo ai ʋtta ka ona tok: mihma Samson ʋt ipetʋchi ikbi tok: hatak himithoa yʋmmak o̱ yohmi beka tok oka.

Nan Apesa 14:12

Mihma Samson ʋt Inta! himak a̱ nana it im ithana hʋchin takalichi lashke: hʋsh yʋmohma hinlakmʋt, nitak untuklo ipetʋchi itintakla ka hʋsh ithana cha, hʋs sʋm anoli pullakma, ilefoka lumbo pokoli tuchina, micha nafohka fohka pokoli tuchina ho̱ hʋch ima lashke:

1 Samuel 1:22

Yohmi kia Hannah ʋt ik aiyo tok: i̱ hatak a̱, Ʋlla ʋt pishit ik isso ki̱sha ka ia la he keyu; yohmi ka yohmik mʋno, Chihowa itikba hikia he, micha yʋmmak o̱ ahanta na bilia hi o̱ isht ona la hi oke, im achi tok.

1 Samuel 1:24

Atuk osh pishechi tuk ʋt issʋchi mʋt, ishi cha, wak hobʋk himita tuchina, micha bota tohbi efah achʋfa, micha okapa̱ki kotoba achʋfa aiena ka ishi cha, Chihowa in chuka Shiloh ya̱ isht ona tok: mihma ʋlla yash osh himita tok.

1 Samuel 25:36

Mihma Abikail ʋt Nabal aiʋtta ka ona tok: mihma yakeh! Nabal ʋt mi̱ko impʋchi chohmit in chuka ya̱ ai impʋchi hosh ahanta tok: mihmʋt Nabal ʋt chu̱kʋsh im achukma tok haksi fehna hatuk osh: yʋmohmi ma nana ola takla, micha atampa kia ik im anolo ho̱, ont onnʋt tohwikeli tok.