Genesis 21:2 - Chahta Holisso Holitopa 1886

² Eblaham ʋt sipoknit taiyaha ho̱ nitak ʋlhpisa Chihowah yʋt im anoli tuk a̱ ont ʋlhpiesa ma, Salah ʋt chakali cha, ʋlla nakni yo̱ im eshi tok oka.

Genesis 21:2 Iomraidhean Croise

Genesis 17:19

Mihma Chitokaka yʋt, Chi tekchi Salah ʋt ʋlla nakni yo̱ chim eshi pulla chi̱ hoke; mikma Aisak ish hochifa chi̱ hoke: mikma nan itim apesa bilia mak o̱ yʋmma, micha im ishtatiaka et iakaiya aiena ka̱ kʋllochit nan itim apesa la hi oke.

Genesis 17:21

Yohmi kia Aisak yʋmmak oka afʋmmi inla nitak ʋlhpisa ʋt ont ʋlhpesa himak a̱ chohmikma, chi tekchi Salah ʋt chim esha he ak o̱, kʋllochit nan itim apesa la hi oke, achi tok.

Genesis 18:10

Mihma, Aiokcha̱ya̱ he nitak ʋt takanlik mak o̱ falamʋt chim a̱ya li pulla hi oke; mikma yakeh, Salah chi tekchi ʋt ʋlla nakni yo̱ esha hi oke, achi tok. Mihma ʋlhtipo okhissa ʋt im asha̱ka yatuk o̱, Salah ʋt anu̱kaka ya̱ a̱sha hosh haklo tok.

Genesis 18:14

Nana kia Chihowah ya̱ i̱ kʋllo kʋt im atampa hinla cho? Nitak ʋlhpisa yʋt ont ai ʋlhpiesa ka̱ aiokcha̱ya he nitak ʋt takanlikmak o̱ falamʋt chim a̱ya li pulla hi oke, mikma Salah ʋt ʋlla nakni yo̱ esha hi oke, im achi tok.

ʋBanumpa Luk Ʋt Holissochi Tok 1:36

Micha yakeh! chi̱ kanomi Elisabet ʋt ushiksho hohchifo chatuk kia, sipoknit taiyaha hosh ʋlla nakni i̱ fohka tuk a̱ himak ʋt hʋshi ont isht i̱ hannali hoke.

Apostel isht Anumpa 7:8

Mihmʋt hakshup tʋpa nan ʋlhpisa ka ima tok. Atuk o̱ Eblaham ʋt Aisak a̱ ikbi cha, nitak isht untuchina ma, hakshup tʋbli tok. Atuk o̱ Aisak ʋt Chekob a̱ ikbi tok o̱, Chekob ʋt hatak pi̱ki hochitoka auah tuklo ka ikbi tok.

Loman 9:9

Yohmi ka nan im issa tok isht anumpa hʋt ilʋppak oke, Ʋlhpisa tok nitak ont ai ʋlhpiesakma ʋla la hi oke, mikma Sela yʋt ushi im ʋtta hi oke.

Kaleshan 4:22

Holisso kʋt, Eblaham ʋt ushi ín tuklo tok; achʋfa kʋt ohoyo yuka yak o̱ ushi yokma, achʋfa kʋto ohoyo yuka keyu yak o̱ atok, achi hoka.

Heblu 11:11

Na yimmi pulla kak osh anonti Sela ilap inlit isht hlampko ishi hosh chakali cha, ʋlla sholi tok, ai yʋmohmi chatuk a̱ ont iʋt kʋnia kia, yʋmmak ash ot nan im issa tok a̱ ai a̱hli yoke ahnit i̱ yimmi hatok okʋt.

Choshua 24:3

Mihma hʋch i̱ki Eblaham a̱ okhina mish tʋnnʋp a̱ ai ishit, ilauelit a̱yʋt Kenan yakni moma ka hlopullichit isht a̱ya li tok; micha im ishtatiaka ya̱ apaknʋchit Aisaak a̱ ima li tok.