Genesis 21:1 - Chahta Holisso Holitopa 1886

¹ Atuk o̱ Chihowah yʋt achi tuk mak osh Salah ya̱ i̱ nowa tok: micha Chihowah yʋt anumpuli tuk mak osh Salah ya̱ i̱ yʋmihchi tok.

Genesis 21:1 Iomraidhean Croise

Genesis 17:16

Mikmʋt yukpali la chi̱ hoke, micha yʋmmak kia ʋlla nakni yo̱ a chima la hi oke: a̱hli yukpali la chi̱ hoke; mikma oklushi laua ho̱ ishki ya̱ chi̱ hoke: okla i̱ mi̱ko puta kʋt a tohomba hi oke, im achi tok.

Genesis 17:19

Mihma Chitokaka yʋt, Chi tekchi Salah ʋt ʋlla nakni yo̱ chim eshi pulla chi̱ hoke; mikma Aisak ish hochifa chi̱ hoke: mikma nan itim apesa bilia mak o̱ yʋmma, micha im ishtatiaka et iakaiya aiena ka̱ kʋllochit nan itim apesa la hi oke.

Genesis 17:21

Yohmi kia Aisak yʋmmak oka afʋmmi inla nitak ʋlhpisa ʋt ont ʋlhpesa himak a̱ chohmikma, chi tekchi Salah ʋt chim esha he ak o̱, kʋllochit nan itim apesa la hi oke, achi tok.

Genesis 18:10

Mihma, Aiokcha̱ya̱ he nitak ʋt takanlik mak o̱ falamʋt chim a̱ya li pulla hi oke; mikma yakeh, Salah chi tekchi ʋt ʋlla nakni yo̱ esha hi oke, achi tok. Mihma ʋlhtipo okhissa ʋt im asha̱ka yatuk o̱, Salah ʋt anu̱kaka ya̱ a̱sha hosh haklo tok.

Genesis 18:14

Nana kia Chihowah ya̱ i̱ kʋllo kʋt im atampa hinla cho? Nitak ʋlhpisa yʋt ont ai ʋlhpiesa ka̱ aiokcha̱ya he nitak ʋt takanlikmak o̱ falamʋt chim a̱ya li pulla hi oke, mikma Salah ʋt ʋlla nakni yo̱ esha hi oke, im achi tok.

Genesis 24:36

Mihma a̱ shahli ha̱ tekchi Salah ʋt sipoknit taiyaha hosh a̱ shahli ha̱ ʋlla nakni yo̱ im eshi tok oke: atuk o̱ yʋmmak o̱ nana im a̱sha tuk ʋt mominchit ima tuk oke.

Genesis 50:24

Atuk osh Chosef ʋt itibapishi ʋhleha ha̱, Sʋlla chi̱shke; atukma Chitokaka yʋt hʋchim a̱ya cha, pehlichit yakni ilʋppa hʋchi kohchi cha, anumpa il onochit Eblaham, micha Aisak, micha Chekob a̱ yakni im issa tok ʋt hʋch isht ona pulla hi oke, im achi tok.

2 Mi̱ko 4:17

Atuk osh ohoyo hash osh ʋlla shali tuk osh, Elisha ʋt im achi tuk mak o̱ nitak ʋlhpisa tofahpi ʋt anonti ʋla ma, ʋlla nakni yo̱ eshi tok.

Atʋloa 106:4

Chihowa ma, chim okla ha̱ isht ish i̱ kanah chatuk mak osh, isht is sʋthaiyanashke; chim ai okcha̱ya ieshit is sa̱ nowashke.

Atʋloa 12:6

Chihowa im ʋnnumpah putta kʋt ʋnnumpah kʋshofa yoke: tʋli hʋta yosh yakni tʋli a bila yak o̱ a bilʋt untukloha kʋshofa yak o̱ chohmi hoke.

Eksotʋs 20:5

Aka ish im akahchunoli, micha ish aiokpʋcha he keyu hoke, Chin Chitokaka Chihowah sia hʋt Chitokaka nukta̱ha̱hla sia hosh i̱ki ʋhleha nanashʋchi tuk a̱ im ʋlla ʋhleha ai itishali ont atuchina, micha ont ai ushta kia a̱ nukkilli ka̱ im a̱ya li hoke.

Eksotʋs 3:16

Iá, micha, Islael im asʋnonchi ʋhleha ha ish itʋnahli cha, Hʋchi̱ki ʋhleha in Chitokaka Chihowah, Eblaham, micha Aisak, micha Chekob in Chitokaka yʋt a̱ haiaka cha, Hʋchim a̱ya li pulla cha, Echip a̱ nana a hʋchi̱ kaniohmi̱hinchi ka̱, pi̱hi̱sa le tuk oke.

Eksotʋs 4:31

Mihma okla hʋt yimmi tok; micha Chihowah yʋt Islael im ʋlla ʋhleha ha̱ im a̱ya tuk, micha ilbʋsha ka̱ pisa tuk a̱ haklo mʋt, noshkobo ha̱ akachunoli cha, okla aiokpʋchi tok.

Mahlu 24:35

Ʋba shutik micha yakni aiena kʋto ont ai iksho ka he, amba ʋno ʋm anumpa puta hatuk ʋto ont ai iksho ka he keyu hoke.

ʋBanumpa Luk Ʋt Holissochi Tok 1:68

Islael in Chitokaka Chihowa hʋt holitopashke: yʋmmak okʋt yakni toba tok taiyakla ka i̱ hopaii hochukma aiashʋt isht‐auehinchi ka itih isht ai anumpohonli tok mak osh, pishno ʋt pin tʋnʋp ʋhleha, mikmʋt pi̱ nukkilli ʋhleha ibbak ma mominchit il ai o̱ hlakofa hi o̱, im okla talaia ka i̱ nukha̱klot pihi̱sa cha, nan isht ʋlhtoba he im atahlit, isht ai‐okcha̱ya chinto fehna ka ilap in tishu Lewi in chuka‐chʋfa a pi̱ hilechi tok.

ʋBanumpa Luk Ʋt Holissochi Tok 19:44

Yohmikma a chi̱ nowʋt a̱ya he nitak a̱ chik ithaiyano ke tuk oka, chishno, mikmʋt chim ʋlla chi anu̱kaka a̱sha aiena ka yakni ak o̱ ai itilauechit aka chi bohla he; mikmʋt tʋli achʋfona kia it ʋlantʋt kaha hi a̱, ik chim ahno ka hi oke, achi tok.

Kaleshan 4:23

Yohmi ka ohoyo yuka ushi yʋt haknip nana a kaniohmi chatuk a̱ chiyuhmi tok; amba ohoyo yuka keyu ushi ʋto im issa tok ak atok.

Kaleshan 4:28

Yohmi ka itibapishi li ʋhleha ma! pishno ʋt Aisaak atok a̱, chohmit nan im issa tok ak o̱ im ʋlla pia hoke.

Titus 1:2

Yohmi cha ai okcha̱yʋt bilia pisa he ai ahna hi atok, yʋmmak oka Chihowa holaba he keyu yʋt, nana puta kʋt ik tobo pilla kash inli ho̱, im ihi̱sa tok;

Luth 1:6

Yʋmohmi mʋt ipok tuklo ka awant Moab yakni ya̱ issʋt falamʋt ia chi̱ hosh wakaya tok: Moab yakni anta moma kʋt Chihowa yʋt im okla ha̱ i̱ nowa cha, pʋska ima tuk a̱ haklo hatok.

1 Samuel 1:19

Mihma onna ha̱ onnahinli moma ho̱ okla wakaya cha, Chihowa itikba ai aiokpʋchi mʋt, falamʋt in chuka Lamah ha̱ ona tok: mihma Elkanah ʋt tekchi Hannah ya̱ ithana tok; mihma Chihowa ʋt ithaiyana tok.

1 Samuel 2:21

Mihma Chihowa ʋt Hannah im a̱ya na, ʋlla shahanli cha, ushi tuchina, micha ushetik tuklo ho̱ eshi tok. Mihma ʋlla Samuel ʋt Chihowa itikba ya̱ hofantit ahanta tok.