Genesis 20:3 - Chahta Holisso Holitopa 1886

³ Yohmi tuk kia Abimelek ʋt ninak a̱ holhpokuna ho̱, Chitokaka yʋt im ona cha, Yakeh! ohoyo yʋmma ish ishi tuk pulla kak osh hatak illi chia hoke: hatak tekchi yoka, im achi tok.

Genesis 20:3 Iomraidhean Croise

Genesis 12:17

Mihma Chihowah yʋt Eblam tekchi Salai ak atuk pulla mak o̱ Faloah micha in chuka achʋfa aiena ka̱ napalʋmmi chinto ka̱ onochi tok.

Genesis 12:18

Mihma Falaoh ʋt Eblam a̱ hoyo cha, Ilʋppak osh nanta mak o̱ is sa̱ yʋmihchi tuk oh cho? nanta katiohmi ho̱ chi tekchi atuk a̱ chik sʋm anolo tuk oh cho?

Genesis 20:7

Yʋmohmi hoka himak a̱ hatak ash tekchi ya̱ ish i̱ falʋmmichashke; hopaii yoka, mikma anumpa ilbʋsha ishit chi anumpulikma, chi okcha̱yashke; atuk o̱ chik i̱ falʋmmechokmʋt, chishno, micha nana hosh chimmi moma ka̱ aienʋt chilli pulla chi̱ kʋt ish ithaiyanashke, im achi tok.

Genesis 28:12

Atuk osh holhpokna tok, mihma yakeh, atuya yʋt yakni ya̱ o̱ hikia mʋt, paknaka yʋt shutik a̱ ont bikeli tok: mihma yakeh, Chitokaka im enchel ʋhleha hʋt ai atu̱hu̱yʋt, micha ai akoho̱wa tok.

Genesis 31:24

Atuk o̱ Silian hatak Laban ʋt ninak ma holhpokna na Chitokaka yʋt im ʋlʋt, Ahah, ish ahni cha, Chekob a̱ achukma hokma, okpulo hokma nana kia chik im anumpulo kashke, im achi tok.

Genesis 37:5

Atuk o̱ Chosef ʋt naholhpokna ho̱ holhpokna cha, itibapishi ʋhleha ha̱ im anoli tok: mihma i̱ shahlichit i̱ nukkilli tok.

Genesis 37:9

Atuk osh himakma naholhpokna ho̱ holhpokna cha, itibapishi ha̱ im anolit, Yakeh, himak a̱ naholhpokna ho̱ sa holhpoknʋshke: mihma yakeh, hʋshi, micha hʋshi ninak a̱ya, micha fochik auahachʋfa hash osh ʋm akachunoli tuk oke, achi tok.

Genesis 40:5

Atuk o̱ itatu̱klot naholhpokna ho̱ holhpokna mʋt, hatak achʋfa ila bi̱ka ninak achʋfa holhpokna tok; Echip i̱ mi̱ko aiishko i̱ sholi, micha pʋska im ikbi talakchit aboha kʋllo a̱lhto tuk ʋt naholhpokna toshowa inla bi̱ka ho̱ holhpokna tok.

Genesis 40:8

Naholhpokna ho̱ pi holhpokna tuk o̱, tosholi ʋt ikshoshke, im achit okla tok. Mihma Chosef ʋt, Tosholi kʋt Chitokaka ak osh immi keyu cho? Ʋm anolí, hʋchim asilhha lishke, im achi tok.

Genesis 46:2

Atuk o̱ ninak a̱ Islael ʋt na pisa ho̱, Chitokaka yʋt (Islael a̱) il im otʋnichit im anumpuli cha, Chekob ma, Chekob ma, ahanchi tok. Mihma, Yak itonla lishke, achi tok.

Atʋloa 105:14

Hʋttak nanah kia, ik ilbʋsshalí, ik ahnoh mʋt, yʋmmak atuk pullah mak o̱ mi̱ko putta ka̱ im alʋmit,

Numbas 22:9

Mihma Chitokaka yʋt Balaam a̱ im ʋla cha, Hatak nanta hosh ilʋppa chi apehʋt aiasha cho? im achi tok.

Mahlu 1:20

Yohmi kia ilʋppa puta ka anukfihinli tuk osh holhpokuna ma, Chihowa im enchil ʋt ant i̱ haiaka cha, Chosef Lewi ushi chia ma! chi tekchi Meli a̱ ishi ik chi nukwiyo kashke; Shilombish Holitopa ak atuk mak o̱ yʋmmak okʋt toba hosh afoyuka hoka.

Mahlu 27:19

Mihmʋt nan‐apesa aiasha ya̱ ont binili ma, tekchi ʋt pit im anolit, Yʋmmak atuk mak o̱ himak nitak a si holhpokunʋt nana isht ik sʋm ai achukmo kʋt an laua hatuk oka, hatak a̱hli achukma yʋmma nana chik kanihcho kashke, achi tok.