Genesis 20:1 - Chahta Holisso Holitopa 1886

¹ Mihma Eblaham ʋt yʋmma ʋttʋt apoyua cha toshowʋt oka mahli pilla yakni yo̱ ia mʋt, Katesh micha Shu itin takla ak o̱ ʋttʋt, cheki itin takla Kela ak o̱ ai ʋtta tok.

Genesis 20:1 Iomraidhean Croise

Genesis 10:19

Micha Kenanait okla im aiʋhli ʋt Siton a̱ ʋttʋt ia hosh Kela isht ona ka̱ ma̱ya hosh Kasa ya̱ ona tok: Sotom, micha Komolloh, micha Atmah, micha Seboim ish ia ka̱ ma̱ya hosh Lasha ya̱ ont ʋhli tok.

Genesis 12:9

Mihmʋt, Eblam ʋt iʋt oka mahli pilla ho̱ ma̱ha̱ya tuk ʋt moma hosh a̱ya tok.

Genesis 13:1

Mihma Eblam ʋt ilap, micha tekchi, micha nana im a̱sha tuk moma aiena kʋt Echip a̱ kohchʋt mintit, micha Lot ʋt ibafohka ho̱ oka mahli ka̱ ai ʋla tok.

Genesis 14:7

Mihmʋt falamʋt En‐mishpat, yʋmmʋt Katesh a̱ ai ʋla cha, Amalek okla i̱ yakni moma ka̱, micha Amolait ʋhleha yʋmmʋt Haseson‐tama a̱sha tuk a̱ issot kanchi tok.

Genesis 16:1

Yohmi ma Eblam tekchi Salai ʋt ʋlla ik im esho tok: mihmʋt Echip ohoyo, tishu ohoyo hosh hohchifo kʋt Haka yosh im anta tok.

Genesis 16:14

Yohmi hatuk o̱ kʋli hofobi yash osh Bee‐lahai‐loi hohchifo tok; Yakeh Katesh, micha Belet iti takla ya̱ hikia hoke.

Genesis 16:7

Atuk o̱ chukushmi foka oka kʋli, Shu hina oka kʋli hikia ka̱ a̱sha na, Chihowah im enchel ʋt ahayuchi tok.

Genesis 18:1

Atuk o̱ Chihowah yʋt baiyi ʋt Mamli a hieli ka̱ ai i̱ haiaka tok: mihmʋt nitak lʋshpʋt taha ho̱ ʋlhtipo okhissa ya̱ bininli tok.

Genesis 21:34

Mihmʋt Eblaham ʋt Filistin okla i̱ yakni ya̱ okla inla yosh ahanta na nitak laua tok.

Genesis 24:62

Mihma Aisak ʋt kʋli hofobi Lahai‐loi pilla ha̱ minti tok: oka mahli yakni ak o̱ ʋtta hatuk okʋt.

Genesis 25:18

Mihma Hafilah ya̱ ʋttʋt ia hosh Assilia pilla ish ia ka̱ Shu Echip itikba talaia kak o̱ okla aiasha tok: mihma itibapishi moma itikba ya̱ Ishmael ʋt ai illi tok.

Genesis 26:1

Atuk o̱ yakni ya̱ Eblaham ahanta nitak ma, hohchʋfo chito ʋmmona tok ʋt a̱sha na, anonti hohchʋfo chito tok. Mihma Aisak ʋt Filistin okla i̱ mi̱ko Abimelek im onʋt, Kela ya̱ ona tok.

Genesis 26:20

Atuk o̱ Kela ya̱ nan ʋlhpoa apistikeli ʋhleha hʋt Aisak i̱ nan ʋlhpoa apistikeli ʋhleha ha̱ im afoʋt, Oka ʋt pimmi hoke, achi tok: mihma kʋli hofobi yash hohchifo ha̱ Esek achi tok; im afoa tuk ak atok.

Genesis 26:26

Atuk o̱ Abimelek, micha i̱ kana ʋhleha ha̱ achʋfa Ahussalh, micha in tʋshka chipota i̱ kʋpitʋni chito Fikol aiena kʋt Kela a̱sha tuk ʋt Aisak a̱ im ona tok.

Genesis 26:6

Mihma Aisak ʋt Kela ya̱ ahanta tok.

Atʋloa 29:8

Chihowa itih ola kʋt yakni hayaka ya̱ winalichi hoke, Chihowa hʋt Katesh yakni hayaka ya̱ winali̱hi̱chi hoke.

Eksotʋs 15:22

Yohmi ho̱ Moses ʋt Islael a̱ pehlichit okhʋta humma ya̱ ashʋt kohchi tok; mihma okla kohchʋt iʋt, Shu yakni haiaka ya̱ nitak tuchina anowa ona mʋt, oka ik ahayucho tok.

Numbas 13:26

Micha iʋt Moses micha Alon micha Islael im ʋlla ʋhleha okla moma kʋt Palan yakni haiaka Katesh ak o̱ a̱sha tuk o̱ im ona tok; micha anumpa falama isht im ona cha, yakni yash nana a waya ka̱ okla moma ka̱ i̱ haiakʋchi tok.

Numbas 20:16

Atuk o̱ Chihowah ya̱ il i̱ paha̱ya ma, pim anumpa haklo cha, enchil o̱ et pila cha pehlichit Echip a̱ ai ishit pi kohchichi tuk oke; atuk o̱ yakeh! chim ai ʋhli fehna tʋmaha holihta Katesh ak o̱ il ai ashʋshke.

Tutelonomi 1:19

Atuk o̱ Holeb a̱ ashʋt il ia mʋt, yakni haiaka chito, micha palʋmmi, hina takla Amolait okla i̱ nʋnih ha̱ hʋsh a pisa chash pin Chitokaka Chihowah yʋt pim apesa tuk mak o̱ mominchit e hlopulli tok; mihmʋt Katesh‐banea ya̱ ela tok.

Tutelonomi 32:51

Yakni haiaka Sin Melibah‐Katesh oka ya̱ Islael im ʋlla ʋhleha ha̱ ai iti takla ya̱ a̱ sanalit ish ʋbanʋbli tok okʋt, Islael im ʋlla ʋhleha ai iti takla ya̱ chik sa holitoblo tok okʋt.

1 Samuel 15:7

Mihma Sal ʋt Amalek okla ha̱ issot kanchit, Hafilah ai isht ia mʋt, Shu ish ona Echip ont ichapaka ya̱ isht ona tok.